os_feat_tony

梁朝偉加入Marvel做英雄 劉嘉玲取消滑雪假期怕老公受傷

梁朝偉近來為明年1月開拍的Marvel首部華人超級英雄電影《上氣》準備,減少應酬,為免受傷更不惜取消和老婆劉嘉玲的滑雪假期,不過最近就見到他玲盛裝出席上海晚宴,,邊個請得郁呢位影帝呢?

撰文、圖片:東方新地


梁朝偉成首位華人Marvel英雄犧牲同老婆滑雪假期

甚少兼怕應酬的梁朝偉,近來為明年1月開拍的Marvel首部華人超級英雄電影《上氣》準備,早前太太兼暫代經理人的劉嘉玲,透露偉仔在戲中有不少動作場面,他已開始準備中,並表示因此聖誕不能如往年一樣跟偉仔出埠滑雪,怕有機會受傷影響拍攝工作。

二人都愛滑雪,每年都會去大展身手。

張藝謀領「終身成就大獎」偉仔驚喜做花仔

日前偉仔卻孖太太劉嘉玲盛裝出席上海晚宴,邊個請得郁呢位影帝呢?原來是名導張藝謀榮獲《卓別林電影人士藝術 成就獎》(ChaplinAward)的「終身成就大獎」,而偉仔更化身送花仔上台獻花,令台上的張藝謀相當驚喜,在台上相擁有講有笑。

偉仔突然上台獻花,張藝謀一臉驚喜,相擁後繼續講唔停,二人曾於2002年合作電影《英雄》。

劉嘉玲和梁朝偉悉心打扮結伴出席晚宴。

來者不拒 型爆偉仔瘋狂被集郵

而激罕出席應酬晚宴的偉仔,成晚不斷被集郵,但他沒有抗拒,不斷跟人舉杯暢飲,心情極佳,笑容滿臉,席間遇上周冬雨,合照後傾唔停,偉仔更講到手舞足蹈。相信偉仔畀面出席是次晚宴後,便開始閉關為新戲準備。

成晚偉仔都春風滿面,不時向大家敬酒。

同場遇上周冬雨,三人暢談甚歡,偉仔更講到手舞足蹈。