5_1151A_aunt_P8_9

譚小環久休復出拍ViuTV《香港親善小姐》 41歲楊思琦懷胎過檔照出trip

早前宣布懷有第二胎嘅楊思琦,將夥拍譚小環、李綺虹、向海嵐共四位香港小姐,破天荒亮相ViuTV主持旅遊節目,大家都係港姐出身,談吐得體又養眼,去嘅地方又係香港人大熱日本韓國,值得期待啊。

撰文、圖片:東方新地

楊思琦懷孕照出trip 同向海嵐潮遊韓國

四位香港小姐,破天荒亮相ViuTV主持旅遊節目,譚小環孖李綺虹遊走日本 東京,而向海嵐就同楊思琦潮遊韓國首爾,進行另類親善訪問。日前四人齊齊著上旗袍及晚裝為節目影造型相,除思琦妹外,其餘三人均出道逾二十年,但樣貌及身材都保持得好好,完全冇走樣,同樣靚爆鏡!

楊思琦、向海嵐、李綺虹、譚小環四位港姐破天荒過檔 ViuTV 主持旅遊節目,進行另類親善訪問。
楊思琦、向海嵐、李綺虹、譚小環四位港姐破天荒過檔 ViuTV 主持旅遊節目,進行另類親善訪問。
做咗單親媽媽多年嘅楊思琦,於 10 月中驚爆懷有第二胎兼與圈外男朋友在外地結婚,成為幸福人妻,現已懷胎 7 個多月。

4位港姐難得眾頭 細訴參選趣聞

同屆港姐出身嘅譚小環同李綺虹,相隔廿五年於ViuTV再度碰頭,感覺奇妙!四位港姐卸任後各自經歷不同人生轉變,發展自己嘅家庭及事業,節目中亦會細訴參選時嘅趣聞以及參選後嘅人生點滴。

著上貼身旗袍晒弗爆身材, 47 歲譚小環與 49 歲李綺虹同於 1994 年參選港姐,分別奪得冠軍及季軍, 師妹 45 歲向海嵐與 41 歲楊思琦則分別是 1998 年及 2001 年港姐冠軍。