feat_1154_hong2

「多嘴城」洪永城劇接劇扮大牌 拍劇加料小花聞「城」 色變

近日三套劇排住上的洪永城,成為無綫最當旺藝人,不 過當紮唔代表有品,有指他近期就囂張在電視城橫行,拍劇不時向女拍檔自加親熱戲,已有唔少花旦中招。小花聞「城」 色變,更幫他起朵「多嘴城」,「囂」字四個口,洪永城真係以為自己大晒,其實想保住良好形象,自我檢點最實際!

撰文、圖片:東方新地

朱晨麗爆洪永城擅加摸啜戲 外表enjoy心裡難頂

娛樂圈抽水事件屢見不鮮,早前,朱晨麗委屈爆出拍劇期間被拍檔洪永城擅加摸啜戲,令她唔識反應。因為同洪永城在劇中扮演恩愛夫妻,當中 兩人有唔少親密場口,朱晨麗受訪時就不吐不快表示:「我同佢有 好多親密動作,不過寶華姐(劇集總監製)劇本寫得好好,係點到即 止,唔多亦唔少,不過佢(洪永城)就自己加咗好多摸我、錫我嘅戲,有一次仲突然錫落嚟,我唔知點反應,如果唔係錄影緊,我一 定推開佢!有時我表現好enjoy,其實個心諗緊你摸完未?」

▼ 在 《多功能老婆》同朱 晨麗演恩愛夫妻的洪 永城,對住上圍34D的 朱朱,多次情不自禁 向劇中老婆自加摸啜 戲,事件爆出後,洪 永城回應事件冇誠意 道歉,更不停自圓其 說:「希望佢日後講嘢 小心啲!如果有冒犯 令佢唔舒服,我唔好 意思!我都係專業演 員,有啲場口我想生 動啲同得意啲啫!」
在 《多功能老婆》同朱 晨麗演恩愛夫妻的洪 永城,對住上圍34D的朱朱,多次情不自禁 向劇中老婆自加摸啜戲,事件爆出後,洪 永城回應事件冇誠意道歉,更不停自圓其說:「希望佢日後講嘢小心啲!如果有冒犯令佢唔舒服,我唔好意思!我都係專業演員,有啲場口我想生 動啲同得意啲啫!」
據知寶華姐一度下禁令,講明要洪永城拍這場濕吻戲唔准伸脷,不過睇番場戲,洪永城仍然咀得非常肉緊,搞到朱朱嘴都歪埋!

洪永城扮大牌被稱「洪爺」 小花暗稱「多嘴城」

近年劇接劇的洪永城,拍親熱戲向對手加料其實早已傳遍電視城,不過小花怕事敢怒不敢言,亦令他有恃無恐,近期愈拍愈猖 狂,令小花拍親佢都提心吊膽。據知情者透露:「呢期佢咁多劇 開,已經當正自己係阿哥,改對白加戲已經係等閒事,對工作人員 態度亦好差,試過PA叫佢埋位,如果未齊人要佢等,佢會發脾氣,工作人員都稱呼佢「洪爺」,對啲女拍檔,連親熱戲都自己加插,搞到班女拍檔個個有冤無路訴,唔敢出聲,其實班幕後工作人員一早都睇唔過眼,小花 喺背後仲叫Tony做『多嘴城』,所以今次朱朱挺身而出大快人心,希望佢日後檢點啲!

朱晨麗與洪永城在《多功能老婆》中飾演夫妻,戲內有不少親熱戲,想不到原來有內情!

醜行事件爆煲,唔少受害小花背後力撐朱晨麗肯挺身爆鑊,可惜罪魁禍首洪永城,回應事件冇誠意道歉,表示自己加戲純為拍攝效果!更背後唱朱晨麗大口令他形象受損,二人在電視城近日已成貼錯門神!做錯事仲惡人先告狀,唔通「囂」字四個口,洪永城真係以為自己大晒,其實想保住良好形象,自我檢點最實際!

上位被捧,洪永城近年不時扮大哥,拍劇自改對白兼自加親熱戲,令一班小花拍檔聞城色變,更在背後封他「多嘴城」。
觀其近日擔正演出的兩套劇《丫鬟大聯盟》及 《黃金有罪》,他同劇中兩位女主角 黃心穎及陳瀅,都有唔少親熱場口,據知他亦有肉緊加戲。
洪永城12年由有線過檔無綫,由主持旅遊節目到加入劇 組,近年火速上位,演出劇集比視帝王浩信、陳豪都要多!