feat_1203_5

李彩華夫妻感情受考驗、鄧麗欣與王子隔空放閃 細數圈中疫下兩地相思couple

疫情擾攘一年,零感染希望愈嚟愈渺茫,大家都係疊埋心水等疫苗好過。不過你同我最多都係一年半載冇得旅行呻吓悶,總好過一班演藝圈異地情侶、夫妻,焗住成年冇得見!考驗感情嘅時候嚟喇,睇吓真係有幾多pair可以順利pass先!

撰文、圖片:東方新地

鄧麗欣 & 王子

拍拖兩年,Stephy 同台灣藝人王子 ( 邱勝翔 ) 因為疫情關係成十個月冇得見面,曾一度傳出情變。不過最近二人又隔空喺 IG 放閃,Stephy 陪媽媽切生日蛋糕,王子仲口花花曲線行伯母政策話:「 阿姨比你(Stephy)漂亮!」證明感情冇變過!

李彩華夫妻感情受考驗、鄧麗欣與王子隔空放閃 細數圈中疫下兩地相思couple

楊丞琳 & 李榮浩

楊丞琳要準備台灣演唱會,李榮浩要為 《中國好聲音》做導師,結婚又係新婚冇耐就要經歷大半年分離,連首個結婚紀念都要分開慶祝。好彩兩口子不斷隔空宣示掛念同愛意,好似生日、紀念日李榮浩會空運禮物送愛妻,而楊丞琳上月演唱會尾場,又孖李榮浩喺大銀幕連線合唱,甜到漏!

李彩華夫妻感情受考驗、鄧麗欣與王子隔空放閃 細數圈中疫下兩地相思couple

莊思敏 & Brian

今年三月,莊思敏趕喺四十歲生日前閃嫁台灣老公楊秉逸(Brian),可惜另一半喺台灣有珍珠奶茶生意,莊思敏亦要留港工作,新婚冇耐已經分隔兩地,連婚後首個生日都要隔空視像慶祝。不過二人話會盡量每三個月見一面,保持新婚熱情,近日老公飛來香港慰妻,相隔三個月終於可以團聚。

李彩華夫妻感情受考驗、鄧麗欣與王子隔空放閃 細數圈中疫下兩地相思couple

林利 & 台灣老婆

疫情期間,林利雖然要返香港拍劇工作,不過都寧願隔離28日兩邊走回台灣探望太太。明明可以私下或者見面講嘅事,林利太太陳貞均都忍唔住公開出po,鬧爆台灣女星不時私聊林利,又傳靚相畀老公,林利於是公開反問太太:「我不能有朋友嗎?」又請求太太畀啲空間:「握太實彼此都會痛」,感情似乎備受考驗。

李彩華夫妻感情受考驗、鄧麗欣與王子隔空放閃 細數圈中疫下兩地相思couple

李彩華 & Eric

舊年二月同內地商人黃彥書(Eric)閃婚,今年二月仲高調放閃慶祝緊一周年紀念,點知一場疫情搞到分隔兩地,李彩華上月公布已經喺九月同丈夫簽紙離婚,據悉正是因為聚少離多令感情生變。

李彩華夫妻感情受考驗、鄧麗欣與王子隔空放閃 細數圈中疫下兩地相思couple