feat_1156_pon

無綫「 御用中風王 」潘志文漫遊深水埗 69歲隻身回流成搶手貨

二十粒鐘死五次羅樂林終於後繼有人,據非正式統計,2014年從加拿大回流香港的老戲骨潘志文擔演四套重頭劇套套都中風, 成為無綫「御用中風王」,從影五十年,都稱得上是再創另類演藝高峰! 熒幕前永遠身光頸靚但次次逃不過中風厄運,熒幕後其實69歲潘志文生活日常不知幾貼地又知碇,身子腳骨力不知幾硬朗,仔大女大老婆又喺加拿大,閒時遊走舊區漫無目的Hea番半日,男人的浪漫莫過於此。

撰文、圖片:東方新地

潘志文「 御用中風王 」 隻身回流成搶手貨

1967年加入國泰電影公司訓練班、69年畢業後正式展開演藝生涯,一代電視台小生潘志文曾經在麗的與亞視創下無數電視劇經典角色。90年代,潘志文和太太Janny以及一 對兒女移民加拿大演藝作品產量驟減,直至14年仔大女大,才以部頭約形式簽約無綫重返電視圈。好戲入屋老戲骨當然搶手劇接劇,潘志文有劇時回港拍劇過戲癮、拍完劇回加陪愛妻,留港時一支公自由自在,加拿大又有頭家享受溫暖,半退休生活夠晒寫意。

 戲骨在電視台特別搶手,除咗剛播畢的《丫鬟大聯 盟》同拍攝中的《逆天奇案》,仲有《機場特警》等出街。
老戲骨在電視台特別搶手,除咗剛播畢的《丫鬟大聯盟》同拍攝中的《逆天奇案》,仲有《機場特警》等出街。
據網民統計潘志文飾演角色四年內先後在《以和為貴》、《EU超時任務》、《幕後玩家》及《再創世紀》中風,因此被網民封為無綫「御用中風王」。
今年69歲的潘志文經歷過兩段婚姻,86年拍攝電視劇與苗可秀撻著,有傳因此與已誕下一女的前妻 Annie分手,其後再與第二任妻子Janny誕下一子。
苗可秀
夫妻生活出名恩愛,前年次子Pontiac 娶妻,潘志文就回加擺酒宴客,不少移居加國的 電視圈港星包括李婉華都前往道賀。

一支公享受男人的浪漫 鴨記穿梭畀大媽搭訕

拍攝中新劇《逆天奇案》,潘志文又係扮成功人士做女主角林夏薇父親,二、三線配角戲份不算吃重,因此大把時間周圍逛。日前他一支公現身佐敦舊式商場,一連拜訪三 間老字號裁縫舖,左問右問似是四圍格定價。不過改衫事小吹水事大,無論男女老闆,潘志文都好吹得,閒閒哋一間駐足三兩個字。問完正事時間尚早,一支公無碇 去,有咩好得過落男人最愛蒲的深水埗消磨?平時見慣潘志文著西裝骨骨,在港一個人 過活少了老婆打點和打扮,白恤衫唔打底又扣少粒鈕、隨手襯條紅色褲孭個斜孭袋、心口口袋插住包硬盒紅萬、行到去鴨記擔住煙仔隨意漫步,買吓睇吓又同街邊賣貨大媽吹番陣,完全與舊區老香港融為一體,一支公享受吓男人的浪漫。

鏡頭以外, 「御用中風王」潘志 文唔會身光頸靚執到 正,日前唔使拍劇,一支公貢去行男人 最愛鴨寮街。
去到鴨記指定動作,梗係擔番支煙,周圍睇 吓有乜嘢買。
然後突然同沿途大媽好好傾,原來對方賣緊行山竹,可惜潘志文度完試完一輪,都係冇入手。
幾代香港人睇住潘志文嘅電視劇大,一定一眼認得出潘翁,不過鴨寮街呢樣嘢好,個個埋首尋寶,又一街麻甩佬,所以行足全程悠然自得,冇人上前要影合照。
其實呢日食完午飯已見潘翁出動,先去佐敦再搭港鐵去深水埗,雖然移民加拿大多年,仍然熟晒架步。
潘翁好知碇,一出佐敦港鐵站,直踩鄰近的舊式商場,商場內裁縫舖最多,連走三間,無論老闆係男係女,都駐足慢慢吹慢慢問,不過呢日就無帶衫出外改。

去完深水埗hea到將近黃昏,潘翁排隊上小巴去浸會醫院方向。不過睇潘翁精靈又好興致,應該都係探病多。

關鍵詞
潘志文