SHU

終於有得唞 舒淇晒素顏床照

40歲舒淇同42歲馮德倫於上周六(3日)宣布結婚,全城都替二人開心!雖然新婚,但由於一對新人表示今次結婚係好隨性及好突然,所以就連拍婚照都於工作中騰出時間,因此,影完後又要埋頭苦幹開工!而「馮太」舒淇今日於IG上載素顏床照,笑言終於有假放可以唞吓!

 

延伸閱讀︰

馮德倫風騷晒婚戒 舒淇淺水灣築愛巢

激罕!袁偉豪 自爆那些年校草真身

 

攰到隨時瞓着

雖然說人逢喜事精神爽,不過舒淇同馮德倫於布拉格拍完婚照並宣布結婚後,又要於當地繼續為新片《俠盜聯盟》趕工,根本冇時間休息!今日,舒淇難得有放假,婚後於IG首次以素顏同大家見面說:「終於放一天假。就讓我在床上懶一天吧!p.s.自拍」。

 

返港築愛巢

舒淇同老馮成為夫妻後,當然要搵愛巢齊齊過新婚生活啦!二人拍拖期間,舒淇家住港島南區南灣,而男方則住在貝沙灣,距離唔算遠,所以不時到對方家中共聚甜蜜時光!據知,二人返港後,便會入住淺水灣一個近二千呎的豪宅,享受二人世界!

全文完