ng1

白面春美夠驚嚇 吳家樂:工作人員叫我咪周圍走

吳家樂於《城寨英雄》演大奸狗馮春美大受歡迎!為營造冷血陰險一面,吳家樂每集都化超厚粉底加個血色紅唇,配合其陰陽怪氣演繹,加埋咁啱農曆七月鬼節,真係好嚇人!

 

更多文章:

《城寨》春美吳家樂娶富豪女 生三個

激戰花曼《城寨》馮春美大限已到!

 

嚇親同事

吳家樂昨晚出席《城寨英雄》慶功晚宴,提到憑白面春美哥角色受觀眾歡迎,吳家樂表示今次係大膽嘗試,因為該劇監製文偉鴻當初搵佢傾呢個角色花了45分鐘,之後又不斷試唔同造型,最後認為呢個最合心水。至於三個仔女睇完有咩感覺,家樂笑言:「覺得怪樣囉,開工嗰時又撞正農曆七月,啲工作人員見到我叫我宵夜時段唔好四圍走!」不過,對於大家喜歡春美哥感到好開心,而佢覺得自己表現合格而已!家樂又提到劇中打戲九成都親身上陣,問到有否受傷,家樂說:「一定有,有扭親又有撞瘀!」

 

陰沉造型夠晒驚嚇

演城寨武林高手馮春美嘅吳家樂,獲觀眾激讚眼神笑容都夠奸,舉手投足亦做到角色嘅女性化一面!不過,最令人難忘都係其白曬曬粉底同血色心形嘴,播出時又撞正農曆七月鬼節,真係睇到人心慌慌!

全文完