feat_1194_18

43歲「女兒控」陳展鵬拒賣女搵銀 劇接劇工作冇停手一個人養兩家

娛聞

原本九月播出的新劇《唐人街》突然被抽起改播《 C9特工》,令已經兩年冇劇上的煎Pang(陳展鵬),劇集繼續不見天,差點連觀眾都遺忘了他的視帝級演技,幸好有女兒小豬比幫爸爸增加人氣,自從小豬比出世,煎Pang暖男爸爸形象深入民心,歲半的小豬比Cute爆人見人愛,近期更吸引到不少廣告商招手,力斟煎Pang帶小豬比一家三口合體拍廣告,不過煎Pang護女大個天,疫情下對小豬比更加倍保護,堅拒在高危時候帶囡囡外出拍廣告賺錢,好爸爸只想讓女兒健康快樂成長,賺錢嘅嘢由他一力承擔冇問題!

撰文、圖片:東方新地

陳展鵬《唐人街》臨時被抽起 兩年冇劇上

對上一套劇出街已經是18年的《天命》,等足兩年原本被安排緊接《反黑路人甲》在九月播出的《唐人街》,卻臨時被抽起改播《 C9特工》,令煎 Pang由期待變失落。據知情者透露:「等咗兩年先有劇播,加上《唐人街》被指係新版《城寨英雄》,煎 Pang梗係好期待啦,點知突然間話抽起,最初佢真係好唔開心,好彩呢兩年佢畀老婆單文柔樂天性格感染,個人冇以前咁執著,加上返到屋企一見到囡囡咩煩惱都全消,佢好快已經收拾心情繼續工作!」據知新劇《唐人街》臨時被抽,有傳是因劇中有一場劉穎鏇被姦的戲份相當之激,令劇集至今未取得內地批文,由於劇集計劃中港兩地聯播,亦因此要延期播出。

婚後完全畀老婆單文柔改造的陳展鵬,由 cool man變暖男,十月中二人結婚兩周年,煎Pang花盡心思陪老婆Phoebe(單文柔)到酒店staycation慶祝,兩公婆還在社交網打情罵俏放閃,Sweet爆!
婚後完全畀老婆單文柔改造的陳展鵬,由 cool man變暖男,十月中二人結婚兩周年,煎Pang花盡心思陪老婆Phoebe(單文柔)到酒店staycation慶祝,兩公婆還在社交網打情罵俏放閃,Sweet爆!
已經兩年冇劇上的煎Pang,對上一套播出街的劇集已是18年的 《天命》 ,而原本係 《C9特工》檔期推出的 《唐人街》突然被抽起,據知是因為未取得內地批文。
已經兩年冇劇上的煎Pang,對上一套播出街的劇集已是18年的 《天命》 ,而原本係 《C9特工》檔期推出的 《唐人街》突然被抽起,據知是因為未取得內地批文。
《唐人街》
《唐人街》

阿媽醫療費用不菲 一個養兩家唔容易

雖然新劇播映無期,不過煎 Pang剛同無綫續約,劇接劇工作冇停手,除了要賺錢養妻女,身為一家之主的煎 Pang,更要擔起父母的生活開支,由於煎 Pang媽咪18年在寓所跌傷及中風,近年身體每況愈下,單是媽咪的醫療費用亦不菲,煎 Pang更要努力工作賺錢。據知情者透露:「疫情下好多人都少咗工作,不過煎 Pang同TVB啱啱續咗約,今年已經拍咗兩套劇,年底又定咗有新劇由佢擔正,工作冇停過,對佢嚟講,有穩定收入先最緊要!依家煎 Pang要養兩頭家,雖然阿媽有阿爸照顧,不過父母租住嘅西貢屋苑每月租金都要兩三萬,而且佢媽咪經常要進出醫院使費好大,佢都希望可以接多啲 Job,不過,依家小豬比開始大,煎 Pang都要留多啲時間陪囡囡,最近《超能使者》煞科,佢亦趁新劇未開工,日日喺屋企湊女!」

煎 Pang媽咪18年因在寓所跌倒後中風,兩度入ICU接受治療,孝順的煎 Pang更為陪母親而停工一年。
煎 Pang媽咪18年因在寓所跌倒後中風,兩度入ICU接受治療,孝順的煎 Pang更為陪母親而停工一年。
現時陳母由陳爸爸照顧,煎續約劇接劇Pang亦為阿媽努力賺醫藥費。
現時陳母由陳爸爸照顧,煎續約劇接劇Pang亦為阿媽努力賺醫藥費。
早前同無綫續約的煎 Pang,近期便劇接劇冇停手,拍完《逆天奇案》及《超能使者》,已定十一月再有新劇開工。
早前同無綫續約的煎 Pang,近期便劇接劇冇停手,拍完《逆天奇案》及《超能使者》,已定十一月再有新劇開工。
《逆天奇案》
《逆天奇案》

BB用品睇中小豬比陳展鵬拒賣女搵銀

愈大愈可愛的小豬比,除了將暖男爸爸煎 Pang融化,原來更吸引不少廣告商垂青,近期便有不少 BB用品廣告向小豬比打主意。據知情者透露:「小豬比得意又活潑,細細個已經勁多表情,真係人見人愛,煎 Pang夫婦每次 Po囡囡啲相出嚟都好受歡迎,加上煎 Pang做咗爸爸之後,好爸爸形象更加入屋,呢排就有好多 BB用品廣告商打小豬比主意,搵煎 Pang一家三口拍廣告,不過,依家疫情關係,煎 Pang已經好少帶囡囡出街,佢更加唔會冒險帶個女出去拍廣告賺錢,所以統統都推晒,不過如果簡單可以自己拍片放上 IG嘅宣傳廣告,煎 Pang都會嚴謹篩選。」

歲半的小豬比得意活潑,近期引來不少廣告商打她主意,不過煎 Pang堅拒讓囡囡拍廣告賺錢。
歲半的小豬比得意活潑,近期引來不少廣告商打她主意,不過煎 Pang堅拒讓囡囡拍廣告賺錢。
歲半小豬比表情多多,超可愛!
歲半小豬比表情多多,超可愛!
新冠肺炎疫情未完全受控,煎 Pang亦減少帶女兒小豬比外出,不過間中都放寬同囡囡行下超市,但防疫功夫一定做到足,除幫小豬比戴上口罩亦會勤抹手保持衞生。
新冠肺炎疫情未完全受控,煎 Pang亦減少帶女兒小豬比外出,不過間中都放寬同囡囡行下超市,但防疫功夫一定做到足,除幫小豬比戴上口罩亦會勤抹手保持衞生。
避帶囡囡去人多地方,不過煎 Pang夫婦亦會陪囡囡去寓所附近公園放風,等囡囡可以有機會曬吓太陽!
避帶囡囡去人多地方,不過煎 Pang夫婦亦會陪囡囡去寓所附近公園放風,等囡囡可以有機會曬吓太陽!
煎Pang堅拒一家三口拍廣告,但如果輕鬆自己拍片,他亦唔抗拒畀小豬比出鏡,早前單文柔同囡囡在家中拍尿片廣告放上IG!
煎Pang堅拒一家三口拍廣告,但如果輕鬆自己拍片,他亦唔抗拒畀小豬比出鏡,早前單文柔同囡囡在家中拍尿片廣告放上IG!
做咗人母形象更健康討好的單文柔,近期亦進軍 KOL行列,得唔少廣告客青睞。
做咗人母形象更健康討好的單文柔,近期亦進軍 KOL行列,得唔少廣告客青睞。

讀者留言