os_feat_1150_chu2

朱晨麗何廣沛堅持唔認拍拖 網上隔空放閃關係早已浮面

17年合拍《超時空男臣》被傳撻著的朱晨麗和何廣沛,多次約會斷正但依然死口唔認拍拖,只以好朋友相稱,但就比公開情侶更高調晒愛,經常在社交網隔空互冧大晒情侶默契,親密關係早已浮面!

撰文、圖片:東方新地

朱晨麗堅持唔認拍拖 何廣沛甘願做兵

據知情者透露:「雖然公司冇反對藝人拍拖,但佢兩個呢期都當紮,唔想拍拖影響事業,始終公開咗要承受一定壓 力,而且朱朱喺外邊有唔少追求者,梗唔會為一棵樹放棄成個森林,所以點都唔肯公開戀情, Matthew(何廣沛)根本就畀朱朱食住,乜都聽晒女友話,佢對朱朱死心塌地,成日製造驚喜畀女友,開工又照顧周到,男友咁識氹自己,又肯隨傳隨到,朱朱不知幾enjoy呢種關係!所以佢哋有晒默契,就算被影到都唔會承認戀情!」

早前朱晨麗32歲生日,收到神秘人送的鮮花及蛋糕,未有明言是何廣沛定係其他追求者送贈!
戀情傳足三年,日前何廣沛就被本刊斷正,獨自駕駛其Audi座駕摸上朱 晨麗屋企,上樓同女友短聚兩小時先離開。

網上隔空打情罵俏撞破密遊杜拜關係早已浮面

經常約會斷正都唔認拍拖,不過朱晨麗何廣沛卻經常高調在社交網互動放閃,比公開情侶更煙韌!

相隔三年,兩人今年再合體拍新劇《大醬園》,劇中更做埋夫妻,拍住開工寧舍 sweet !
除咗拍劇奉旨談情,朱晨麗何廣沛日前更齊飛杜拜拍攝《 3 日 2 夜》,兩人一齊在機場出發已經甜到漏!
何廣沛更主動幫朱晨麗推行李,又不停打情罵俏,一齊蜜遊未到杜拜已心情興奮。
拍《大醬園》一場被打戲,朱晨麗搞到面容瘀傷,她又借住 520 情侶 大日子,向何廣沛詐嬌話:「打者愛也!」何廣沛即留言回應話:「等我打多幾下先!」
兩人又將對方打格片上載上社交網,隔空打情罵俏。