張敬軒疫下紅館騷邊唱邊教防疫 encore環節即席宣布好消息

娛聞

廣告

受疫情影響,演唱會全面停擺,延期一年、萬眾期待的張敬軒演唱會終於開鑼!軒仔成功以「首位重返紅館開騷」的歌手身份,舉行八場《 張敬軒 X 香港中樂團盛樂 》演唱會,紅館因應疫情措施,只容許一半觀眾入座,為了令6,000歌迷及約80位演出者安心,大會除了做足防疫措施,軒仔亦化身紅館職員拍片親身教防疫,連歌迷如廁時間如何洗手都照顧周到,教埋大家唱洗手歌,「早餐界KOL」的工人姐姐將於本周五捧場

撰文、圖片:東方新地

張敬軒疫下紅館第一騷

相隔一年,成為首位率先重踏紅館舞台的歌手,軒仔身穿黑色雲石皮褸及羽毛帽隆重登場,以經典歌曲〈 酷愛 〉作演唱會序曲,向著紅館觀眾大叫:「 紅館我番嚟喇!大家都番嚟喇!」引得全場拍手叫囂,但見全場有一半座位被收起,他又笑著說: 「 如果比著以前我升上台見到入座率咁樣,一定好唔開心,但依家見到,我好感動,感激大家支持!因為要配合政府防疫規限,所以大家坐得比較疏落,係咪輕鬆好多?哈哈!只要你哋肯嚟,我就肯唱,唱幾多場都冇問題,呢個騷真係得來不易! 」

著上黑色雲石皮褸及羽毛帽華麗登場,軒仔以一曲〈 酷愛 〉打頭陣,全場即報以歡呼聲!
著上黑色雲石皮褸及羽毛帽華麗登場,軒仔以一曲〈 酷愛 〉打頭陣,全場即報以歡呼聲!
期間軒仔發現有歌迷一直高舉巨型麵包公仔想送他時,他笑道:「 你27號會唔會再嚟?我叫姐姐(家傭)坐你附近!不過我今次唔可以收禮物,你哋唔使送嘢畀我。」
期間軒仔發現有歌迷一直高舉巨型麵包公仔想送他時,他笑道:「 你27號會唔會再嚟?我叫姐姐(家傭)坐你附近!不過我今次唔可以收禮物,你哋唔使送嘢畀我。」

今次演唱會共有四個章節,而每一節開頭都會有一首序曲,是軒仔與中樂團一起揀選的。在第二章節中,有四名戴上口罩的 dancers上台伴舞,軒仔笑謂:「原定安排咗超過20位 dancers,不過因為疫情關係減到得番4個,為免人多會喺台上交換飛沫,所以舞蹈員都會戴上口罩。」軒仔又謂要屈就80名樂手一齊坐,並表示自己及需要用口吹奏樂器的樂手事前都有做深喉測試,確定沒受感染才開騷。之後他唱〈悔〉時,表示感受很深:「 2007年當時唱都冇乜感受,有啲歌年少無知時唱,都係置身事外,到人長大咗,再唱先覺得首歌係講緊自己,綵排時我真係邊唱邊哭咗。」然後他又特別多謝老闆楊受成:「畀我空間做音樂,每個演唱會都精益求精,多謝你對我嘅信任。」

疫情下開騷,軒仔特別為大家帶來意外驚喜,貼心準備了一把拉尺度社交距離,軒仔笑謂:「 我應該係史上第一位帶備拉尺喺紅館開騷嘅歌手。」全場爆笑!
疫情下開騷,軒仔特別為大家帶來意外驚喜,貼心準備了一把拉尺度社交距離,軒仔笑謂:「 我應該係史上第一位帶備拉尺喺紅館開騷嘅歌手。」全場爆笑!

「精美早餐」 encore環節著上身

軒仔的外傭姐姐近日為軒仔炮製的「精美早餐」成為熱話,軒仔特別在encore環節穿上「早餐衫」會歌迷,認真有諗頭!
軒仔的外傭姐姐近日為軒仔炮製的「精美早餐」成為熱話,軒仔特別在 encore環節穿上「早餐衫」會歌迷,認真有諗頭!
張敬軒 遮遮
在周五晚的一場,「工人姐姐」現身紅館,成為全場焦點,手上還拿著經典作「遮遮早餐」一袋面包,提醒軒仔記得食早餐,場面爆笑又溫馨。
張敬軒 遮遮 方包
周五晚演出大成功,場面仲好溫馨,張敬軒在IG張貼了「紅館嘉賓」,並留言「多謝大家今晚支持,冇咩事我出返去食塊包先⋯⋯」

首場演唱會尾聲 encore環節,軒仔即席宣布好消息:「我加入英皇娛樂公司7年,公司上下、老闆、高層都對我十分支持愛護,喺楊博士支持下,我今年終於成立自己嘅唱片品牌,希望大家支持新 Label發行嘅唱片!」軒仔更為前來捧場的壽星女蔡卓妍改編歌詞,將〈櫻花樹下〉第一句歌詞改成「樹蔭有一隻蔡卓妍,跌落你身邊」,氹得阿 Sa勁開心!

老闆楊受成夫婦、阿 Sa及 Kenny齊往捧場,當台上的軒仔祝賀阿 Sa生日快樂時,座上的壽星女開心到大擺心心 pose!
老闆楊受成夫婦、阿 Sa及 Kenny齊往捧場,當台上的軒仔祝賀阿 Sa生日快樂時,座上的壽星女開心到大擺心心 pose!
(左起) 曾樂彤、泳兒、艾妮和洪卓立拉大隊撐場。
(左起) 曾樂彤、泳兒、艾妮和洪卓立拉大隊撐場。
周家怡、吳浩康、彭秀慧均讚賞軒仔的演出精彩。
周家怡、吳浩康、彭秀慧均讚賞軒仔的演出精彩。
李靖筠、陳家樂、湯怡及容祖兒媽媽亦有現身捧場。
李靖筠、陳家樂、湯怡及容祖兒媽媽亦有現身捧場。

關鍵詞
張敬軒