feat_1184_10

明星潮玩直立板 炎夏晒身材同時晒恩愛

娛聞

非常時期,唔想屈喺屋企又唔想冒險犯限聚令,其實都有好多運動係適合一個人玩。近年歐美大熱嘅直立板(SUP – Stand Up Paddle)近年就興到嚟香港,亦都成為一眾愛好水上運動明星藝人嘅新歡,一塊板一把槳可以曬太陽吸收維他命D,可以比堅尼上陣晒吓fit爆好身材,仲可以好似鄭伊健同蒙嘉慧兩公婆一樣一齊玩晒恩愛,好處多多!

撰文、圖片:東方新地

40歲初學者薛凱琪一樣玩得

疫情反覆都冇阻止薛凱琪嘅事業心,幾個月來回歸娘家華納唱片又出埋新歌〈 南昌街王子 〉,亦都有跟潮流落水玩直立板SUP。嬌滴滴嘅初學者,其實好似 Fiona 一樣跪喺度玩一樣得。

唔經唔覺,Fiona今年已經40歲了。
唔經唔覺,Fiona今年已經40歲了。
明星潮玩直立板 炎夏晒身材同時晒恩愛
學新嘢,係開心嘅。

29歲陳偉琪玩SUP氣勢豪邁

細龍太陳偉琪自參選港姐時已經將運動掛喺口唇邊,入行後亦持續做運動保持驕人好身材同一身古銅色肌膚,呢個夏天都有落水玩直立板,最近有傳細龍太被逐出《愛回家》,29歲陳偉琪多咗時間玩SUP,氣勢不失豪邁。
明星潮玩直立板 炎夏晒身材同時晒恩愛

陳偉琪呢件大露背一件頭被誤會佢上身全裸玩SUP!
陳偉琪呢件大露背一件頭被誤會佢上身全裸玩SUP!
無論咩天氣陳偉琪都照出海。
無論咩天氣陳偉琪都照出海。

明星潮玩直立板   炎夏晒身材同時晒恩愛

32歲連詩雅唔落老蘭玩直立板

真係唔好睇小電視劇入屋魔力,多年既定蒲精形象嘅連詩雅近日都因為《那些我愛過的人》成功入屋兼洗底,其實Shiga興趣廣泛又愛運動,生活真係唔係日日落老蘭咁枯燥。

明星潮玩直立板 炎夏晒身材同時晒恩愛
連詩雅係為咗節目《12個夏天》專程去學SUP。

明星潮玩直立板   炎夏晒身材同時晒恩愛

26歲黃嘉雯大晒好身材

2019年港姐冠軍黃嘉雯卸任在即,冇咗銜頭同虛名,其實上山落水更輕鬆玩得更放。近日又湊熱鬧潮玩直立板,著上開胸泳衣大晒好身材。

明星潮玩直立板 炎夏晒身材同時晒恩愛

玩咗一陣,就喺板上擺甫士。
玩咗一陣,就喺板上擺甫士。

28歲王敏奕玩板當叉電

同金像最佳導演曾國祥結婚一年,王敏奕今年再為無綫連拍兩劇,新作《 香港愛情故事 》就快出街。拍劇生涯日夜顛倒,好彩兩套劇之間,王敏奕都叉足電玩吓板先。

明星潮玩直立板 炎夏晒身材同時晒恩愛

明星潮玩直立板 炎夏晒身材同時晒恩愛

37歲趙希洛板上做瑜伽

著上火辣性感泳衣嘅趙希洛身材都幾有睇頭,潮玩直立板更懂得注入新元素喺板上做埋瑜伽,訓練平衡力。

明星潮玩直立板 炎夏晒身材同時晒恩愛

明星潮玩直立板 炎夏晒身材同時晒恩愛

48歲胡蓓蔚造型先聲奪人

論年紀,胡說八道會中最年長一個係48歲嘅胡蓓蔚,不過論活玩得,一身金色飾物加泳衣玩直立板,造型先聲奪人。

明星潮玩直立板 炎夏晒身材同時晒恩愛

明星潮玩直立板 炎夏晒身材同時晒恩愛
豹嫂早前在布吉Amatara Resort 試玩SUP 。

47歲蒙嘉慧同鄭伊健孖住玩閃過太陽

直立板源於夏威夷,重點在於衝浪板結合手划槳,玩法好自由,可以趴可以跪可以企,亦都可以好似伊健同蒙嘉慧前後坐,伊健划槳 YoYo影相。

明星潮玩直立板 炎夏晒身材同時晒恩愛

明星潮玩直立板 炎夏晒身材同時晒恩愛

明星潮玩直立板 炎夏晒身材同時晒恩愛

李施嬅一試難忘

去年暑假李施嬅去泰國度假時,對住青山綠水都有玩直立板,更表示一試難忘。

明星潮玩直立板 炎夏晒身材同時晒恩愛

明星潮玩直立板 炎夏晒身材同時晒恩愛

劉溫馨玩到擦損

有教練監場、又喺靜止水面進行,直立板最好之處係體能要求唔高,危險性又低,不過始終係戶外活動,一唔小心,就會好似劉溫馨咁樣擦損㗎!

明星潮玩直立板 炎夏晒身材同時晒恩愛

明星潮玩直立板 炎夏晒身材同時晒恩愛

讀者留言