ft pic

娶其士集團太子女 「春美」吳家樂生足3個夠熱鬧

被指抄襲港產漫畫《九龍城寨》嘅《城寨英雄》熱播,劇中除咗陳展鵬、袁偉豪同伍允龍打到飛起,奸角之一嘅「馮春美」吳家樂亦十分搶鏡。家樂仔飾演白面春美,即係城寨惡霸馮夏滿嘅親生大佬,陰陽怪氣得嚟又冷血陰險!

其他文章:

疑似華姐淫片流出完整版

拆解《城寨英雄》8大謎團

 

家樂仔一向扮鬼扮馬都有一手,今次唔搞笑玩認真,飾演城寨武林高手馮春美,幫細佬兼黑幫阿頭馮夏滿打江山。觀眾激讚家樂仔眼神笑容都夠奸,舉手投足亦做到角色嘅女性化一面,一句講晒:好戲!最近幾集劇情講到林偉飾演嘅福壽金死後,春美同柯萬長平分城寨所有黃賭毒檔口,肯定同福利會一班英雄有排鬥!

 

家樂仔晌劇中戲份甚重,野心極大嘅佢,會逐一清除城寨其他話事人做山寨王,包括表面上改邪歸正嘅柯萬長,真係由頭帶到尾!

 

其實家樂仔甚少佔戲咁重,對上一齣《愛‧回家》做郭少芸男友「涼粉」,已經算比較有印象。除咗拍劇,家樂仔亦有做主持,通常每年賀年節目都有佢份,瓣數多多!

事業未算大紅大紫,但家樂仔家庭生活非常美滿。06年3月迎娶拍拖1年幾嘅其士集團太子女周蕙蕙,07年大女出世,08年輪到孖仔出世,44歲家樂仔已變成多仔公家樂佬。為照顧三個仔女,家樂仔曾有一段時間暫停拍劇,專心做湊仔公,肯放棄男人最重視嘅事業,呢種絕世好爸爸兼好老公去邊度搵呀?

全文完