直擊53歲陳小春激罕現身香港 化身住家男行又一城超市掃糧
疫情之下，不少藝人都手停口停，不過陳小春與應釆兒卻長搵長有。早已全身投入國內市場的陳小春，一年都唔知有幾多日留港，竟被影到在香港超市買餸一腳踢，真係好罕見。
撰文、圖片：東方新地
陳小春做住家男超市買餸一腳踢
陳小春全家長駐國內吸金前，早前本刊記者影到小春親自到九龍塘又一城超市，買了大量新鮮餸菜與水果，然後返回大埔逸瓏灣的四千呎豪宅，據知因為應釆兒要留家照顧初生細仔 Hoho，所以小春要分擔採購日用品與買餸的工作，近年在港甚少露面的小春，化身住家男行超市，收起個兇神惡煞樣，咁咪幾好囉！
