os_feat_1148_irisa

女巨人王麗嘉銅記show長腿 型男+超模父母贏在起跑線

DNA有幾重要?王敏德同馬詩慧一家就係最佳示範。混血型男加一代超模,所以三個仔女都係靚仔靚女亦高人一等!近日二女王麗嘉銅鑼灣出巡,高人一等離遠都望到,做佢朋友會唔會好大壓力呢?

撰文、圖片:東方新地

王麗嘉遺傳王敏德馬詩慧特質 高人一等勁顯眼

銅鑼灣硬係人多車多,次次都好容易發現王家二代嘅身影,梗係啦,同朋友並排而行,高出個朋友……呀唔係,係高出成條街啲人成個頭,有乜可能見佢唔到呀。

一心打算繼承媽媽衣缽做模特兒,王麗嘉街 坊裝都有型有格仲要高人一大截。
一心打算繼承媽媽衣缽做模特兒,王麗嘉街坊裝都有型有格仲要高人一大截。
人高腿長,著上熱褲寧舍養眼。
即使馬詩慧已經生咗三個,但完全無走樣,身材仍然fit到爆。
兩個女都遺傳到阿媽對長腿,企埋一齊勁養眼!

銅鑼灣出巡 生活貼地坐小巴移動

其實王敏德一家住跑馬地多年,街坊街里仲有傳媒朋友都見慣一家人鍾意出銅鑼灣買餸行街。銅鑼灣出入跑馬地,有乜快得過 搭專線小巴呢?王麗嘉(Irisa)呢日就約埋朋友等坐小巴齊齊返歸囉!

鬼妹仔性格爽朗作風大膽,等一程小巴, 都見Irisa表情多多。

成家人感情勁好,周不時都會一齊出去搵食。