feat_1198_12

黃翠如剪去17年長髮、鄧佩儀剪短髮後零追求者!女星換新形象齊齊剪短髮

「我已剪短我的髮,剪斷了牽掛,剪一地不被愛的分岔……」梁詠琪唔止首成名作係〈短髮〉,亦係圈中難得一個最襯短髮最堅持短髮嘅天后級女星。其實除咗為愛情,女星轉造型剪短頭髮亦可以係為套劇,今年就特別多女星為新角色剪短頭髮。

撰文、圖片:東方新地

黃翠如剪去17年長髮

入行17年,黃翠如留足17年長髮,今年中為無綫新劇《七公主》轉個全新造型,剪一頭短髮變身大律師,為觀眾帶來新鮮感!

黃翠如剪去17年長髮、鄧佩儀剪短髮後零追求者!女星換新形象齊齊剪短髮 黃翠如剪去17年長髮、鄧佩儀剪短髮後零追求者!女星換新形象齊齊剪短髮

頭髮陳自瑤少女味番晒嚟

2011年11月11日婚禮前夕,王浩信被爆偷食𡃁模Cammi,王浩信同陳自瑤呢一對年年傳婚變,今年第九年結婚紀念亦唔見有任何慶祝活動,反而見YoYo剪去一頭長髮晒新造型。39歲、女都8歲大,少女味即時番晒嚟!

黃翠如剪去17年長髮、鄧佩儀剪短髮後零追求者!女星換新形象齊齊剪短髮

李佳芯bob頭造型有新鮮感

新劇《智能愛(AI)人》開機,Ali李佳芯都有個全新假髮造型,由於扮演嘅係機器人,所以頭髮都唔使真剪,笠個bob頭假髮假假哋效果更佳。

黃翠如剪去17年長髮、鄧佩儀剪短髮後零追求者!女星換新形象齊齊剪短髮

鄧佩儀剪短髮後零追求者

2018年為劇集《幕後玩家》角色剪短髮,鄧佩儀被大讚同陳慧琳有幾分相似,更獲封「短髮女神」!之後佢的起心肝留番長髮,皆因佢話剪短髮後一直零追求者,但留長髮後就追求者不斷。近日鄧佩儀為新劇《逆襲人生》再次剪短頭髮,睇嚟又有排冇拖拍啦!

黃翠如剪去17年長髮、鄧佩儀剪短髮後零追求者!女星換新形象齊齊剪短髮 黃翠如剪去17年長髮、鄧佩儀剪短髮後零追求者!女星換新形象齊齊剪短髮

姚子羚短髮又型又硬朗

新劇《拳王》開拍,姚子羚飾演拳壇女強人,仲要有個好 Man嘅名叫「雷堅」,當然都要配合番個角色剪番個又型又硬朗嘅短髮。

黃翠如剪去17年長髮、鄧佩儀剪短髮後零追求者!女星換新形象齊齊剪短髮 黃翠如剪去17年長髮、鄧佩儀剪短髮後零追求者!女星換新形象齊齊剪短髮

鍾嘉欣為新劇作出犧牲

出道多年,鍾嘉欣一直都 keep住女神式長髮形象(唔計《老友狗狗》笠假髮),做咗媽媽後事隔四年再次主演電視劇,久違了的 Linda為咗新劇《兒科醫生》中嘅角色,作出犧牲剪咗一頭清爽短髮。

黃翠如剪去17年長髮、鄧佩儀剪短髮後零追求者!女星換新形象齊齊剪短髮

胡定欣英氣又專業

胡定欣宣布加盟《白色強人II》飾演腫瘤科醫生葉晴,為咗配合英氣又專業全新角色,隆重其事剪埋個新髮型。

黃翠如剪去17年長髮、鄧佩儀剪短髮後零追求者!女星換新形象齊齊剪短髮

黃翠如剪去17年長髮、鄧佩儀剪短髮後零追求者!女星換新形象齊齊剪短髮

高海寧短髮麻甩貨車司機

無綫新重頭劇《 七公主 》集齊七個花旦同小花演出,大公主翠如同二公主高海寧都係為角色剪短頭髮。高 Ling 喺劇中飾演麻甩貨車司機,嘗試唔 sell 樣唔賣身材。

黃翠如剪去17年長髮、鄧佩儀剪短髮後零追求者!女星換新形象齊齊剪短髮

陳靜大膽剪去一頭長髮

08年出道時以純情面孔魔鬼身材打響名堂,經過12年歲月洗禮和磨練,DaDa陳靜更有個性更具內涵。今年大膽剪去一頭長髮,話一向為配合角色至留長髮,呢個先係真正嘅自己!

黃翠如剪去17年長髮、鄧佩儀剪短髮後零追求者!女星換新形象齊齊剪短髮 黃翠如剪去17年長髮、鄧佩儀剪短髮後零追求者!女星換新形象齊齊剪短髮

劉穎鏇健康爽朗又sporty

當選港姐後一直以長髮示人,上月劉穎鏇突然話「係時候改變」,轉新形象將頭髮剪到及肩。其實23歲女、形象一直健康爽朗又sporty,短髮仲襯佢啦!

黃翠如剪去17年長髮、鄧佩儀剪短髮後零追求者!女星換新形象齊齊剪短髮

鄭融運動型小野貓個性

鄭融今年八月突然剪去長髮,其實襯晒佢個運動型小野貓個性,對於對慣廿年長髮嘅歌迷嚟講,亦夠晒新鮮感。

黃翠如剪去17年長髮、鄧佩儀剪短髮後零追求者!女星換新形象齊齊剪短髮