feat_1188_8

楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look

觀眾嘅眼光係雪亮嘅,參選佳麗低質自然冇乜觀眾有動力開電視,今年出咗個十年難得一遇嘅高質港姐謝嘉怡,收視當堂成為近年之冠,雙料冠軍謝嘉怡連日嚟亦即成話題人物。其實選港姐除咗鬥靚,更考對人處事同臨場發揮,獎項唔可以代表一切,不過決賽夜攞多過一個獎嘅歷年雙料或多料冠軍,亦事實有唔少高學歷高EQ有大將之風!

撰文、圖片:東方新地

2013年陳凱琳:最上鏡小姐、旅遊大使獎、最受傳媒歡迎獎、冠軍

出身富貴、家住五千呎九龍塘豪宅,13年陳凱琳參選港姐時雖然新聞多多,不過依然憑著精緻五官鍊贏強勁對手蔡思貝,攞咗最上鏡小姐、旅遊大使獎、最受傳媒歡迎獎同港姐冠軍,翌年再贏埋華姐冠軍。無綫器重即栽培喺劇集擔正發展,不過Grace就因為拍《殭》同男主角鄭嘉穎撻著,家陣已經結婚兩年,仲生咗兩個㖭!

楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look 楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look

2015年麥明詩:最上鏡小姐、冠軍

讀書年代已經係風頭躉,做過小太空人、代表香港政府向太空人楊利偉獻過花、中五又因為成為女拔十優狀元上過報,15年麥明詩讀完劍橋法律系回港參選港姐,即時因為係十優港姐聲勢由頭帶到尾,最後亦贏得最上鏡小姐及冠軍兩個獎項。入行五年麥明詩邊做主持拍劇,邊完成實習工作考獲紐約州律師牌照,去年尾同無綫改簽部頭約,如今轉行入職跨國企業麥肯錫做商業顧問。

楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look

2006年陳茵媺:冠軍、國際親善小姐

為參選05年從加拿大回流香港,06年報名參選並獲得香港小姐冠軍及國際親善小姐,當選後做過明珠台主持亦主演過唔少電視劇,不過拍劇最大收穫絕對係10年拍攝《心戰》時結識電視台筍盤陳豪並相戀,入行多年最大成就就係13年與陳豪結婚後火速懷孕三年抱三!

楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look 楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look

1996年李珊珊:冠軍、最上鏡小姐、最受傳播媒介歡迎獎、才藝小姐

作為回歸前最後一任英屬香港小姐,李珊珊以出眾外表加上36E好身材一入選即成為大熱和傳媒焦點,當年更獲得冠軍、最上鏡小姐、最受傳播媒介歡迎獎及才藝小姐四個獎項成為四料冠軍。當年備受無綫力捧又與錢嘉樂愛得轟烈,可惜後來戀情告終,事業亦因為身體健康問題已經多年沒有公開露面。

楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look 楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look

2001年楊思琦:冠軍、最上鏡小姐、網上最奪目小姐、纖體美態獎、最甜美笑容佳麗獎、最修長美腿佳麗

早年港姐贊助商多,因此獎項亦特別多,造就楊思琦成為單屆最多獎項佳麗,分別獲得冠軍、最上鏡小姐、網上最奪目小姐、纖體美態獎、最甜美笑容佳麗獎和最修長美腿佳麗獎。思琦妹11年與拍拖九年男友李泳豪分手,同時被揭懷有身孕。獨立撫養女兒楊卓穎並於14年離巢北上發展後,去年宣布與圈外男友結婚,並誕下兒子 Kody。

楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look 楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look

1999年郭羨妮:冠軍、最上鏡小姐、國際親善小姐、千禧才智小姐

選港姐時任職空姐,郭羨妮當年亦都以頂頭大熱姿態包攬港姐冠軍、最上鏡小姐、國際親善小姐及千禧才智小姐四個大獎,翌年再做埋華姐冠軍。當選後郭羨妮獲無綫力捧,演出機會不斷,與合作過的男藝人古天樂、黃子華、馬德鐘等等緋聞亦傳不停,曾經公開與溫兆倫相戀,又介入過陶大宇婚姻落得「狐妮」稱號。11年與內地動作導演朱少杰結婚翌年誕下一女,15年離巢專心湊女。

楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look 楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look

1988年李嘉欣:冠軍、國際親善小姐

中葡混血兒李嘉欣喺香港出世,幼年被父親遺棄家境清貧,18歲時當選香港小姐冠軍及國際親善小姐,又做埋華姐冠軍攞埋最上鏡小姐,即被譽為最美港姐亦飛上枝頭。在電視台拍劇四年後即加入影壇拍片無數,06年與富商許晉亨公開戀情,08年結婚、10年誕下獨子 Jayden Max。

楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look 楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look

1990年袁詠儀:最上鏡小姐、冠軍

90年參選港姐時袁詠儀攞完最上鏡小姐再做埋港姐冠軍,拍咗兩年劇92年開始拍攝電影,天時地利加上人和機會不斷亦不負眾望,94年憑《新不了情》成為香港最年輕影后,95年再憑《金枝玉葉》蟬聯影后,紀錄至今無人可破。個人生活方面袁詠儀亦幸福過人,與張智霖相戀結婚並誕下獨子魔童,近年兩公婆頻頻北上接真人騷,賺盡人仔亦都令全國人民見識二人恩愛。

楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look 楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look

1998年郭藹明:冠軍、國際親善小姐、最佳談吐幽默獎

90年代,高學歷嘅港姐只屬少數,91年冠軍得主郭藹明就係其中一位。佢擁有美國南加州大學機械工程學碩士學位,仲係美國私人航天公司嘅兼職見習工程師,後嚟番咗香港選港姐,贏咗冠軍同時贏得國際親善小姐及最
佳談吐幽默獎,就順理成章入咗娛樂圈,第一套拍嘅劇就係神劇《大時代》,識咗老公劉青雲,就連美國太空總署嘅正式聘請都放棄埋,1998年正式封盤成為劉太。

楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look

1992年盧淑儀:冠軍、最上鏡小姐、二十周年金輝大獎

92年參選港姐,盧淑儀外貌標青儀態萬千同樣係當年頂頭大熱,最後獲得冠軍、最上鏡小姐和二十周年金輝大獎。不過當選不久就被李克勤私有化公開戀情,93年淡出幕前成為克勤背後女人。二人06年結婚,婚後育有Ryan及Rex兩個兒子,相夫教子以外,盧淑儀亦醉心闊太至愛運動高爾夫球,並成為高爾夫球教練。

楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look 楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look

2004年徐子珊:修身美態獎、最上鏡小姐、國際親善小姐大獎、冠軍

在美國完成大學學業後回流香港參選港姐,徐子珊連奪修身美態獎、最上鏡小姐及國際親善小姐大獎後再攞埋冠軍,當選後即被無綫重用接連拍電視劇,07年已經榮升女主角攞埋飛躍獎仲同天王黎明傳緋聞獲贈新車。曾闖影圈、又攞埋金像最佳新人獎,直到15年離巢、16年簽約王祖藍旗下,徐子珊雖然事業走下坡不過亦一早不再熱衷演藝行業,修讀珠寶設計創立自家品牌,重返校園去年完成香港大學心理學碩士課程後,正式宣布退出娛樂圈將往歐洲攻讀心理學博士課程。

楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look 楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look

2012年張名雅:冠軍、國際親善小姐、現場最受歡迎佳麗

在英屬哥倫比亞大學畢業主修經濟商學,12年張名雅回港參選港姐,榮獲冠軍亦係同年國際親善小姐及現場最受歡迎佳麗。16年與律師男友結婚,三年抱兩生完兩個仔後復出繼續拍劇。

楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look

2010年陳庭欣:冠軍,旅遊大使獎,國際親善小姐

陳庭欣當年參選港姐獲得冠軍之餘,亦同時奪得旅遊大使獎及國際親善小姐大獎,當選後撻著亞洲先生翟威廉拍拖五年後分手,18年正式承認與家底億億聲彩豐行老闆楊振源拍拖。雖然戀情穩定並表示明年計劃結婚,不過準彩豐行老闆娘依然係無綫合約藝人勤力拍劇。

楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look

楊思琦包攬六個獎、郭藹明獲「最佳談吐幽默獎」!歷屆雙料港姐冠軍逐個look