feat_1199_24

《愛回家》女神鄺潔楹被監製插戲屎 扭計唔續約高層親自出馬留人

鄺潔楹本來只是無綫一個主持仔,因拍旅遊節目《 3日2夜》大晒誘人身材爆紅,之後再被安排殺入高收視的《愛‧回家之開心速遞》,入行四年,有身材冇高度一樣可以成為宅男女神。樣靚有著數,不過演技唔掂始終失分,據知鄺潔楹曾被某監製當眾嘲諷演技不堪入目,對她打擊甚大,打算約滿後離巢另謀發展。

撰文、圖片:東方新地

鄺潔楹被監製插戲屎 身高阻礙演藝路

無綫小花競爭大,有樣有身材都要有運,鄺潔楹身高僅得155cm身高,16年簽約成為無綫親生女,由娛樂台主持仔做起,拍《 3日2夜》穿水著初露光芒,再被安排空降入處境劇《愛‧回家之開心速遞》,飾演大學女神 Venus。

上周四 (19日 )鄺潔楹盛裝現身無綫台慶夜,粉色晚裝中門大開,女神果然有料到。
上周四 (19日 )鄺潔楹盛裝現身無綫台慶夜,粉色晚裝中門大開,女神果然有料到。
加入《愛 ‧回家之開心速遞》已三年的鄺潔楹,飾演大學女神 Venus,與池子孝(阮政峰)相戀卻從不知足,最後被撕破拜金真面目,畀仔飛一幕喊晒口,不過演技真係麻麻。
加入《愛 ‧回家之開心速遞》已三年的鄺潔楹,飾演大學女神 Venus,與池子孝(阮政峰)相戀卻從不知足,最後被撕破拜金真面目,畀仔飛一幕喊晒口,不過演技真係麻麻。
鄺潔楹深知自己戲屎,在社交網留言說喊戲對她來說是大挑戰。
鄺潔楹深知自己戲屎,在社交網留言說喊戲對她來說是大挑戰。

《愛回家》女神鄺潔楹被監製插戲屎   扭計唔續約高層親自出馬留人

其實除了戲屎令監製卻步,鄺潔楹早前上 Do姐的電台節目,亦坦言身高令她受盡冷言冷語,曾有幕後說以她的條件,只可在幕前生存一年半載,幸好鄺潔楹未有上心,她積極工作,以行動去證明哈比人一族同樣有市場。

早前鄺潔楹曾上 Do姐的電台節目接受訪問,對於被監製當面插戲屎及被睇死太矮難走紅,她坦言曾經心灰意冷及萌生轉行之意。
早前鄺潔楹曾上 Do姐的電台節目接受訪問,對於被監製當面插戲屎及被睇死太矮難走紅,她坦言曾經心灰意冷及萌生轉行之意。
入行初期被安排做娛樂新聞台的主持,細細粒的鄺潔楹憑靚樣及嬌滴滴身形令不少受訪藝人留下深刻印象,黃秋生是其中一位。
入行初期被安排做娛樂新聞台的主持,細細粒的鄺潔楹憑靚樣及嬌滴滴身形令不少受訪藝人留下深刻印象,黃秋生是其中一位。
身高僅得155cm的鄺潔楹心知自己的弱點,不過她深得宅男歡心,火速上位,她希望能拍多些劇集,磨練演技。
身高僅得155cm的鄺潔楹心知自己的弱點,不過她深得宅男歡心,火速上位,她希望能拍多些劇集,磨練演技。
鄺潔楹、糖妹與黃美棋被封哈比一族,三人去年曾一齊主持節目《香港美食一條街》。
鄺潔楹、糖妹與黃美棋被封哈比一族,三人去年曾一齊主持節目《香港美食一條街》。
鄺潔楹無懼生得矮小,最愛與高妹女藝人做姊妹,拍住港姐劉穎鏇,真係相形見絀。
鄺潔楹無懼生得矮小,最愛與高妹女藝人做姊妹,拍住港姐劉穎鏇,真係相形見絀。

高層出馬游說 加入《七公主》

甜美樣貌令鄺潔楹戲裡戲外都令一班宅男神魂顛倒,不過演技就差強人意,甚至被指是花瓶,據知情者透露:「 Judy(鄺潔楹)演戲經驗由零開始,入到《愛‧回家》就現晒形,好多監製都覺得佢得個樣,完全唔識做戲,所以甚少人搵佢開劇;早前佢上 Do姐個電台節目,坦言曾經有監製兜口兜面同佢講有睇《愛‧回家》,不過就彈佢啲戲屎到不得了,仲話如果唔係老婆要睇,真係會熄電視。Judy聽完真係大受打擊,亦終於明白點解呢幾年都冇乜劇拍,來來去去都係做主持多,到早前公司搵佢傾續約,Judy表明好想拍劇,亦會搵老師學戲,如果再冇機會就考慮轉行唔續約。公司即時安撫佢會認真研究,冇幾耐監製陳維冠就搵 Judy拍《七公主》喇!Judy近月好畀心機拍劇,佢想有好表現,令當日話佢戲屎嗰位監製跌眼鏡。」

 

鄺潔楹有份拍當紅監製陳維冠的新劇《七公主》,劇中的她演五公主
鄺潔楹有份拍當紅監製陳維冠的新劇《七公主》,劇中的她演五公主
除了是事務律師,更是劍擊好手,新角色新嘗試,望能打破花瓶形象。
除了是事務律師,更是劍擊好手,新角色新嘗試,望能打破花瓶形象。
28歲擁有32B誘人身材的鄺潔楹,因拍《3日2夜》一夜成名,被宅男追捧封佢做「仙氣女神」。
28歲擁有32B誘人身材的鄺潔楹,因拍《3日2夜》一夜成名,被宅男追捧封佢做「仙氣女神」。

《愛回家》女神鄺潔楹被監製插戲屎   扭計唔續約高層親自出馬留人

早前鄺潔楹在無綫電視城收工,獨自駕車到鰂魚涌辦私事。
早前鄺潔楹在無綫電視城收工,獨自駕車到鰂魚涌辦私事。

《愛回家》女神鄺潔楹被監製插戲屎   扭計唔續約高層親自出馬留人

之後鄺潔楹再返回大埔淺月灣獨立屋。
之後鄺潔楹再返回大埔淺月灣獨立屋。
除了身高不足,生得靚又身材好的鄺潔楹早已贏在起跑線,其父母經營傢俬生意,她與家人同住大埔淺月灣獨立屋,個人名下更擁有一個跑馬地豪宅物業,又開投資公司。
除了身高不足,生得靚又身材好的鄺潔楹早已贏在起跑線,其父母經營傢俬生意,她與家人同住大埔淺月灣獨立屋,個人名下更擁有一個跑馬地豪宅物業,又開投資公司。