李施嬅

李施嬅40歲生日快樂!一文重溫入行18年來進化變臉歷程

娛聞

廣告

2月12日是李施嬅(前名李詩韻)生日!自03年參加港姐入行,以爆冷姿態奪得「最上鏡小姐」及「才藝小姐」獎項,不過最後三甲不入,成為首位五甲不入的最上鏡小姐。加入無綫拍劇多年,李施嬅一直做大配角,14 年她不但改名轉運,五官輪廓亦開始銳變,被指由選港姐時的扁鼻樑,變成筆直的旺夫闊太鼻。當年的最上鏡小姐李施嬅為了 keep住上鏡,面容變化甚大,相比起初出道時的樣子,現在五官變得極度緊緻與立體,與無綫已冇合約關係的她曾在《萬千星輝頒獎典禮2019》憑《金宵大廈》獲得「最受歡迎電視女角色」,當晚興奮上台攞獎,面部肌肉繃緊,笑容硬晒軚,近睇仲甩晒粉,真係老貓燒鬚。

撰文、圖片:東方新地

李施嬅03年鼻大細眼 19年鼻高眼大

翻看03年李施嬅(以前叫李詩韻)參加港姐時的照片,當時鼻大而鼻樑扁,單眼皮細眼,外表雖然唔突出,更被指有點似初出道的彭羚,但她仍爆冷奪得「最上鏡小 姐」及「才藝小姐」,之後簽無綫拍過多部劇集,不過都係演大配角發展平平。由10年開始,李施嬅突然女大十八變,鼻樑變高又挺,鼻翼收細但鼻頭仍然有肉, 眼皮由單變雙, 斗零眼都變五蚊銀,面容之變真神奇。到去年李施嬅被安排在「第46屆香港小姐」選舉決賽中擔任評判,同新一屆佳麗同場出鏡鬥靚,40歲的她卻能逆齡生長, 零皺紋、肌膚繃緊眼肚消失愈變愈靚, 與十六年前選港姐時相比,五官輪廓已大躍進。

入行18年,李施嬅五官變得立體皮膚細緻,零毛孔零皺紋皮光肉滑,眼肚都唔見埋,不過在頒獎禮上美中不足就係甩粉影響妝容。
入行18年,李施嬅五官變得立體皮膚細緻,零毛孔零皺紋皮光肉滑,眼肚都唔見埋,不過在頒獎禮上美中不足就係甩粉影響妝容。
李施嬅早年與好友陳山聰孖住攞 「最佳戲劇拍檔」,開心係開心,不過李施嬅面容明顯僵硬,笑都要就住就住。
李施嬅早年與好友陳山聰孖住攞 「最佳戲劇拍檔」,開心係開心,不過李施嬅面容明顯僵硬,笑都要就住就住。
當年 22 歲的李施嬅參選港姐獲「最上鏡小姐」及「才藝小姐」兩獎。
當年 22 歲的李施嬅參選港姐獲「最上鏡小姐」及「才藝小姐」兩獎。
不過睇番當年 佢個樣同依家的確相差頗大,單眼皮矇豬眼,扁鼻樑與闊鼻翼,身材亦唔多突出。
不過睇番當年 佢個樣同依家的確相差頗大,單眼皮矇豬眼,扁鼻樑與闊鼻翼,身材亦唔多突出。
早前李施嬅與「胡說八道會」一班姊妹去馬爾代夫度假兼影靚相,眾女入行資歷與年紀都不相伯仲,不過容貌變化最大肯定是李施嬅。
早前李施嬅與「胡說八道會」一班姊妹去馬爾代夫度假兼影靚相,眾女入行資歷與年紀都不相伯仲,不過容貌變化最大肯定是李施嬅

40歲零表情紋變索令事業有起色

扮靚呢家嘢真係會上癮,但過度過量亦會有反效果,李施嬅變索令事業亦有起色,17年她憑微電影《 Once More》獲得European Cinematography Awards和Los Angeles Film Awards的最佳女主角,成為雙料歐美影后,去年《金宵大廈》一劇更令她的演技被香港觀眾認同,雖然視后輸畀得高望重的惠英紅,但她獲得「最受歡迎電視女角色」,總算在離開娘家無綫後都拎個安慰獎。在頒獎禮當晚,李施嬅的容貌再成為熱話,知情者透露:「Selena(李施嬅)喺頒獎禮嗰晚個樣唔同咗,怪怪哋,表情繃緊,仲一啲表情紋都冇,不過每 次有人問佢,佢都話係化妝同美容嘅功勞!」女為悅己者容係啱,不過都要適可而止。

當年入無綫拍劇做大配角,李施嬅鼻樑有節而且扁、鼻翼闊,厚妝下眼肚亦非常之明顯。
當年入無綫拍劇做大配角,李施嬅鼻樑有節而且扁、鼻翼闊,厚妝下眼肚亦非常之明顯。
雙眼明顯比選港姐時大, 鼻樑開始變高不過鼻翼依然闊大。
雙眼明顯比選港姐時大, 鼻樑開始變高不過鼻翼依然闊大。
在劇集《情越海岸線》中飾演拜金港女,李施嬅鼻樑突然變得高聳,眼肚無咗,五官變得愈來愈 sharp 。
在劇集《情越海岸線》中飾演拜金港女,李施嬅鼻樑突然變得高聳,眼肚無咗,五官變得愈來愈 sharp 。
經過多年的進化,李施嬅無論五官或面形已經全非,完全不似40歲,美貌更勝當年選美時。
經過多年的進化,李施嬅無論五官或面形已經全非,完全不似40歲,美貌更勝當年選美時。
在港一直與獎項無緣的李施嬅自薦演出美國微電影《 Once More 》,於 17 年贏得 European Cinematography Awards 和 Los Angeles Film Awards 最佳女主 角,成為雙料影后。
在港一直與獎項無緣的李施嬅自薦演出美國微電影《 Once More 》,於 17 年贏得 European Cinematography Awards 和 Los Angeles Film Awards 最佳女主 角,成為雙料影后。
她曾憑加拿大劇集《 Blood And Water》第三季,獲被稱為「加拿大奧斯卡」的Canadian Screen Awards提名最佳女配角並到當地出席頒獎禮。
她曾憑加拿大劇集《 Blood And Water》第三季,獲被稱為「加拿大奧斯卡」的Canadian Screen Awards提名最佳女配角並到當地出席頒獎禮。
李施嬅約滿無綫後未有續約,外闖後工作接踵而來,她更頻頻北上搵真銀。
李施嬅約滿無綫後未有續約,外闖後工作接踵而來,她更頻頻北上搵真銀。