metoo

大埔LuLu慘遇露體狂被嚇到喊! 驚爆女星#MeToo事件簿

27歲的宅男女神董嘉儀(大埔LuLu)周日(28/2)於IG自爆,一個人返屋企途經隧道時慘遇露體狂,留言道:「啱啱有個變態特登行去我前面,着住條開洞露下體嘅褲,嚇到即刻跑走,忍唔住喊。」認真慘情!

文:東方新地 |圖:董嘉儀IG、譚杏藍YouTube截圖、譚杏藍IG、東星圖片、新傳媒圖庫

#MeToo
大埔LuLu遇露體狂被嚇到喊!

露體狂着開窿褲露下體

27歲的宅男女神董嘉儀(大埔LuLu),早前被踢爆同天堂鳥隊長葉灝基(Gordon)撻着,但女方卻堅稱與Gordon只是了解中,未正式拍拖。不過,女神未封盤,但就遇上不快事!大埔LuLu周日(28/2)晚上11點,一個人返屋企途經隧道時,慘遇變態露體狂,並在IG留言道:「啱啱有個變態特登行去我前面,着住條開洞露下體嘅褲,嚇到即刻跑走,忍唔住喊。」認真慘情!大埔LuLu更特別提醒姊妹們:「各位女仔一個人返屋企嘅時候,揀啲多人嘅地方行。」事後她接受傳媒訪問時仍然心有餘悸,指露體狂嚇她後,表現得好開心,覺得有人陪他玩一樣,直言:「真係有陰影!」並指露體狂是慣犯一名,附近有朋友都見過,年約30多歲,身穿橙色風褸、白色緊身褲中間私隱部位開窿。

#MeToo
大埔LuLu在IG留言。
#MeToo
大埔LuLu行山後,一個人返屋企途經隧道時,慘遇變態露體狂!
#MeToo
事後大埔LuLu接受傳媒訪問時仍然心有餘悸,直言:「真係有陰影!」

驚爆女星#MeToo事件簿

譚杏藍被性騷擾每月例牌一次

網紅歌手譚杏藍為一眾#MeToo受害者發聲,在網上公開自己被性騷擾的經歷,驚爆譚杏藍讀書時每月例牌一次,被埋藏心底多年的秘密,因為網民跟她分享私密時,她發現佔了大多數是#MeToo事件,令譚杏藍終於鼓起勇氣講出自己的經歷,鼓勵大家不要啞忍﹗譚杏藍最近跟網友在IG互動,設下「秘密垃圾桶」問答環節,網民可跟她分享自己一個秘密,最後譚杏藍卻發現大部分秘密

都是被性騷擾、性暴力的經歷,甚至乎目睹整件事卻不敢揭發此類秘密,令譚杏藍覺得不能再啞忍,決定把收收埋埋多年的秘密公開人前……

#MeToo
譚杏藍自爆被性侵犯次數相當多。
#MeToo
譚杏藍話讀書時遇到相當多次性騷擾,她說不知是因樣子還是校服關係,同時把自己讀書時的照片跟大家分享。

小學被長髮男揸下體

譚杏藍指不知是樣子還是校服關係,讀書時幾乎每月一次慘遭性騷擾,當時她大約11、12歲,放學與工人姐姐行回家途中,工人姐姐在前面,譚杏藍話:「當時遠處有個男人,遠睇已經有啲怪,長頭髮飄吓飄吓,就喺行過我同工人姐姐之間擦身而過嗰一刻,佢突然揸我下體,我當時畀唔到反應,呆咗企喺度,望後面佢已經走咗,工人姐姐一路行去前,嗰一刻覺得全世界冇人明白我咁﹗」

#MeToo
譚杏藍憶述被長髮男揸下體,此事令她好困擾,唔敢同人講亦唔知如何面對。

小巴上被掃大髀

譚杏藍上到中學,可以出夜街時,有一晚坐小巴返家時太晏瞓瞓著住,突然感到有人掃她大髀,譚杏藍:「感覺到有隻手上下掃我大髀內側,好在冇上到去三角位,我唔識點做,唔敢擘大眼,只係繼續扮瞓覺,終於佢落咗車,我先敢打番開對眼﹗」

#MeToo
譚杏藍話中學時有一晚夜歸坐小巴返屋企,遭乘客掃大髀內側。
#MeToo
瞓瞓吓覺感到大髀內側被人來回掃。

地鐵車廂被硬物撞屁股

譚杏藍讀中學時有一日放學如常坐地鐵,車廂好逼,突然感到身後有硬物撞她屁股,譚杏藍:「因為令我好唔舒服,同真係撞到我痛,所以我用手摸住自己屁股想轉身,個人已經衝咗出去人群中,我連佢個樣都見唔到。」譚杏藍話發現自己手背上不明有液體,回家後覺得不停洗手,覺得自己好污糟。

#MeToo
譚杏藍試過坐地鐵時被不停撞屁股。
#MeToo
譚杏藍鼓勵若大家若遇上#MeToo經歷時,不要忍氣吞聲,要為自己發聲,因為她以自身經歷向大家分享,不知在成長階段已受到多少影響。
#MeToo
譚杏藍鼓勵大家要保護自己,為自己發聲,並謂真真正正的香港人會幫助你,唔好怕遇到時出聲冇人理。

吳沚默老銅遇兩次性騷擾

TVB文青才女吳沚默,早前在IG驚爆在銅鑼灣行街時兩度遭人性騷擾,更加一度被人篤下體令她氣上心頭,事後她自責因一時心軟放過對方,表示公開事件是希望能警惕其她女孩。原來無綫三位性感女神張秀文、孫慧雪及王卓淇,亦曾有被性騷擾的不快經歷,至今提起仍猶有餘悸,當中34D咪神張秀文(Sammi),就曾試過行街畀廚房佬博懵掃pat pat,經歷令她十分激氣,經一事長一智,三女神更提醒一眾女孩,要學識時刻好好保護自己,千萬不要因怕事而唔出聲,有乜唔妥切記「Say No」!

#MeToo
TVB文青才女吳沚默。
#MeToo
早前在IG驚爆在銅鑼灣行街時兩度遭人性騷擾。

張秀文慘遭廚房佬掃patpat

TVB咪神張秀文,其34D導彈身材相當火辣,加上她傻大姐性格活潑又玩得,成功俘虜大班宅男,早前她與阿Bob(林盛斌)主持的綜藝節目《你估我唔到》,不時制服誘惑出鏡,演出十分賣力都係工作需要,原來咪神因為身材出眾曾遇過#Me Too事件,當時她就讀F.5,張秀文向本刊憶述時仍嬲爆:「嗰次喺屋村隔籬嘅商場,有個應該係做廚房嘅男人迎面向我行嚟,因為佢係著住白色嘅廚房衫,佢喺我身邊並排經過時,突然反手掃我pat pat,當時好嬲但又好驚,始終嗰時細個又一個人,唔識反應又唔敢出聲,我回頭望佢時,仲見到佢好得戚嘅眼神瞄一瞄我!比著依家,我一定會捉實佢隻手警告,唔會就此罷休!」

#MeToo
曾任啤酒代言人的張秀文,被封為「最具戰鬥格」港姐。

張秀文巴士上被博懵

張秀文透露還有一次在巴士站等巴士時被博懵,幸好這次身邊有個男同學,幫她出頭質問對方「做乜嘢?」才嚇倒這男人唔敢亂來!兩次經歷令Sammi體會到一定要學識反抗,她亦提醒女孩子若遇到任何性騷擾事件,必定要Say No :「女仔一定要好好保護自己,因為唔出聲反而助長呢班人更加大膽!如果唔係都唔會摸完人,仲露出得戚眼神!」

#MeToo
上圍勁有料的張秀文,學生時期身材已經好突出,她透露F.5時兩度被博懵,當時都是身穿校服裙!Sammi說:「我諗佢哋可能覺得學生妹怕事啲!有嘢都未必敢出聲!」
#MeToo
早前與阿 Bob主持綜藝節目《你估我唔到》,Sammi不時以制服打扮出鏡,雖然服裝不算性感,但另類誘惑同樣秒殺宅男,令她熱爆討論區。
#MeToo
張秀文大學畢業不久即參加2010年香港小姐選舉,其導彈身材更令她響朵,被封新一代「咪神」

索爆人妻孫慧雪遇猥瑣男

已升呢做人母的孫慧雪,亦向本刊透露讀中學時,曾搭地鐵被猥瑣男用下體頂臀部,嚇得她花容失色!真係聽到都令人惡心!經歷令她留下陰影,試過有段時間不敢一個人行街。女生被博懵已經夠慘,如果唔出聲,事後諗番轉頭可能會更激氣!女神公開切身經歷,提醒大家緊記做個勇敢的女孩。

#MeToo
性感女神孫慧雪,雖然已為人母但去年推出寫真集仍大受歡迎,阿雪接受本刊訪問時,直言讀中五時,試過在金鐘站入車廂時,曾被猥瑣男用下體頂她的臀部:「佢用下體頂我嘅臀部,當時真係好驚,我一路用手踭頂住,又唔敢出聲,後尾覺得好唔對路,轉身望向後面,個男人已經唔知攝咗去邊!」回想事件,阿雪相當後悔未有即時出聲。
#MeToo
阿雪現在有老公保護,她亦直言唔會再咁細膽怕事:「總之女仔被博懵,一定要出聲。」

王卓淇被陌生大叔捽面珠

來自廣州的無綫索小花王卓淇,不時在IG經常大晒趷籮露趾性感相,令宅男暈其大浪,Erin(王卓淇)受訪時就透露讀小四時,曾被一位陌生大叔用手捽面珠和嘴。她重提事件仍表現嬲嬲豬:「嗰時我同另一位同學一齊,個大叔係咁捽我塊面同我個嘴,話我好得意,你知阿叔嘅手掌幾大,不過咁!我細細個已經好寸嘴,我即刻鬧佢:『阿叔,你做乜嘢!你想點!』身邊同學就即刻拉我走,自呢件事件發生之後,令我留有陰影,之後一個人放學都有啲驚,阿媽一定會來接我!就算唔得閒,都會叫工人姐姐接我!」

#MeToo
來自廣州的無綫索小花王卓淇。
#MeToo
不時在IG經常大晒趷籮露趾性感相,令宅男暈其大浪。
#MeToo
王卓淇受訪時透露讀小四時,曾被一位陌生大叔用手捽面珠和嘴。

讀者留言