feat_1190_6

林芊妤餵足19個月、官恩娜更衣室餵奶被侮辱!為BB幾辛苦都埋身!撐餵母乳星級媽媽

做了媽媽,都竭盡全力想要給兒女最好的。即管埋身餵人奶諸多不便又黐身,尤其對在職媽媽來說更多困難要克服,不過只要堅信人奶更容易消化更吸收、更適合初生至六個月小寶寶營養所需、更能夠減低寶寶患上敏感和感染機會、更可讓母嬰連繫親密增進感情,以下呢班星媽都排除萬難做得到,呢啲就係母愛啦!

撰文、圖片:東方新地

岑麗香拍劇在即仍然繼續餵

婚後迅速報喜,岑麗香去年四月順利誕下與另一半的愛情結晶囝囝Jacob。雖然產後四個月已經收埋身復埋工,不過香香就話即使拍劇在即,依然會繼續餵哺人奶:「雖然佢母乳、奶粉都食得好好,但係既然母乳有益,只要佢肯食,我就會繼續努力畀佢!」

林芊妤餵足19個月、官恩娜更衣室餵奶被侮辱!為BB幾辛苦都埋身!撐餵母乳星級媽媽

陳凱琳為BB健康兩胎都堅持埋身

18年與當家小生鄭嘉穎結婚,婚後兩年抱兩誕下大仔Rafael和現在剛滿百日的Yannick,陳凱琳兩胎都堅持埋身餵人奶,上圍亦都因此全面升cup:「我唔想個焦點落喺身材度,我好鍾意餵母乳,同BB好有親切感,最緊要就係BB健康吸收到足夠營養。」

林芊妤餵足19個月、官恩娜更衣室餵奶被侮辱!為BB幾辛苦都埋身!撐餵母乳星級媽媽

林芊妤餵足19個月

18年10月誕下囝囝,Coffee 林芊妤原訂計劃係餵人奶餵到半歲,點知囝囝翟德彥太依賴母乳,搞到餵到十九個月大,依然要每日至少埋身九次,當媽咪係水同奶嘴,反而唔夠營養又吸收水份不足,為仔戒人奶 coffee 狠心將囝囝送到公公婆婆屋企暫住,絕對係可憐天下父母心。

林芊妤餵足19個月、官恩娜更衣室餵奶被侮辱!為BB幾辛苦都埋身!撐餵母乳星級媽媽 林芊妤餵足19個月、官恩娜更衣室餵奶被侮辱!為BB幾辛苦都埋身!撐餵母乳星級媽媽

宋熙年仔仔食量驚人

16年同 TVB 筍盤陳智燊結婚,婚後享受完兩年二人世界,宋熙年即積極造人,亦都如願三年抱兩,繼現時兩歲大的 Damon 後,月初再誕下次子 Jamie。未夠二十日大嘅人仔 Jamie 食量驚人,每三個鐘埋身餵一次、每次食量超過100毫升,連宋熙年都話比起第一胎時更具挑戰更需要精力。

林芊妤餵足19個月、官恩娜更衣室餵奶被侮辱!為BB幾辛苦都埋身!撐餵母乳星級媽媽

吳雨霏準備結束母乳旅程

去年九月誕下細女 Galile,吳雨霏今年四月出 po 表示埋身餵足七個月人奶,終於準備結束母乳旅程:「 雖然已經準備好恢復自由,但係都為咗要結束同囡囡嘅緊密聯繫而感到難過。我好感恩自己身體能夠一直養大囡囡,媽媽真係好不可思議!」

林芊妤餵足19個月、官恩娜更衣室餵奶被侮辱!為BB幾辛苦都埋身!撐餵母乳星級媽媽 林芊妤餵足19個月、官恩娜更衣室餵奶被侮辱!為BB幾辛苦都埋身!撐餵母乳星級媽媽

官恩娜更衣室餵奶曾被侮辱

官恩娜婚後誕下兩胎,大仔 Gabriel 和二女 Aurelie 都堅持人奶餵哺,試過在大仔五個月時在五星級酒店更衣室餵人奶,被中年婦人侮辱及騷擾。又試過在瑞士海拔2,000米的Moléson mountain高峰上餵8個月大囡囡貼相上網,慘被網民鬧爆,說明再自然不過的天職母性,依然不見得人人接受和諒解。

林芊妤餵足19個月、官恩娜更衣室餵奶被侮辱!為BB幾辛苦都埋身!撐餵母乳星級媽媽 林芊妤餵足19個月、官恩娜更衣室餵奶被侮辱!為BB幾辛苦都埋身!撐餵母乳星級媽媽

梁靖琪發文撐人奶好處多

Toby 梁靖琪去年12月誕下兒子Roman施睿文後,一直享受亦深感自豪身為一個人奶媽媽。多次po相展現哺乳日常外,亦發文表示人奶好處多多、係上帝嘅禮物,不但對孩子健康有好處,亦能夠加深母子之間嘅關係,因此母乳又被稱為「 液態黃金 」。

林芊妤餵足19個月、官恩娜更衣室餵奶被侮辱!為BB幾辛苦都埋身!撐餵母乳星級媽媽 林芊妤餵足19個月、官恩娜更衣室餵奶被侮辱!為BB幾辛苦都埋身!撐餵母乳星級媽媽

張嘉兒出書教新手媽媽餵人奶技巧

2015年結婚後,張嘉兒先後誕下兩個囡囡,唔止兩胎都堅持埋身餵母乳,大學時修讀營養學及公共衞生嘅佢,亦乾脆學習加實踐搖身一變成為母乳專家,去年仲出版埋個人著作《母乳餵哺教室 》,教新手媽媽各種餵人奶嘅好處以及方法技巧。

林芊妤餵足19個月、官恩娜更衣室餵奶被侮辱!為BB幾辛苦都埋身!撐餵母乳星級媽媽