疫情告急外闖夢碎!李施嬅、胡定欣疫市加價回巢

娛聞

廣告

既然計劃趕不上變化,亦只能變通正面面對,「胡說八道」兩位好姊妹胡定欣及李施嬅,近日同樣外闖夢碎落實回巢,繼今年約滿無綫的胡定欣,縮沙放棄過檔古天樂的經理人公司,選擇留在無綫大樹好遮蔭,去年憑《金宵大廈》爆紅的李施嬅,亦吃回頭草簽約無綫姊妹公司邵氏。去年四月約滿離巢的李施嬅,簽美國經理人公司外闖,更透露會拍加拿大劇集及美國電影,外闖躊躇滿志,卻因新冠肺炎疫情大失預算,外國開工遙遙無期,唔想齋坐等運到,同好姊妹胡定欣決定一齊留港發展,搵大台做靠山,更獲加薪兼保證有工開,都算係賺咗!

撰文、圖片:東方新地

去年四月離巢無綫的李施嬅,宣布簽約美國經理人公司準備大展拳腳,計劃今年飛美拍電影及到加拿大拍攝電視劇《Blood and Water》第三季,不過因新冠肺炎疫情未受控,海外開工遙遙無期,近日亦落實簽約無綫姊妹公司邵氏,尋求新出路。而兩年前已計劃外闖的胡定欣,原本傾好過檔古天樂經理人公司,不過面對近期因新冠疫情引發全球經濟不景,胡定欣都唔敢冒險過檔,又獲無綫加價,寧留娘家但求穩陣!
去年四月離巢無綫的李施嬅,宣布簽約美國經理人公司準備大展拳腳,計劃今年飛美拍電影及到加拿大拍攝電視劇《Blood and Water》第三季,不過因新冠肺炎疫情未受控,海外開工遙遙無期,近日亦落實簽約無綫姊妹公司邵氏,尋求新出路。而兩年前已計劃外闖的胡定欣,原本傾好過檔古天樂經理人公司,不過面對近期因新冠疫情引發全球經濟不景,胡定欣都唔敢冒險過檔,又獲無綫加價,寧留娘家但求穩陣!

李施嬅加拿大劇打正旗號做女一

一套《金宵大廈》令李施嬅由不被看重到演技被認同,事業逆轉,去年四月離巢的她,簽約美國經理人公司Authentic ,成為「Marvel隊長」Brie Larson同門,計劃闖荷李活,不久已透露接到一部美國電影,及加拿大劇 集《 Blood and Water 》第三季, 由於在上一季的《 Blood and Water 》,李施嬅成功入圍有「加拿大奧斯卡」之稱的《 2019加拿大銀幕獎》「最佳女配角」提名,令她在新一季打正旗號做女主角。

外闖夢碎的李施嬅,近日在社交網po相留言話好掛住紐約,明顯因新冠疫情失控打亂美國發展,表現無奈!
外闖夢碎的李施嬅,近日在社交網po相留言話好掛住紐約,明顯因新冠疫情失控打亂美國發展,表現無奈!
憑第二季《Blood and Water》打入有「加拿大奧斯卡」之稱的《2019加拿大銀幕獎》「最佳女配角」提名,李施嬅更在該劇第三季升呢做女主角。
憑第二季《Blood and Water》打入有「加拿大奧斯卡」之稱的《2019加拿大銀幕獎》「最佳女配角」提名,李施嬅更在該劇第三季升呢做女主角。

李施嬅唔想40歲原地踏步

外闖計劃多多,就連被邀回歸拍《金宵大廈2 》,無綫亦要遷就檔期,為求成績更勝之前,李施嬅更霸氣開三大條件,要求增加資源、睇劇本及原班人馬演出,認真威到盡。據知情者透露:「喺TVB咁多年,Selena(李施嬅)唔似好姊妹杏兒、定欣咁好際遇,十五年嚟都冇攞過台慶頒獎禮獎,上年《金宵大廈》爆出,攞到『最受歡迎電視女角色』,佢真係吐氣揚眉,當時杜之克同樂小姐(無綫兩大高層)已不停斟Selena 返無綫。不過,上年簽咗美國經理人公司,Selena 已經接咗部美國電影,同埋喺加拿大《 Blood and Water 》第三季坐正女一,既然外面世界咁大, 佢都想喺外面闖吓先!快將40歲唔想原地踏步,怕年紀大咗會冇膽去試,就算之前無綫搵佢拍《金宵大廈2 》,Selena 都要度一輪期!」

樂易玲早在去年底已力斟李施嬅回巢,更開出兩個方案,任她揀簽返無綫定過檔邵氏,給她條件優厚。而胡定欣肯放棄向外闖,都係由樂小姐親自游說,仲喺疫市加價㖭!
樂易玲早在去年底已力斟李施嬅回巢,更開出兩個方案,任她揀簽返無綫定過檔邵氏,給她條件優厚。而胡定欣肯放棄向外闖,都係由樂小姐親自游說,仲喺疫市加價㖭!
即將拍攝《金宵大廈2》的李施嬅,在續集同上集《金宵大廈》一樣,一人分飾兩角。
即將拍攝《金宵大廈2》的李施嬅,在續集同上集《金宵大廈》一樣,一人分飾兩角。
在無綫耕耘十五年,去年李施嬅才憑《金宵大廈》零的突破奪無綫《萬千星輝頒獎典禮 》「 最受歡迎電視女角色」,成功捱出頭。
在無綫耕耘十五年,去年李施嬅才憑《金宵大廈》零的突破奪無綫《萬千星輝頒獎典
禮 》「 最受歡迎電視女角色」,成功捱出頭。

李施嬅海外開工遙遙無期

今年三月李施嬅已啟程加拿大開工拍劇集《 Blood and Water 》第三季,不過只拍到三分二,新冠肺炎疫情突然加劇,劇組緊急叫停,李施嬅亦被迫返香港等消息。據知情者透露:「之前五月疫情稍緩,Selena 仲諗住好快可以再開工,已經諗好等劇組一通知就即刻飛去加拿大為套劇埋尾,拍完先返香港拍《金宵大廈2 》。」但計劃追不上變化,近日新冠肺炎疫情告急,美國和歐洲成重災區,海外開工遙遙無期,李施嬅外闖計劃一波三折,亦只好改變策略。據好友透露:「美國同加拿大疫情仲未受控,劇組都覆唔實幾時可以埋位,Selena 都唔想無了期咁等,怕再拖落去,自己好快被遺忘!加上樂小姐一路傾佢都好有誠意,畀好大自由度,而且簽邵氏彈性大,樂小姐講明,如果將來佢要去外地拍嘢,都可以遷就時間,加上可以拍到內地合拍劇,攻內地市場唔成問題,喺依家呢個時勢,真係最穩陣!」

今年三月李施嬅起程到加拿大拍攝劇集《Blood and Water》第三季,對新挑戰表現興奮,可惜劇集拍到三分二,就因肺炎疫情叫停。
今年三月李施嬅起程到加拿大拍攝劇集《Blood and Water》第三季,對新挑戰表現興奮,可惜劇集拍到三分二,就因肺炎疫情叫停。
雖然受疫情影響工作寥寥可數,不過李施嬅近日仍可與影帝梁家輝合拍汽車廣告。
雖然受疫情影響工作寥寥可數,不過李施嬅近日仍可與影帝梁家輝合拍汽車廣告。
好姊妹胡定欣、李施嬅齊齊續約回巢,事業有著落心情大靚,早前約埋一齊探好兄弟、好拍檔陳山聰及其初生 B仔。
好姊妹胡定欣、李施嬅齊齊續約回巢,事業有著落心情大靚,早前約埋一齊探好兄弟、好拍檔陳山聰及其初生 B仔。

胡定欣兩年前已傾古天樂

都係嗰句「人算不如天算」,相比去年才上位的李施嬅,早已是無綫兩屆視后的胡定欣,自然更大野心向外闖,兩年前拍完劇集《包青天再起風雲》,已經有其他公司向定欣招手,當中和古天樂經理人公司更一拍即合,本已計劃約滿即過檔。據知情者透露:「兩年前娛樂圈仲好蓬勃,電影市道暢旺,定欣同古仔傾約,希望可以拓展電影市場,又可以返內地拍劇拍電影做商演,發展大計一大籮,嗰時佢都諗住休息充電,等之後全面投入工作,所以同無綫未約滿都冇再接劇,又有邊個估到年頭會出現新冠肺炎,好多內地工作都停晒,電影冚晒旗,加上無綫一路都好落力留佢,價錢仲比之前高,既然形勢大變,定欣都唔想喺呢段時間冒險出去闖,最後放棄簽古仔,留番喺無綫。」路不轉人轉,拐過彎何嘗不是辦法?明天一定會更好!

TVB大樹好遮蔭,本來傾好簽約古天樂經理人公司的胡定欣,最終選擇續約留無綫,更疫市獲加酬勞
TVB大樹好遮蔭,本來傾好簽約古天樂經理人公司的胡定欣,最終選擇續約留無綫,更疫市獲加酬勞
近期她就頻密做Gym keep fit,務求以最佳狀態投入新劇《白色強人2》。
近期她就頻密做Gym keep fit,務求以最佳狀態投入新劇《白色強人2》。
五月疫情稍緩時,「胡說八道」一班好姊妹胡杏兒、胡定欣、李施嬅、姚子羚、黃智雯及胡蓓蔚難得聚首,一班好姊妹可以互相交流經驗,當時李施嬅仍未落實動向。
五月疫情稍緩時,「胡說八道」一班好姊妹胡杏兒、胡定欣、李施嬅、姚子羚、黃智雯及胡蓓蔚難得聚首,一班好姊妹可以互相交流經驗,當時李施嬅仍未落實動向。
18年拍完劇集《包青天再起風雲》,胡定欣未有再拍無綫劇。
18年拍完劇集《包青天再起風雲》,胡定欣未有再拍無綫劇。
落實續約留低的胡定欣,立即接了年底開拍的重頭劇《白色強人2》,據知與馬國明及唐詩詠譜三角戀。
落實續約留低的胡定欣,立即接了年底開拍的重頭劇《白色強人2》,據知與馬國明及唐詩詠譜三角戀。
除咗胡定欣、李施嬅重投娘家懷抱,面對疫情打擊全球經濟亦引發「回巢潮」,離無綫三年的鄭嘉穎,接拍8月無綫新劇《兒科醫生》(原名《兒童醫院》),連已經移居加拿大的鍾嘉欣,以及忙於湊仔的岑麗香,都紛紛回歸無綫開工,岑麗香為劇集《 BB大晒》拍足五個月,而鍾嘉欣稍後亦投入拍攝新劇《兒科醫生》
除咗胡定欣、李施嬅重投娘家懷抱,面對疫情打擊全球經濟亦引發「回巢潮」,離無綫三年的鄭嘉穎,接拍8月無綫新劇《兒科醫生》(原名《兒童醫院》),連已經移居加拿大的鍾嘉欣,以及忙於湊仔的岑麗香,都紛紛回歸無綫開工,岑麗香為劇集《 BB大晒》拍足五個月,而鍾嘉欣稍後亦投入拍攝新劇《兒科醫生》