os_feat_1151_won

「美魔女」溫碧霞性感遊峇里島 53歲索爆身材無走樣

英皇新片《墮落花》早前獲選入圍香港亞洲電影節最佳十強電影,身為女主角嘅溫碧霞(Irene)當然好開心,日前出席澳門國際影展後,旋即同老公何祖光(Kenny)飛去峇里島慶祝。兩公婆撇甩囝囝Xavier享受二人世界,Irene更大解放著上火辣三點式大騷索爆身材!

撰文、圖片:東方新地

溫碧霞風騷晒三點式同老公咀嘴放閃

Irene同老公喺陽光與海灘下非常溫馨,Kenny更親自操刀充任攝影師為老婆拍攝火辣三點式靚靚泳照,Irene對老公嘅攝影技術有讚冇彈:「佢係我哋家庭嘅攝影大師,我哋好多家庭相都係佢操刀,佢對影相好有研究,仲 影得好靚㖭!」

一向唔鍾意 冬天嘅溫碧霞選 擇孖老公飛去峇里 度假,更著上火辣 三點式大騷索 爆身材!
一向唔鍾意冬天嘅溫碧霞選擇孖老公飛去峇里度假,更著上火辣三點式大騷索爆身材!
情到濃時咀嘴放閃,恩愛程度爆燈!
歲嘅溫碧霞無論樣貌以至身材都十年如一日,「美魔女」稱號當之無愧。

滿意2019年成績寄望明年人人順心

喺峇里吸收完陽光後,Irene將會飛到美國紐約同Kenny嘅家人一齊慶祝聖誕,2019年就快過去,Irene回望過去一年自覺感恩:「好滿意今年工作成績,出咗寫真集,口碑同鎖量都好好,電影成績都好滿意,《墮落花》入圍幾個影展,《嫌疑者說》又攞咗《金雞百花獎》,商演亦冇停過,仲賺多過上年,所以我係非常滿足,希望2020年人人都有工開,大家都健健康康,一切順心。」

兩公婆於夕陽下到海邊歎燭光晚餐, 非常浪漫。
難得撇甩囝囝Xavier,靜靜地享受二人世界吸收陽光。