BOB大讚：「入得廚房出得廳堂」！ 人妻湯盈盈為地獄廚神之名洗底
撰文：SundayKiss｜圖片：美女廚房截圖 ｜編輯：東方新地
人妻湯盈盈地獄廚神之名大洗底
湯盈盈曾經是上一輯《美女廚房》的地獄廚神。當年她一味「韓式海鮮粉絲泡蛋」煎到全黑，嚇到不少人之外更被說是「黑炭料理」！
BOB大讚：「真係入得廚房，出得廳堂！」
不過今次她再上美女廚房，就明顯進步了不少，更獲呀BOB大讚：「真係入得廚房，出得廳堂！」令她相當雀躍。如果不是有評判偏心另一位美女參賽者張曦雯的話，她應該可以拿滿分！
起魚皮炸魚滿分10分
從當初煮蛋都會被質疑「熟不熟」的新手，到現在能把魚皮全部起出，即使第一次炸魚都有紋有路。難怪主持會對她那麼高評價，大叫「抵讚！」
特製「My Little Pony」大蛋糕
錢嘉樂同湯盈盈結婚後，生咗一對得意囡囡。大女凱晴3月滿5歲，盈盈樂樂就喺迪士尼搞生日會，滿足囡囡成為公主嘅願望！盈盈同一班好姊妹為姚樂怡慶祝生日，7 個人分享一個小蛋糕！
細女3歲生日，湯盈盈就特別訂製一個超大嘅「My Little Pony」蛋糕，成個蛋糕由好多個Cup cake砌成，好多粉紅色，好夢幻！
今日滿3歲嘅凱琪，都着條靚靚公主裙同個生日蛋糕影相！又開心又有啲怕醜！
爸爸錢嘉樂最新都忙住為新電影宣傳，不過要同寶貝女做生日，工作都要讓一讓路啦！一家四口影番張全家福先！
大女凱晴3月5歲生日，盈盈樂樂招呼咗好多小朋友去迪士尼開生日會。
一身公主打扮嘅凱晴，圓夢做公主！
湯盈盈自製聖誕保齡球
湯盈盈日前喺社交網站分享為囡囡自製聖誕保齡球玩具，見佢親手為聖誕小鹿、雪人、聖誕樹同聖誕老人填顏色，果然係一個好媽媽！盈盈話囡囡Alyssa好鍾意媽媽萬聖節時整嘅保齡玩具，所以主動想要一個聖誕版俾佢帶返學校同朋友仔玩！
雖然製作需時，但盈盈睇嚟樂在其中，見到囡囡玩得開心咩都抵返晒！聖誕版保齡造型可愛，大家不妨參考一下！
萬聖節版用南瓜做保齡球！十分有趣！囡囡率先喺屋企試玩，準備帶玩具返學校同朋友分享！
玩具只需要用簡單工具製作，而且可以重用家中廢物，環保又有心思，非常值得參考！
成也蘇梅 敗也蘇梅
相戀多年嘅湯盈盈同 錢嘉樂 ，一直都keep住甜密恩愛。據知湯盈盈與 錢嘉樂 於2007年在台灣拍攝綜藝節目時認識，相戀後一直低調處理。兩人於2008年被傳媒爆出戀情，當時女方被踢爆在 錢嘉樂 的住處留宿，但兩人卻矢口否認其感情關係，繼續低調地下情。期間兩人曾傳分手，有指是因 錢嘉樂 對舊愛餘情未了。事過境遷，兩人拍拖多年，感情穩定，才逐漸將戀情公開。直至2012， 錢嘉樂 公開宣佈將迎娶湯盈盈，並指當時兩人到蘇梅島旅行時求婚成功，他笑說：「成也蘇梅，敗也蘇梅！」
史上第一對新人於熊貓館完婚
兩人於2012年11月完婚，結婚儀式特別挑選在海洋公園的熊貓館進行，並且成為史上第一對新人在國寶大熊貓盈盈見證下註冊，非常有意義，場面亦異常感人。當時懷孕五個月的湯盈盈仍穿著3寸高跟鞋，而 錢嘉樂 則全程體貼地拖實佢，同時亦對盈盈發表甜蜜愛的宣言：「以後的人生有我扶住你。 」
大女被指太似爸爸
大女錢凱晴（Alyssa）於2013年3月出世，一家三口十分幸福，在Alyssa兩歲時，盈盈曾帶Alyssa接受親子訪問，不過報導一出，卻有網民留言表示Alyssa太似爸爸，更直指：「真心話勁醜怪」，搞到盈盈睇完好唔開心，見到傳媒時，更特地為囡囡掩面！幸好後來網民力撐Alyssa好可愛，盈盈才得以釋懷，仲話囡囡每個表情動作都好可愛！
一家四口幸福滿瀉
兩年之後，盈盈誕下幼女錢凱琪（Kassidy），一家四口幸福滿瀉。雖然盈盈和嘉樂經常忙於拍攝工作，但每當他們有時間都會陪著兩個囡囡四圍玩，一家四口更經常拍寫真，留下美好回憶。
