feat_1204_24

27歲梁茵著短裙與中佬撐枱腳 《愛回家》潘金蓮旺桃花成中佬殺手

近年憑無綫處境劇《愛‧回家之開心速遞》飾演「威龍潘金蓮」江慧喬Anita 一角成功彈起的梁茵,原來唔止網上受歡迎,返工拍劇一樣「無佬不歡」,愛放電愛收兵的她,在《愛‧回家》中異性緣非常旺,就連前輩黎彼得都好照顧這位世姪女,收工都同車離開。被封「中佬殺手」的梁茵私底下亦長袖善舞,日前又有中佬陪撐枱腳,她更穿上短裙騷長腿赴會,唔惹桃花就假!

撰文、圖片:東方新地

梁茵被封新一代網民女神

梁茵(Kiko)雖然只有27歲,但原來加入無綫已八年,拍過多套劇集都是演二打六,三年前開始在《愛‧回家之開心速遞》亮相,做拜金女入型入格,去年主持《識玩旅行團2 》以性感水著出鏡,激凸身材與長腿即被高度注視,被封為新一代網民女神。梁茵參加過校花選舉、做過模特兒,13年放棄修讀香港演藝學院學士課程,轉為考入第26期無綫電視藝員訓練班簽約入行,有演技有身材的她,曾在網民發起的投票中,成功獲選為「《愛‧回家》隱藏美少女」第一名,近年愈著愈少布,更被指是無綫新一代尤物。

27歲的梁茵擁魔鬼身材,被封網民女神的她社交網放了大量水著及性感照片,任睇唔嬲。
27歲的梁茵擁魔鬼身材,被封網民女神的她社交網放了大量水著及性感照片,任睇唔嬲。
梁茵在《愛‧回家》中曾與老姑婆Rebecca一齊畀學費學釣金龜,貼身透視衫加短裙搶晒fo。
梁茵在《愛‧回家》中曾與老姑婆Rebecca一齊畀學費學釣金龜,貼身透視衫加短裙搶晒fo。
去年梁茵拍攝無綫旅遊節目《識玩旅行團2》大晒弗爆身材,令網民眼前一亮。
去年梁茵拍攝無綫旅遊節目《識玩旅行團2》大晒弗爆身材,令網民眼前一亮。

著短裙與中佬撐枱腳

日前梁茵再以短裙出擊露出一雙白滑長腿,到尖沙咀The One與一名中年男子歎日本菜,現場所見,這日梁茵難得化淡妝盡顯清純一面,撐枱腳期間不時甜笑,又好留心聆聽男方說話,食飽傾完心事二人一起離開餐廳。27歲有青春有本錢,相信梁茵亦不甘心成世都做大配角,搵個有米中佬上岸,分分鐘快過在無綫繼續捱等機會上一線!

這日梁茵與一名外形成熟的男子在尖沙咀The One歎日本菜
這日梁茵與一名外形成熟的男子在尖沙咀The One歎日本菜
梁茵不時含情脈脈望實男友人,係男人都會冧。
梁茵不時含情脈脈望實男友人,係男人都會冧。
身穿超短裙的梁茵,把長腿表露無遺
身穿超短裙的梁茵,把長腿表露無遺
飯後她與中佬一同離開,甚有默契。
飯後她與中佬一同離開,甚有默契。

梁茵拍劇放電收兵

網民女神梁茵並非浪得虛名,唔止有男網民力撐,現實生活亦是中佬殺手,據知情者透露:「有名你叫潘金蓮,Kiko(梁茵)姣就梗㗎啦!拍劇時佢都係嗲聲嗲氣電到班男同事暈晒浪,收吓兵都好呀!可能Kiko自細要養家思想比較成熟,所以佢同比較大年紀嘅男人都溝通得好好,乜都傾一餐。」據知在劇中同樣演威龍員工的黎彼得,對梁茵亦照顧有加,早前本刊記者見他們一齊放工離開將軍澳電視城,在門外黐到實與粉絲合照,之後同車走。

梁茵在《愛 ‧回家》雖然只是大配角,但她深受男同事歡迎,開工不時與歐瑞偉、李偉健等圍埋玩自拍,就連黎彼得亦將她攬實。
梁茵在《愛 ‧回家》雖然只是大配角,但她深受男同事歡迎,開工不時與歐瑞偉、李偉健等圍埋玩自拍,就連黎彼得亦將她攬實。

27歲梁茵著短裙與中佬撐枱腳 《愛回家》潘金蓮旺桃花成中佬殺手

唔止《愛‧回家》,梁茵18年拍《是咁的,法官閣下》 ,一樣冧到仔。
唔止《愛‧回家》,梁茵18年拍《是咁的,法官閣下》 ,一樣冧到仔。
這日梁茵與黎彼得一齊收工步出將軍澳電視城,即被一大班男粉絲要求合照。
這日梁茵與黎彼得一齊收工步出將軍澳電視城,即被一大班男粉絲要求合照。
黎彼得為護花拍埋一齊影,個頭仲愈黐愈埋。
黎彼得為護花拍埋一齊影,個頭仲愈黐愈埋。
之後黎彼得有司機前來接他離開。
之後黎彼得有司機前來接他離開。
梁茵亦熟練地上同一架車。
梁茵亦熟練地上同一架車。