mak

奧運村被爆格 麥明詩:破財擋災

麥明詩被委派到巴西採訪奧運,期間問題多多,除了早前佢入住傳媒村隔離座有工作人員房間爆屎渠外,今日麥明詩自爆前晚工作後返回房間,發覺被爆格,好在損失唔算太多,最緊要人冇事,算係破財擋災!

延伸閱讀︰

拆解《城寨英雄》8大謎團

《城寨》「福壽金」林偉 原來係李嘉欣同學!

 

損失過千港元

慘被爆格後,麥明詩表示:「前晚返房,發現唔見咗啲錢,唔見咗五分一,大約四位數港幣,已經報咗警!」佢又樂觀表示,出發前已買咗保險,加上護照及貴重物品都有跟身,今次算係破財擋災:「我冇擺晒啲錢喺行李度,有五分四放咗喺身度,所以個賊只係偷咗五分一!」不過,為了慳住使,麥明詩笑言要問其他人借即食麵醫肚!

 

食麵遇金牌選手

麥明詩之後於ig拍片,表示食麵時(唔通財物已被偷?)有同事跟她說,出面有幾個金牌運動員,麥明詩聽了後即衝出去八卦吓。麥明詩指金牌運動員係應電視台邀請做訪問,更鬼馬說想摸對方金牌!

冒險採訪

由於當地治安情況唔算好,上周更曾有傳媒車遇槍擊事件,據知麥明詩與工作人員昨晚出外採訪欖球賽事,鏡頭前談笑風生,實則不知幾驚!由於佢哋從傳媒中心坐巴士去比賽場地途經嘅地方,附近一帶除了係黑幫地盤外,更係上周發生槍擊事件嘅同一路線!所以,麥明詩等都好擔心有生命危險,開車後所有人都唔敢坐,只趴喺坐椅,認真驚險!

全文完