feat_1199_4

王浩信、袁偉豪靜雞雞過檔 無綫藝人紛紛離巢外闖轉投邵氏

時代變了,娛樂生態不同了,在各種因素下電視台近年爆發離巢潮。電視台小生花旦儲夠名氣同本錢想向外闖係必然,如何做生不如做熟、換個合作模式一樣可以拍無綫劇,但又更多機會拍電影和北上?過檔邵氏其實係個近水樓台,而又最多小生花旦嘅最後決定!

撰文、圖片:東方新地

李施嬅

去年四月,李施嬅宣布結束與無綫15年賓主關係,今年初又係靜靜雞登上邵氏官網藝人介紹,成為邵氏旗下藝人,六月仲即刻開工返無綫拍《 金宵大廈2 》。

王浩信、袁偉豪過檔無人知 無綫藝人紛紛離巢外闖轉投邵氏

胡定欣

年頭宣布不續約無綫,未來動向被連番猜疑,甚至被指將會轉投古天樂旗下嘅視后胡定欣,終於公布去向,正式展開與邵氏兄弟國際影業嘅合作。出 po 多謝樂小姐多年照顧,其實樂易玲都係邵氏執行董事及總經理,過咗檔咪又係跟番樂小姐。

王浩信、袁偉豪過檔無人知 無綫藝人紛紛離巢外闖轉投邵氏

王浩信袁偉豪

一般情況下,藝人尤其係視帝視后級,一旦加入邵氏必然大張旗鼓開埋記招,不過疫情影響下,大型宣傳活動都要謝絕,就連上個月兩大小生王浩信同袁偉豪加入邵氏,都係等到二人靚相出現喺官方網站藝人名單至被公開。

王浩信、袁偉豪過檔無人知 無綫藝人紛紛離巢外闖轉投邵氏 王浩信、袁偉豪過檔無人知 無綫藝人紛紛離巢外闖轉投邵氏

岑麗香

18年六月,香香以千字文發表感言,宣布將會離開無綫又話《果欄中的江湖大嫂》係告別之作,其實轉投嘅手工藝創作公司,係曾志偉、王祖藍名下,實情又係邵氏子公司,今年初產子後不足一年,香香又復出接拍新劇無綫《 BB大晒》 。

王浩信、袁偉豪過檔無人知 無綫藝人紛紛離巢外闖轉投邵氏

陳瀅

10年做model出道,雖然係模特兒公司旗下藝人,不過14年開始已經被無綫器重劇接劇,仲個個角色都有份量。18年開始陳瀅終於同前模特兒公司講bye bye,正式成為邵氏 兄弟旗下藝人。

王浩信、袁偉豪過檔無人知 無綫藝人紛紛離巢外闖轉投邵氏

黃宗澤

98年出道被無綫一手一腳湊大成為當家小生,黃宗澤17年加盟邵氏兄弟,重心主要放在北上發展,不過亦有主演多套邵氏網劇,包括三套 《飛虎》 系列。

王浩信、袁偉豪過檔無人知 無綫藝人紛紛離巢外闖轉投邵氏