feat_1155_chu

封面專訪!朱晨麗拍《法證先鋒4》出意外 頸椎移位險半癱

朱晨麗拍劇出名拼搏,即使傷痕纍纍仍豁出去勇於挑戰難度,早前拍攝劇集《法證先鋒 4 》,為求逼真棄用替身,危站 39 樓天台飛身救人,因為太博搞到撞甩手骹,頸椎嚴重移位險半癱,要長期針灸復位治療,受傷面不改容笑著捱苦,朱朱還表現輕鬆:「我夠硬淨!我係鍾意接受挑戰!」受傷病倒,她對父母亦報喜不報憂,孝順女自強拼搏終於成功演出彩虹!

撰文、圖片:東方新地

朱晨麗拍《法證先鋒4》出意外 險半癱忍痛開工

朱晨麗入行八年獲不少監製賞識,很快由配角當上主角,更因為舞功根柢厚,經常被派演動作演出,硬橋硬馬挑戰難度,不做撒嬌的女人。雖然拍動作戲始終有風險,朱朱一樣勇者無懼,早前為拍《法證先鋒4》一場天台飛身救人戲,搞到撞甩手骹入院,當時醫生更發現她頸椎嚴重移位,以為她曾經撞車,治療不善更有半癱危機。朱朱話:「雖然痛得厲害,不過,因為唔想阻礙拍攝進度,食住止痛藥,自己又繼續開工,等完成工作,之後再去針灸同啪骨復位治療!」為拍劇傷痕纍纍,不過,她明白機會不等人,珍惜公司給她演出機會,每次投入演出已經忘記傷患:「其實每個演員都有艱難時候,用番啲正能量去面對,諗啲開心嘢,當你好專注一件事嘅時候,根本唔會記得自己有啲乜嘢唔舒服或者傷患,就會全心全意去做好件事!」

樣子甜美又 天生好身材,不 過朱晨麗卻唔鍾意 做花瓶,反而唔介 意為演出打到周 身傷。
樣子甜美又天生好身材,不過朱晨麗卻唔鍾意做花瓶,反而唔介意為演出打到周身傷。
雖然拍劇經常挑戰難度,不過朱晨麗卻感恩多謝公司畀不同機會佢學習,本身就唔想單做花瓶,更珍惜每個機會尋求突破。
近年拍劇經常被派動作演出的朱晨麗,早前為《法證先鋒 4 》拍攝救人 戲,危站 39 樓天台的她,綁住威吔企在天台邊緣遇著大風都有心怯。
更為求逼真親身上陣,飛身撲下時就撞到甩手骹,接受治療時更發現頸椎嚴重移位。

曾受芭蕾地獄式特訓 拍劇大展柔韌身手

女神當日接拍《特技人》,最初都令人有疑慮,但看過她演出都令人心悅誠服,經常親身上陣大展柔韌身手,如果不是當年學芭蕾舞受過地獄式特訓,可能都未必如此得心應手。朱朱不諱言:「慶幸自己小時捱過苦,在上海學芭蕾舞,未學舞先要特訓,每天做千下sit up、踢腿,還要綁住啞鈴 跳繩,柔軟度係咁訓練出嚟。」不過日以繼夜開工搏殺應付特技場面,朱朱身體又響警號,試過全身痙攣暈倒:「因為發燒食咗藥又唔退,突然之間成身抽筋痙攣,當時好多人幫我撥扇、按 摩,係由阿Shaun(譚俊彥)抱我上車去醫院,我差啲以為自己會死,好彩當時媽媽啱啱嚟咗香港,佢去醫院照顧我,不 過,假如佢唔喺香港,我都唔會話畀佢知,因為唔想佢擔心。」

朱晨麗是跳舞高手,10歲成功過關斬將考入上海芭蕾舞學校, 16歲考入香港演藝學院,更是 唯一一位亞洲學生攞到全數獎學金到美國升學,入娛樂圈前,已是香港芭蕾舞團成員。
舞功底子好,朱晨麗揈著裙襬影相都好有氣勢。
隻身來港發展的朱晨麗,一有時間便返蘇州探父母,拍劇受傷亦選擇報喜不報憂。