feat_1192_5

孫慧雪孖狗狗享受寵物假期 坐豪華包接送房車齊齊玩「Doga」

公平咩?大家都係「孩子」,一個係親孩子,一個係毛孩子,不過媽媽孫慧雪出去玩出去享受闊太生活,只得毛孩子有份,親生孩子就繼續留守屋企過抗疫日子,公平咩?

撰文、圖片:東方新地

孫慧雪孖狗狗享受寵物假期

鬼咩?抗疫九個月,冇得坐飛機又冇得食買玩,難得興起Staycation,仲有好多間酒店度身訂造寵物假期,早前至有張曦雯帶寶貝柴犬Nala早玩早享受,呢次就輪到靚媽孫慧雪走去試玩。

去五星級酒店玩staycation係興奮啲,雪雪隆而重之幫自己同Moji襯晒衫打扮過,仲出po晒「闊太生活」,自爆會同Moji一齊玩「Doga」
去五星級酒店玩staycation係興奮啲,雪雪隆而重之幫自己同Moji襯晒衫打扮過,仲出po晒「闊太生活」,自爆會同Moji一齊玩「Doga」
為襯番個「 闊太假期 」,點少得靚車接送,雪雪拍埋片,影埋八歲Moji 坐車全程乖巧得嚟又好奇。
為襯番個「 闊太假期 」,點少得靚車接送,雪雪拍埋片,影埋八歲Moji 坐車全程乖巧得嚟又好奇。
酒店位於尖沙咀海旁,飽覽無敵維港海景,今次Moji夠晒爽。
酒店位於尖沙咀海旁,飽覽無敵維港海景,今次Moji夠晒爽。

家有愛寵,以往出trip旅行,由上機開始內疚掛念擔心到回程返屋企,其實staycation確係幾盞,終於一萬幾千就可以帶埋寵物一齊去換個環境歎幾日。日前雪雪就隆而重之盛裝打扮,連狗狗Moji都著埋衫仔、戴埋黑超襯晒,兩母子一齊坐豪華包接送房車,一齊喺超豪大堂擺甫士打卡!人有king size大床、狗有專屬靚床, 連玩瑜伽都有教練帶埋狗狗一齊玩「Doga」,對住無敵海景享受五星級假期,唔知玩得咁開心,雪雪有冇掛住屋企個三歲囝囝Riley呢?

潮玩staycation雪雪都帶咗好幾套靚衫替換影相,去到浴缸擺po晒腿,38歲做埋人母,雪雪仲守得住女神地位。
潮玩staycation雪雪都帶咗好幾套靚衫替換影相,去到浴缸擺po晒腿,38歲做埋人母,雪雪仲守得住女神地位。
入酒店點少得king size大床典番夠本,原來除咗人有得典,Moji都有靚靚專屬狗床。
入酒店點少得king size大床典番夠本,原來除咗人有得典,Moji都有靚靚專屬狗床。
除咗食玩瞓,仲有教練示範如何同狗狗做瑜伽,雪雪瞓晒身,Moji都玩到伸晒脷。
除咗食玩瞓,仲有教練示範如何同狗狗做瑜伽,雪雪瞓晒身,Moji都玩到伸晒脷。

孫慧雪孖狗狗享受寵物假期   坐豪華包接送房車齊齊玩「Doga」