feat_1204_18

直擊楊恭如富貴回流老銅打卡 廿萬行頭行到邊影到邊

娛聞

上海出世、11歲移居加拿大、95年回流香港參選亞姐,楊恭如一出道即達事業巔峰,日前曾被稱為一代女神的楊恭如回港度假,身邊依然是常伴左右的楊媽媽,家住二千萬跑馬地豪宅、孭著20萬鱷魚皮Hermès包包,醫肚食最地道茶記、隨處閒逛,慳住慳住咁就一日!

撰文、圖片:東方新地

楊恭如變觀光客老銅打卡

鏡頭前靚爆鏡,並非全靠濾鏡同化妝技巧,鏡頭後素顏與楊媽媽在香港街頭露面,一樣身材冇走樣,皮膚保持白晳幼滑,隨意戴頂CAP束條馬尾,容貌裝束竟然仍有少女感。唯一露餡的是隨身斜孭的鱷魚皮Hermès,保守估計廿萬上落,孭得上身自然身家有番咁上下。事業重心雖然放在內地,其實楊恭如名下依然持有跑馬地比華利山市值二千多萬的豪宅,兩母女周不時就會返港度假,身家非一般,不過楊恭如日常使費慳得就慳,在銅鑼灣行足半日戰利品不多,醫肚都係食平民茶餐廳,貪經濟又夠地道,飯後節目就係同楊媽媽你影吓我、我影吓你,不放過任何景點和商場擺設,然後試吓傢俬window shopping咁就一日。

近年北上發展定居上海,其實楊恭如在跑馬地仲有層豪宅、不時孖住媽媽回港度假,日前就見最靚亞姐現身銅鑼灣,46歲依然皮光肉滑冇走樣,一身打扮仲有啲少女味。
近年北上發展定居上海,其實楊恭如在跑馬地仲有層豪宅、不時孖住媽媽回港度假,日前就見最靚亞姐現身銅鑼灣,46歲依然皮光肉滑冇走樣,一身打扮仲有啲少女味。
21歲從加拿大回港參選亞姐,楊恭如以大熱姿態當選冠軍,極速走紅更被喻為「亞姐中的亞姐」
21歲從加拿大回港參選亞姐,楊恭如以大熱姿態當選冠軍,極速走紅更被喻為「亞姐中的亞姐」
轉眼間25年後過去,無論外形定身材依然keep到,又係另一個逆齡美魔女代表。
轉眼間25年後過去,無論外形定身材依然keep到,又係另一個逆齡美魔女代表。
一身裝束夠輕便又有少女感、全日消費亦慳得就慳幫襯平民茶記,不過平凡中見不平凡,楊恭如身上呢個價值廿萬鱷魚皮Hermès盡顯身價。
一身裝束夠輕便又有少女感、全日消費亦慳得就慳幫襯平民茶記,不過平凡中見不平凡,楊恭如身上呢個價值廿萬鱷魚皮Hermès盡顯身價。
平時住上海已經愛幫襯港式茶餐廳回味港式風味,返到香港楊恭如果然都係同媽咪幫襯連鎖茶餐廳,夠晒慳儉。
平時住上海已經愛幫襯港式茶餐廳回味港式風味,返到香港楊恭如果然都係同媽咪幫襯連鎖茶餐廳,夠晒慳儉。
個人微博日日都更新靚靚新相,返到香港行到邊影到邊,坐低等食楊恭如又趁機整理手機相簿準備發相。
個人微博日日都更新靚靚新相,返到香港行到邊影到邊,坐低等食楊恭如又趁機整理手機相簿準備發相。
孝順女唔止咁多年都黐住楊媽媽一齊住,收入亦一概交畀楊媽媽統一處理,所以食完飯慣性殿後等楊媽媽埋單走人。
孝順女唔止咁多年都黐住楊媽媽一齊住,收入亦一概交畀楊媽媽統一處理,所以食完飯慣性殿後等楊媽媽埋單走人。
在內地已經係半退休狀態,返到香港更加悠閒,醫完肚兩母女商量下一站去向時,可見原來路經行人已經冇乜幾個認得出最靚亞姐。
在內地已經係半退休狀態,返到香港更加悠閒,醫完肚兩母女商量下一站去向時,可見原來路經行人已經冇乜幾個認得出最靚亞姐。
去到邊都指定到地標景點影相打卡,自稱景點王的楊恭如同媽媽在商場閒逛亦係影相為主,兩母女行動一致對住裝飾假樹都影一餐。
去到邊都指定到地標景點影相打卡,自稱景點王的楊恭如同媽媽在商場閒逛亦係影相為主,兩母女行動一致對住裝飾假樹都影一餐。
46歲女仲同媽媽孖公仔一樣又同住就知恭如夠孝順,行街全程聽聽話話跟住楊媽媽遊走,楊媽媽試傢俬亦靜靜雞在旁等候。
46歲女仲同媽媽孖公仔一樣又同住就知恭如夠孝順,行街全程聽聽話話跟住楊媽媽遊走,楊媽媽試傢俬亦靜靜雞在旁等候。

讀者留言