歐陽震華亞視拍劇叫咩名好?網民爆笑聯合創作

娛聞

廣告

林文龍轉投亞視擔任副總裁一職,唔做演員做管理層,幫亞視革新重振雄風向無綫挑機,上場即大展拳腳,近日密斟昔日一班師奶殺手歐陽震華、陶大宇、羅嘉良及吳啟華埋班拍劇。如果真係成事,大家又會想睇歐陽震華拍咩劇?早前一班網民就齊齊爆發小宇宙,創作一系列劇名,有意思又爆笑!

撰文、圖片:東方新地

歐陽震華亞視拍劇叫咩名好?網民爆笑聯合創作

網民爆笑創意劇名 警匪劇佔多數

歐陽震華亞視拍劇叫咩名好?網民爆笑聯合創作

 可以搵真華記客串?
可以搵真華記客串?

歐陽震華亞視拍劇叫咩名好?網民爆笑聯合創作

 《洗冤錄》的確係Bobby代表作之一
《洗冤錄》的確係Bobby代表作之一
 《洗冤錄》是根據一本宋朝(公元1247年)期間所寫的書《洗冤錄》改編而成,這本法醫史上的驚世鉅著記載著中國法醫學的先驅──宋慈的一生,及怎樣抽絲剝繭地破解當時鬨動朝野的奇案。
《洗冤錄》是根據一本宋朝(公元1247年)期間所寫的書《洗冤錄》改編而成,這本法醫史上的驚世鉅著記載著中國法醫學的先驅──宋慈的一生,及怎樣抽絲剝繭地破解當時鬨動朝野的奇案。

歐陽震華亞視拍劇叫咩名好?網民爆笑聯合創作

 雖然套劇本身無Bobby份,但玩食字食正而家全球狀況,唔錯!
雖然套劇本身無Bobby份,但玩食字食正而家全球狀況,唔錯!

歐陽震華亞視拍劇叫咩名好?網民爆笑聯合創作

 前排先重播完,Bobby劇中搞笑演出及造型令人難忘,唔知廚神識唔識劏野味?
前排先重播完,Bobby劇中搞笑演出及造型令人難忘,唔知廚神識唔識劏野味?

歐陽震華亞視拍劇叫咩名好?網民爆笑聯合創作

 《法證先鋒4》播出中,收視聽講唔錯,頭2輯都有Bobby份,唔知大家鍾意邊輯多D?
《法證先鋒4》播出中,收視聽講唔錯,頭2輯都有Bobby份,唔知大家鍾意邊輯多D?
 Bobby其實都只係59歲啫,仲係中年喎!
Bobby其實都只係59歲啫,仲係中年喎!
 大家想見到Bobby同邊個藍絲約會?下面張圖嗰位好唔好?
大家想見到Bobby同邊個藍絲約會?下面張圖嗰位好唔好?

歐陽震華亞視拍劇叫咩名好?網民爆笑聯合創作

 唔睇返都唔知2位喺《陀槍師姐》合作過!
唔睇返都唔知2位喺《陀槍師姐》合作過!

唔止挖走歐陽震華! 林文龍做亞視娛樂大亨 召集上世紀「師奶殺手」埋班

娛樂圈冇永遠的朋友,亦冇永遠的敵人,同無綫合作無間的林文龍,繼4K劇《不懂撒嬌的女人》及中港合拍劇《再創世紀》演出備受好評, 未出街新劇還有《那些我愛過的人》, 以為他做硬無綫人,咁就錯喇!近日林文龍轉投亞視擔任副總裁一職,唔做演員做管理層,幫亞視革新重振雄風向無綫挑機,上場即大展拳腳,除得老婆郭可盈出山撐任亞姐評審,近日又造福社會,代亞視宣布向港人派發二十萬口罩齊心抗疫,又捐千萬到武漢支援,原來還有更大Project 進行中。圈中老友多多的他,近日密斟昔日一班師奶殺手歐陽震華、陶大宇、羅嘉良及吳啟華埋班拍劇,滿腹密計勢做娛樂大亨!

撰文、圖片:東方新地

林文龍獲老婆大力支持 殺入亞視做管理層

1987年參加無綫超級新星選舉入行的林文龍,近年以外援身份幫無綫拍劇,16年回巢無綫拍4K劇《不懂撒嬌的女人》,之後再有中港合拍劇《再創世紀》,以及仍未出街的《那些我愛過的人》,套套皆大製作,成為無綫王牌外援,不過,月前林文龍忽然倒戈加入亞視擔任副總裁,由演員搖身一變成為管理層身份,滿肚密計大展拳腳,踏入事業新里程。據知情者透露:「文龍喺娛樂圈三十 年,已經係一線小生,做演員去到一個樽頸位,舊年亞視主席賴彩雲搵佢過檔,並唔係做演員咁簡單,而係搵佢入管理層,做亞視副總裁,直接幫亞視改革重整旗鼓,對未試過做管理層嘅文龍嚟講,的確係一個新挑戰,賴主席好盛意拳拳搵佢,對文龍喺圈中人脈同經驗好有信心,仲答應畀好大自由度佢去發揮,佢考慮咗一段時間,覺得自己都係時候去改變一下規律嘅人生,加上老婆大力支持佢嘗試,覺得難得有呢個機會應該去把握,支持老公用心做一定可以做到成績!」

 林文龍獲亞視控股非執行董事兼聯席主席賴彩雲邀請,擔任亞視副總裁一職,他在加盟記者會上接受主席賴彩雲頒發職員證。
林文龍獲亞視控股非執行董事兼聯席主席賴彩雲邀請,擔任亞視副總裁一職,他在加盟記者會上接受主席賴彩雲頒發職員證。
 由一線小生搖身一變成為亞視副總裁,一月正式上任的林文龍,早前率領亞視團隊舉行新春團拜,除了銳意革新,面對新冠肺炎疫情,更宣布會派發二十萬口罩給香港市民,又捐出千萬到武漢抗疫。
由一線小生搖身一變成為亞視副總裁,一月正式上任的林文龍,早前率領亞視團隊舉行新春團拜,除了銳意革新,面對新冠肺炎疫情,更宣布會派發二十萬口罩給香港市民,又捐出千萬到武漢抗疫。

自組新班底 召集上世紀「師奶殺手」埋班

一月已正式上場任亞視副總裁的林文龍,不停有大搞作,除了將亞視大埔總台大裝修,月初在新春團拜更透露會派發廿萬口罩給香港市民,又捐贈千萬支持武漢抗疫,不過,要幫亞視收復失地,自家製作先係王道,現正為公司重整架構及自組新班底的他,近日更密斟昔日一班師奶殺手埋班拍劇。據知情者透露:「加入亞視之後,文龍會參與管理及製作決策,話晒有競爭先有進步,佢做嘢冇顧慮,嚟緊亞視會開劇,佢都唔想馬虎了事,閉關度橋之餘,仲部署挖角,文龍圈中朋友唔少,呢排佢都碌盡人情卡,搵唔少舊拍檔同以前合作嘅同事傾大計,有幕後班底,仲有重量級演員,當中佢就傾緊以前班師奶殺手加盟,好似同佢合作最多最老友嘅歐陽震華、又有以前同老婆拍過唔少劇嘅陶大宇羅嘉良吳啟華,個個都好有份量。雖然啱啱上場,但佢已經瞓晒身,都係為咗想畀多啲驚喜觀眾!」 由演員升呢成為副CEO的林文龍,2020年相信是他人生重要一頁!

 上年與黃翠如、連詩雅合作TVB劇集《那 些我愛過的人》,劇集未出街,林文龍已 由無綫外援變敵對!
上年與黃翠如、連詩雅合作TVB劇集《那 些我愛過的人》,劇集未出街,林文龍已 由無綫外援變敵對!

記者直擊 林文龍:「係接觸好多舊拍檔」

記:「上任之後係咪有好多大計?」
林:「現階段會一步步嚟,要砌好基本班底先,我本身要求高,唔一定咁得心應手搵到我想要嘅人,都要慢慢去見,新任主席畀咗好大嘅自由度我,只要我覺得啱嘅就去做,啲錢應使就使,既然佢咁信任我,我更加要認真去做。」

記:「會否爭取入番電視平台?」
林:「現階段唔會,暫時都係做網嘅嘢,同現階段 投資者嘅方向脗合嘅,都係朝著呢方面做!」

記:「今年會唔會製作劇集?」
林:「一定會。」

記:「係咪會挖角?」
林:「記者會之後,有好多工種嘅人主動聯絡我,包括一啲TVB嘅舊同事,佢哋都話依家一啲新嘅約,Artists 係可以去隔籬台工作,咁我哋係一個網台,變咗同一貫TVB落地電視台唔一樣,競爭唔係咁直接!同埋我自己角度睇,我希望可以做到百花齊放,大家互相幫助互相扶持。所以我覺得如果TVB可以 open,打開門畀Artists過嚟拍我會無任歡迎。」

記:「有指你會搵番以前班師奶殺手合作?」
林:「依家都未有一定方案,不過我呢兩個禮拜係接觸好多舊拍檔同舊同事,不斷見佢哋,睇吓嚟緊會唔會合作到!」

 52歲林文龍做亞視娛樂大亨! 召集上世紀「師奶殺手」埋班
林文龍回應記者,表示今年內一定會拍劇,仲接觸過好多舊同事!

林文龍目標!「帥奶殺手聯盟」挖角名單:

無綫出品過不少神劇,當中成功捧紅不少師奶殺手, 歐陽震華陶大宇吳啟華羅嘉良經典演出令觀眾難忘。

59歲歐陽震華《壹號皇庭》

92年被監製鄧特希睇中,歐陽震華在《壹號皇庭》擔演律師角色,除了演活專業律師,演出更生鬼搞笑,成功奠定師奶殺手形象,連拍五輯《皇庭》系列,事業上位。

52歲林文龍做亞視娛樂大亨! 召集上世紀「師奶殺手」埋班

57歲羅嘉良《創世紀》

《創世紀》上下兩輯合共106集,是電視史上龐大心力經典作,羅嘉良演的葉榮添,創造無煙城的發跡經過,更成為唔少觀眾追捧的精神偶像,將羅嘉良事業推上巔峰。

52歲林文龍做亞視娛樂大亨! 召集上世紀「師奶殺手」埋班

56歲陶大宇 《 刑事偵緝檔案》

提到陶大宇事業高峰代表作,大家一定記得《刑事偵緝檔案》,由他演出的張大勇與郭可盈演的高婕( Jessie ),二 人更因此成為觀眾眼中的金童玉女。

52歲林文龍做亞視娛樂大亨! 召集上世紀「師奶殺手」埋班

55歲吳啟華 《妙手仁心》

當年經常被定型做奸角的吳啟華,憑著《妙手仁心》一洗壞人形象,他演出的不覊情聖、善良溫柔的腦科醫生程至美,俘虜唔少師奶的心。

52歲林文龍做亞視娛樂大亨! 召集上世紀「師奶殺手」埋班

讀者留言