feat_1191_10

李佳芯360度零死角、岑麗香輕熟女靚媽 有仙氣又可愛!女星孖辮look滲少女味

講起孖辮就一定諗起當年《喜劇之王》裡面嘅柳飄飄,學生妹之夜除咗水手裙校服裝,最亮點之處肯定係一對孖辮囉!睇吓呢班圈中女星紮起孖辮,邊個最減齡成功又有少女味,最令你搵到初戀嘅感覺?

撰文、圖片:東方新地

鍾欣潼童顏最襯孖辮 look

即將踏入四十歲嘅阿嬌得天獨厚童顏不變,最襯孖辮 look。不過月頭喺廈門不幸發生意外,額頭傷痕雖然恢復進度良好,不過就有排都未可以紮孖辮露額住!

李佳芯360度零死角、岑麗香輕熟女靚媽    有仙氣又可愛!女星孖辮look滲少女味

李佳芯360度零死角

37歲佳芯 BB唔止係360度零死角,亦係人所皆知山系女神。平時上山落海隨意紮起頭髮素顏上陣,除咗係跑山做運動時指定輕便打扮,亦再一次證明人靚,個頭點梳都好睇!

李佳芯360度零死角、岑麗香輕熟女靚媽    有仙氣又可愛!女星孖辮look滲少女味

鄧紫棋難得簡單

16歲出道,20歲已經紅到上太空,為咗配合國際化感覺,G.E.M. 平時濃妝艷抹過於成熟。其實今年只得29歲,簡簡單單紮對孖辮都好睇,更見青春可人。

李佳芯360度零死角、岑麗香輕熟女靚媽    有仙氣又可愛!女星孖辮look滲少女味

黃智雯愈活愈青春

黃智雯同珠寶集團高層詹文天穩定交往有愛情滋潤,又愈做運動愈起勁加入 crazy runner 行列,雖然年屆37歲,不過就愈活愈青春愈容光煥發,carry 得起辮辮有餘。

李佳芯360度零死角、岑麗香輕熟女靚媽    有仙氣又可愛!女星孖辮look滲少女味

陳靜31歲仲 young 得起

08年拍廣告因為魔鬼身材天使面孔晉升為「 百果園 E 神 」,不過近年主打拍電影造型愈趨成熟,呢個孖辮 look 提醒大家31歲DaDa 仲 young 得起。

李佳芯360度零死角、岑麗香輕熟女靚媽    有仙氣又可愛!女星孖辮look滲少女味

吳千語嬌俏活潑

同林峯相愛六年無疾而終,同百億富三代施伯雄又分分合合,近日有傳千語BB終於好事近,籌備明年嫁入施家,呢位待嫁姑娘今年只得26歲,紮起孖辮更嬌俏活潑。

李佳芯360度零死角、岑麗香輕熟女靚媽    有仙氣又可愛!女星孖辮look滲少女味

黃翠如仙氣兼少女味

出道十七年、就快39歲,家陣已經榮升人妻成為蕭太,翠如 BB紮起孖辮唔止有仙氣,仲散發陣陣少女味。

李佳芯360度零死角、岑麗香輕熟女靚媽    有仙氣又可愛!女星孖辮look滲少女味

岑麗香輕熟女靚媽

香香公主五官精緻可塑性高,高貴美艷可以、可愛嬌俏亦得,抱住囝囝 Jacob搖身一變輕熟女靚媽、紮起孖辮又多番啲少女味,完全睇唔出35歲,囝囝都已經歲半大!

李佳芯360度零死角、岑麗香輕熟女靚媽    有仙氣又可愛!女星孖辮look滲少女味

陳瀅運動裝+孖辮更嫩口

今個月就過31歲生日,女神陳瀅貴在笑容爽朗五官脫俗,無論二字頭定三定頭,臉上都看不到歲月痕跡,配合運動裝再紮番條孖辮,即時再嫩口咗!

李佳芯360度零死角、岑麗香輕熟女靚媽    有仙氣又可愛!女星孖辮look滲少女味

周秀娜清爽有氣質

𡃁模出道,憑冶艷性感形象深入民心,不過近年收起性感搖身一變成為實力女演員,35歲娜姐紮起辮仔其實都可以清爽又有氣質。

李佳芯360度零死角、岑麗香輕熟女靚媽    有仙氣又可愛!女星孖辮look滲少女味

劉佩玥清爽簡單

充滿陽光與海嘅船河 look 最緊要清爽簡單,31歲劉佩玥紮上孖辮再加埋小飾物本來應該可愛又有睇頭,不過個電視妝略嫌重手咗,曬多陣唔知會唔會溶?

李佳芯360度零死角、岑麗香輕熟女靚媽    有仙氣又可愛!女星孖辮look滲少女味

鄧佩儀孖辮 look勁sharp醒

27歲鄧佩儀青春無敵性格討好,拍劇短短五年已經成功入屋演技大獲好評,而呢個孖辮 look又係襯到足,配襯橙 Tee及鮮紅甲油更sharp醒。

李佳芯360度零死角、岑麗香輕熟女靚媽    有仙氣又可愛!女星孖辮look滲少女味

傅嘉莉搣甩拜金形象

以往例牌穿金戴銀又專同人夫富叔叔來往,35歲的傅嘉莉近年憑拍電視劇入屋搣甩拜金形象,再加埋對可愛孖辮,唔止減齡仲變得更貼地。

李佳芯360度零死角、岑麗香輕熟女靚媽    有仙氣又可愛!女星孖辮look滲少女味