《戰毒》孖妹周秀娜、吳千語與Bosco有段情齊以「吊帶閃片衫」造型上陣

Jan 30 - 21:00

《太平紋身店》大結局之後水，2月8日接續開始每晚在ViuTV播放的網劇《戰毒》，又會見到周秀娜，除此之外仲有吳千語，兩位女角一正一邪，但都不約而同有「吊帶閃片衫」造型，大家覺得哪個較養眼？

撰文、圖片：東方新地

周秀娜做神秘反派百變look引仔上釣

周秀娜近日在戰毒》中飾演一名神秘反派，造型千變萬化，一時扮文青記者、一時扮性感貴婦，娜姐直言：「我個角色好神秘，到劇集尾段會好似剝洋葱咁，一層一層慢慢咁揭開我嘅真正身份，感覺好刺激！」

娜姐指她的角色為保持神秘感，每次出場都要以不同形象亮相，令觀眾對自己角色充滿疑問，因此她在演繹上要拿捏得很準確，她說：「喺拍攝嘅過程中，我都有同導演以及對手嘉良哥（羅嘉良）、Bosco（黃宗澤）傾點樣去演，佢哋喺呢方面幫咗我唔少。」

雖然今次在劇中造型千變萬化，但娜姐坦言毋須出動私伙：「今次造型上真係好特別，雖然都係由劇組方面揀衫，但我都有同佢哋溝通同埋畀意見。」

講到最難忘的戲份，娜姐直言今次拍攝有很多槍戰及爆炸戲，幕幕都令她印象深刻。

娜姐今次在劇中與Bosco有不少感情戲，她透露將和對方有一個淒美又十分難忘的結局。

吳千語初嘗開真槍滋味

吳千語近日在網劇《戰毒》中有不少追捕及槍戰場面，初嘗開真槍滋味的她大叫感覺特別，不過講到最難忘的戲份，千語表示：「最難忘係去監獄探關智斌場戲，因為戲中講我哋係認識多年嘅最好朋友，而關智斌一直鍾意我、守護我，但見到最好朋友落到如此情況，演繹上真係好深刻。」

吳千語劇中是Bosco前女友，一幕得悉壞事做盡的Bosco原來是「臥底」時，找對方攤牌的戲份中，激動落淚的吳千語獲讚演技大爆發。

飾演緝毒警察的吳千語首次揸真槍，表現有板有眼。

吳千語與關智斌劇中有感情線，兩人亦因今次合作而成為了好友。

吳千語透露早前已在內地完成隔離檢疫，現在正身處漳州拍劇。

吳千語周秀娜戰毒

讀者留言