os_feat_1151_lok

樂曈向新戲監製李璨琛𢱑撈 33歲女甘願做奶媽

聖誕節對唔少藝人嚟講係搵錢機會,對樂瞳嚟講更係𢱑撈好時機。入行12年歌又唱過,劇同戲都拍過,但無咩歌曲或者角色令人特別難忘,不過佢一直無放棄演藝事業,新一年希望樂瞳有更多機會啦。

撰文、圖片:東方新地

李璨琛成立新公司囡囡Lucy成最細新人幫手宣傳

李璨琛趁聖誕節帶同囡囡Lucy(元元),以及由佢監製嘅新戲《大盜演》一眾演員包括樂瞳、姜文杰、潘伯仲、鄺家瑜(MaryJane)等齊齊報佳音,而小Lucy更以可愛聖誕造型亮相撐爸爸,李璨琛笑言:「成立公司後會簽新人,好開心簽咗年紀最細嘅新人Lucy,佢知爸爸有新戲,仲自薦做宣傳!」

李璨琛笑言已簽囡囡Lucy,成為公 司旗下年紀最細嘅新人。
▼  小Lucy可愛聖誕造型亮相,一班哥哥姐姐爭 相同佢自拍同抱抱,仲齊齊唱聖誕歌。
▼  監製李璨琛帶領一眾演員包
李璨琛笑言已簽囡囡Lucy,成為公司旗下年紀最細嘅新人。
小Lucy可愛聖誕造型亮相,一班哥哥姐姐爭相同佢自拍同抱抱,仲齊齊唱聖誕歌。

樂曈向李璨琛𢱑撈 33歲女甘願做奶媽

化身性感聖誕女郎嘅樂瞳邊逗小Lucy玩,邊向李璨琛𢱑撈:「好多謝監製畀呢個機會我,下次 可唔可以再搵我?」李璨琛回應:「好啦!下次你就嚟做奶媽⋯⋯哈哈!應該話做保母。」樂瞳食住上:「奶媽我都ok,照顧晒大家!」咁抵得諗,相信李璨琛下次都會預埋佢嘅!

於新戲中飾演李璨琛分居老婆嘅樂瞳,為求𢱑撈不惜自薦做奶媽。
監製李璨琛帶領一眾演員包括樂瞳、姜文杰、潘伯仲、鄺家瑜等, 為新作《大盜演》宣傳。