os_feat_1151_gabby

王祖藍嫌囡囡英文名難串 訂浮誇生日蛋糕串錯字

王祖藍同李亞男去年榮升做父母,生咗囡囡王天韻(Gabrielle),日前兩公 婆為囡囡搞咗個一歲生日party,點知生日蛋糕上個名竟然串錯咗,祖藍自嘲連個女嘅名都唔係好識串,呢個爸爸認真抵打!

撰文、圖片:東方新地

王祖藍囡囡一歲生日勁可愛「處女黨」好姊妹爭住抱

派對當日,祖藍孖亞男抱住囡囡滿場飛,著上白色裙仔紮住孖辮仔嘅 Gabrielle眼仔碌碌,愈大愈可愛,鼻仔同嘴仔最似爸爸。亞男嘅「處女黨」好姊妹王君馨及苟芸慧亦有出席,並爭相抱抱兼錫錫壽星女㖭!

王祖藍同李亞男日前為囡囡
Gabrielle
搞咗個生日
party ,見祖藍抱
住囡囡笑到四萬咁口,似乎比壽星女更開心!
王祖藍同李亞男日前為囡囡Gabrielle搞咗個生日party ,見祖藍抱住囡囡笑到四萬咁口,似乎比壽星女更開心!
三位「處女黨」好姊妹相繼成為人妻,未知繼李亞男後邊個會跑出成為人母?
小Gabrielle勁得寵,兩位auntie爭相錫面珠仔兼抱抱。

王祖藍嫌囡囡英文名難串 訂浮誇生日蛋糕串錯字

為慶祝愛女一歲生日,祖藍特別訂製咗一個兩層高、有旋轉木馬嘅生日蛋糕,不過蛋糕上囡囡個英文名竟然串錯咗,祖藍喺IG認衰:「一歲生日快樂!不過你個名真係太難串,搞到蛋糕姐姐都失手串錯咗,其實我都唔係好識串,大家唔介意可以稱呼佢Gabby,下次要改個簡單啲嘅英文名。」係囉,再生嗰時就要改個簡單啲嘅名喇!

父母夾擊送吻sweet到爆,而身為爸爸嘅祖藍承認失策,連個女嘅英文名都唔係好識串。
亞男嘅好姊妹王君馨及苟芸慧亦有出席生日 party , 苟姑娘話希望小 Gabrielle 健康平安快樂成長。