ali_feature01

37歲李佳芯同男友成落難鴛鴦 演藝夢碎轉行求生

近年憑《踩過界》、《 BB來了》火速上位的李佳芯(Ali),18年更憑《 BB來了》登上無綫視后寶座,事業勢如破竹,還帶挈本來寂寂無名、其貌不揚的男友陳炳銓廣為人識,工作量激增。不過,早前被指因網上言論表露政治取態的Ali,走紅後又經常違抗公司指令,據悉無綫已決定放棄她,寧願捧聽話花旦。事業告急,就連男友陳炳銓一樣當黑,近日不獲ViuTV續約,落難鴛鴦事業同時冚旗,收入激減,不但買樓大計被迫擱置,仍同無綫有四年合約的她,隨時演藝夢碎,近日她便密密埋手在家寫作,計劃自資出書,鋪路轉行做幕後創作博翻生!

撰文、圖片:東方新地

傳李佳芯「唔聽話」被TVB雪藏

李佳芯(Ali)早前被指網上言論表露政治取態,被TVB雪藏,觀眾緣和人氣急挫,近幾個月幾乎絕跡無綫熒光幕。據知情者透露:「Ali向來好有性格,就因為太硬頸反而累事,最初加入無綫,佢都仲算聽話,但自從紅咗之後,佢以為自己有Say,可以揀工作,好似嗰次推劇咁,佢冇顧全大局點都唔肯讓步。講真,一間公司冇話冇咗邊個會唔掂,無綫近年亦有唔少有潛質花旦彈起,好似朱晨麗、張曦雯、高Ling(高海寧)、靚湯(湯洛雯)咁,無綫梗係寧願捧啲聽教聽話嘅啦!」曾經被捧上天,更促使李佳芯自信爆棚,即使去年底傳出《 BB大晒》會換上岑麗香擔正,當時在趕拍劇集《愛美麗狂想曲》的她仍樂觀表示:「其實拍完一套30集(《愛美麗狂想曲》)嘅劇,又要拍一套25集(《 BB大晒》),我自己都覺得負荷唔到, TVB有太多劇,需要嘅演員實在太多,唔會冇得做!」

李佳芯與男友陳炳銓齊冇工開,疫情下外出拍拖明顯頹爆,戴上口罩及眼鏡的Ali難掩一臉憔悴,身旁的男友陳炳銓更加冇厘神氣,兩人孖住行都冇心情傾偈。
李佳芯與男友陳炳銓齊冇工開,疫情下外出拍拖明顯頹爆,戴上口罩及眼鏡的Ali難掩一臉憔悴,身旁的男友陳炳銓更加冇厘神氣,兩人孖住行都冇心情傾偈。
去年拍罷劇集《愛美麗 狂想曲》即「被休息」的李佳芯,被四套劇同飛出局,事業失意的她,日前在社交網有感而發留言:「不需要回到過去,只希望能回復簡單的日常!」期待生活再現曙光。
去年拍罷劇集《愛美麗 狂想曲》即「被休息」的李佳芯,被四套劇同飛出局,事業失意的她,日前在社交網有感而發留言:「不需要回到過去,只希望能回復簡單的日常!」期待生活再現曙光。

演藝夢碎轉行寫書求生

不過當工作急煞停,連月來坐冷板凳的她亦開始洞悉事業危機。事業冇彎轉,近日留家抗疫的Ali,就不時透過個人IG留言抒發情緒,日前更寫道:「再不如意,也好好用心過」以及「不需要回到過去,只望能回復簡單的日常」,看來事業由高峰滑落,對她來說的確是一大考驗。據悉同無綫仍有四年合約的她,一旦不獲解凍隨時演藝夢碎,早前她就透露計劃在今年推出散文集,據知今次自資出書,她根本不在意銷路,反而希望透過作品令人關注她另一面才華,鋪路轉行在幕後創作方面發展。據知情人士說:「攞咗視后之後,Ali人氣急升,好多客都鍾意用佢,收入飆升,佢同Danny(陳炳銓)嗰排都密密睇樓,因為想買間大啲嘅屋,可以接埋父母一齊住,Ali上年已經計過數,諗定今年達成買樓願望,不過,事業突然插水,加上呢排新冠肺炎疫情,佢同男友兩個差唔多冇晒嘢做,咪話買樓,連日常使費都要慳住用!話晒要養幾頭家,又唔知幾時事業重見天日,佢唔想坐以待斃,希望出書鋪路轉行,希望有人欣賞佢嘅創作,多個機會!」

冇劇開事業插水,加上同無綫還有四年合約被綁而插翼難飛,為求自救,近日Ali便閉關密密寫作,計劃自資出散文集Keep人氣兼鋪路轉行。不過從她留言看來,寫作經驗不多的她,似乎相當吃力!
冇劇開事業插水,加上同無綫還有四年合約被綁而插翼難飛,為求自救,近日Ali便閉關密密寫作,計劃自資出散文集Keep人氣兼鋪路轉行。不過從她留言看來,寫作經驗不多的她,似乎相當吃力!
李佳芯透露日日瞓醒便只是食和寫,事業受挫的她在IG留言:「再不如意,亦好好用心過!」為自己打氣!
李佳芯透露日日瞓醒便只是食和寫,事業受挫的她在IG留言:「再不如意,亦好好用心過!」為自己打氣!

ViuTv捧靚仔陳炳銓冇得留低

好運突然消失,就連跟她拍拖六年的男友陳炳銓同樣運滯,16年由NowTV過檔ViuTV做藝人的他,近日亦不獲ViuTV續約,而原本除了做藝人亦做戲劇導師的陳炳銓,在新蒲崗工廈開班的學校,亦受疫情影響,唔夠學生開唔到班,呢幾個月被迫要納空租。據Danny好友說:「唔知係咪得女友人氣帶旺,Danny喺Viu曾經被力捧過,有劇拍又有得做監製,不過,由佢做製作嘅Viu選秀節目《廣告女皇》,出嚟嘅反應一般,完全比唔上《全民造星》,加上近日Viu經理人部門大換血,現時在經理人揸大旗嘅花姐,講明要捧靚仔、後生仔,今年約滿嘅Danny,無得留低。」

10年簽約NowTV出道的陳炳銓,四年前轉到ViuTV旗下做藝人,今年合約屆滿的他,近日不獲 Viu續約。
10年簽約NowTV出道的陳炳銓,四年前轉到ViuTV旗下做藝人,今年合約屆滿的他,近日不獲 Viu續約。
本來瓣數多多的他,在近日新冠肺炎影響下,其位於新蒲崗的戲劇學校課程亦受影響停開,被迫納空租,雪上加霜!
本來瓣數多多的他,在近日新冠肺炎影響下,其位於新蒲崗的戲劇學校課程亦受影響停開,被迫納空租,雪上加霜!

落難鴛鴦食平嘢醫肚

連月來同男友都「被休息」的Ali,日前就同男友拍拖到西貢村食茶餐撐枱腳,平平哋一餐醫肚後,兩個再在附近放狗,昔日行運時,即使唔化妝都容光煥發的她,這日頭戴鴨舌帽,雖然戴上眼鏡和口罩,做足肺炎防疫措施,但包到冚仍難掩一臉倦容,全程沒精打采,身旁的男友陳炳銓更加冇厘神氣,以前極之親民的兩人,發現記者亦好唔自在,極速彈開,然後火速上車走人。

"李佳芯遭無綫雪藏,其男友陳炳銓近日亦不獲

Ali企在餐廳外等男友埋單期間,不知是否怕被人認到,將cap帽拉低兼緊張拉整口罩。
Ali企在餐廳外等男友埋單期間,不知是否怕被人認到,將cap帽拉低兼緊張拉整口罩。
在茶記醫完肚,兩人行去附近商場的超市,只買了一條法包及一個細木瓜,相信是當晚二人的簡單晚餐。
在茶記醫完肚,兩人行去附近商場的超市,只買了一條法包及一個細木瓜,相信是當晚二人的簡單晚餐。

37歲李佳芯同男友成落難鴛鴦 演藝夢碎轉行求生

買完嘢,二人行去攞車離開。
買完嘢,二人行去攞車離開。
兩人駕車轉場去附近放狗,期間發現記者,以往平易近人的 Ali即煞有介事表現緊張,還火速告知男友陳炳銓。
兩人駕車轉場去附近放狗,期間發現記者,以往平易近人的 Ali即煞有介事表現緊張,還火速告知男友陳炳銓。
拍拖六年同樣追求簡單生活的 Ali與陳炳銓,放狗已成他們最愛拍拖節目,唔愛物質主義的Ali,就算收入銳減一樣我行我素。
拍拖六年同樣追求簡單生活的 Ali與陳炳銓,放狗已成他們最愛拍拖節目,唔愛物質主義的Ali,就算收入銳減一樣我行我素。