羅仲謙

《木棘証人》35歲羅仲謙終於做老竇!40歲楊怡IG報喜大曬超聲波相!

娛聞

廣告

結婚三年楊怡羅仲謙的造B工程一直只聞樓梯響,夫婦二人長期分隔兩地工作,更一度因為楊怡脊椎問題要延遲生B。不過夫婦二人終於有好消息!原來謙謙為方便造人同照顧妻小選擇回巢無綫,新劇《木棘証人》試造型時就已經流露過口風⋯⋯

原文刊於:東方新地 圖片:新傳媒圖片、IG

新劇《木棘証人》試造型 謙謙爆響口

去年,謙謙為無綫新劇《木棘証人》試造型,相隔三年重返無綫拍劇,謙謙今次扮演便衣警察,對於拍無綫劇出名辛苦,他卻笑言收工一定仍有氣有力造人,而未來半年他都會留在香港:「結婚之後有計劃生小朋友,但我有一半時間唔喺香港,令個造人計劃實行唔到;今年就好啲,呢半年可以留香港拍劇,都係時候要實行啦!」謙謙更強調今次事在必行:「我對自己體能好有信心,冇問題! 我日頭拍劇, 夜晚就『開工』!」

35歲羅仲謙終於做老竇!40歲楊怡IG報喜大曬超聲波相!

楊怡主動上前與記者寒暄,謙謙就護住岳母避上鏡。

35歲羅仲謙終於做老竇!40歲楊怡IG報喜大曬超聲波相!

等孕到的楊怡,這日戴住有保平安之用的玉佩頸繩,不過見記者拍照即放入衣領內。

謙謙力sell自己如何精壯的同時,亦大爆楊怡已全面停工配合,一年內不會拍劇,因為如果在拍劇途中發覺懷孕,甚麼都做不到似乎很不負責任,也難對劇組交代,而謙謙表示會很擔心太太,不想蹲在片場一旁看實楊怡。謙謙表示希望楊怡今年內陀B,BB最好在明年出世,最理想就是生一對龍鳳胎,一次過滿足有仔有女湊個「好」字的心願。謙謙為新劇積極操肌,早前去大埔健身室做完gym又返屋企接老婆楊怡外出,不過坐在車內的楊怡卻停下絞低車窗要求不要採訪及拍攝,看來這段期間完全不想上鏡,向來喜歡在社交網放閃分享日常生活的她,亦甚少更新近況,拍照亦只有近鏡大頭。

這日楊怡全家戴口罩,已全面停工的楊怡身形比之前豐滿,據知茹素多年的她近月積極進補,為陀B做好準備。

35歲羅仲謙終於做老竇!40歲楊怡IG報喜大曬超聲波相!

40歲楊怡IG報喜 大曬超聲波相

羅仲謙同楊怡因拍《On Call 36小時》撻著成情侶,2016年時結婚,二人一直恨生B,但唔係羅仲謙太忙就係楊怡未養好身體,直至今日(13日),楊怡終在個人社交平台上載超聲波相,仲留言:「我們的緣份從劇集開始,由同事變朋友,由朋友變情侶,由情侶變伴侶,從今以後……..我們多了一個身份,感恩上天送給我們一份珍貴的禮物,我們之間將會加入一顆小小電燈,寶貝,願你在未來的日子裡時刻照亮我們的生命,願我們在未來的日子裡幸福快樂⋯⋯謝謝你選擇了我們We love you我們一家,期待你的來臨@lawhimmm」,隨後楊怡還P.S.標示「謙爸B知道後,第一個反應竟然係『你唔好亂咁噏吖,你問清楚醫生未?』P.S. 第一次聽BB心跳聲時,原來有D似火車經過。」恭喜晒羅生羅太!

恨BB恨足咁多年,終於喺鼠年傳出好消息,恭喜羅生羅太!
恨BB恨足咁多年,終於喺鼠年傳出好消息,恭喜羅生羅太!
羅仲謙唔知係咪太興奮,知道後第一個反應係「你唔好亂咁噏吖,你問清楚醫生未?」有埋超聲波相就無得呃啦!
羅仲謙唔知係咪太興奮,知道後第一個反應係「你唔好亂咁噏吖,你問清楚醫生未?」有埋超聲波相就無得呃啦!

羅仲謙喜洩做老竇 楊怡養身等生B

楊怡16年嫁給細五年的羅仲謙,婚後表明不設防,揚言要全速前進,謙謙仲誇下海口表示想三年抱兩,可惜事與願違,夫婦二人為工作不時分隔兩地,即使其中一方肯移船就磡飛去探班,造B工程依然未能成功達標,有指拍劇多年的楊怡早已五勞七傷,婚後需要長時間去調理身體,然而脊椎問題非常嚴重,並非短時間可以醫治好。知情者透露:「阿怡一直有睇中醫同脊醫,知道自己身體因為多年勞損,醫生都叫佢最好調理好先至陀B,始終女人生仔條腰骨係最受壓,如果脊椎有問題亦會有影響。謙謙亦唔想阿怡冒險,一切以老婆身體狀況行先,今年阿怡實行停工休息,呢半年嚟佢哋都好努力,希望盡快有好消息公布。」

16年拉埋天窗的楊怡與謙謙,婚後一直不設防,他們歸咎於長期因工作分隔兩地,雙方未能好好配合。

35歲羅仲謙終於做老竇!40歲楊怡IG報喜大曬超聲波相!

當日謙謙做完gym返大埔寓所接老婆楊怡一齊外出,在寓所 附近燈位停下,坐在司機位旁的楊怡要求本刊記者停止採訪,問她是否有好消息要宣布,她只答:「新年快樂!」仲有大半年先到新年,唔通楊怡有其他意思?

 

全面停工

離開無綫三年,楊怡都為生B目標進發刻意減產,只接了前年的舞台劇《我和春天有個約會》及去年與郭晉安合作的劇集《再創世紀》,有指年初梅小青曾邀她演《法證先鋒IV》女一,楊怡怕辛苦壓力大推掉,近月更連商演及代言活動都絕跡。楊怡心知自己年紀唔細,8月30日便40歲生日的她,肩負為羅家開枝散葉的重任,絕對不容有失,過去謙謙返內地拍劇做騷,她都會飛去探班做跟得夫人,不過自4月開始,楊怡一直深居簡出,已沒有在公開場合露面,即使謙謙主演的電影《小Q》在中、港兩地舉行首映及宣傳活動,楊怡都沒有現身撐老公。

將在無綫新劇《木棘證人》演便衣警察的謙謙,最近頻頻到健身室操肌,謙謙渾身是勁,練到手瓜勁粗,難怪自誇體力好好。

 

35歲羅仲謙終於做老竇!40歲楊怡IG報喜大曬超聲波相!

將在無綫新劇《木棘證人》演便衣警察的謙謙,最近頻頻到健身室操肌,謙謙渾身是勁,練到手瓜勁粗,難怪自誇體力好好。
35歲羅仲謙終於做老竇!40歲楊怡IG報喜大曬超聲波相!

楊怡久未露面,即惹來大肚揣測,知情者說:「近三個月楊怡肯定身在香港,但佢拒絕所有朋友飯局同活動,一係話唔得閒一係就唔舒服,最令人懷疑係連謙謙有戲上佢都唔出嚟,圍內朋友都已經估估吓,可能未夠三個月驚BB小器呢?高齡產婦小心啲都好應該嘅。而謙謙呢排真係人逢喜事精神爽,佢仲周圍同人講半年內會成事,似係坐定粒六等緊做爸爸,嗰份喜悅撳都撳唔住。」

 

35歲羅仲謙終於做老竇!40歲楊怡IG報喜大曬超聲波相!

謙謙爆響口希望今年造人成功明年做老竇,人逢喜事見到本刊記者都笑唔停。

 

35歲羅仲謙終於做老竇!40歲楊怡IG報喜大曬超聲波相!

早前謙謙陪岳母到銅鑼灣睇醫生,全程都係楊怡行先搵路,謙謙墮後扶實岳母。

行路翹實好小心

楊怡近月雖然留家養生等孕到,但早月曾被本刊記者影到與好友郭晉安相約在銅鑼灣食飯見面,當日楊怡素顏戴上口罩,二人在利園附近歎越南菜,邊食邊傾表現興奮,傾足個幾小時,最後由安仔埋單請客,離開食店行去利園停車場期間,身穿運動裝腳踏波鞋的楊怡竟步步為營,全程翹實安仔,當正對方係扶手,其行為舉止似足懷孕初期的大肚婆。育有一仔一女的安仔,與楊怡多年來合作無間,無所不談,也許就是楊怡取生仔經的最佳人選。對於即將升呢做大姨媽的楊卓娜(楊怡胞姊),早前亦公開表示準備好為楊怡做陪月,有同住的楊母同家姐一齊幫手,又有老公謙謙孭起頭家,楊怡也就可以放心做新手人母,準備迎接小B。

日前為新劇《木棘證人》試造型,與女主拍劇留港半年角張㬢雯合作,謙謙表示會切實地於半年內達成造人計劃,揚言對自己體能有信心,放工再造人都完全無問題。

興奮取經

早前楊怡與郭晉安相約在銅鑼灣,二人歎越南菜邊食邊傾,手舞足蹈愈傾愈興奮。

35歲羅仲謙終於做老竇!40歲楊怡IG報喜大曬超聲波相!

 

食足個幾鐘,最後由安仔埋單請客,步出店前二人緊張地戴上口罩。

 

35歲羅仲謙終於做老竇!40歲楊怡IG報喜大曬超聲波相!

這日唔係天雨路滑,楊怡亦唔係著高踭鞋,不過行去利園取車的短短幾分鐘路程,楊怡竟全程翹實同扶實安仔,似足大肚婆步步為營。

35歲羅仲謙終於做老竇!40歲楊怡IG報喜大曬超聲波相!

楊怡今年再冇接拍劇集及其他大型工作,就連出埠都少之又少,自今年三月中出席過公開活動,她就一直留家休息。日前在社交網上載贊助的行李箱做宣傳,都係刻意遮下半身。

35歲羅仲謙終於做老竇!40歲楊怡IG報喜大曬超聲波相!

謙謙頻頻返國內為電影 《小Q》做宣傳,但楊怡都冇隨行。

35歲羅仲謙終於做老竇!40歲楊怡IG報喜大曬超聲波相!

就連7月中的首映禮,楊怡都冇撐謙謙場,不過老死安仔就有現身。

35歲羅仲謙終於做老竇!40歲楊怡IG報喜大曬超聲波相!

最後一次出席大夥兒飯局已是今年三月底,當時更巧遇方中信,之後楊怡開始收埋自己。

35歲羅仲謙終於做老竇!40歲楊怡IG報喜大曬超聲波相!

近年無論謙謙去邊度工作,楊怡都做跟得夫人跟到實,去年更去杭州探班,夫婦二人順便周圍遊玩。不過近月楊怡深居簡出,鮮有現身。

35歲羅仲謙終於做老竇!40歲楊怡IG報喜大曬超聲波相!

楊怡雖然已婚,但她仍與母同住,日前楊怡更在社交網上載一張自家菠蘿照片,表示母親種了一年終於有收成,是否暗示自己都陀住金叵羅?忍不住要分享喜悅。

35歲羅仲謙終於做老竇!40歲楊怡IG報喜大曬超聲波相!

楊怡與謙謙在家玩自拍,把自己變成童顏,都係影大頭。

35歲羅仲謙終於做老竇!40歲楊怡IG報喜大曬超聲波相!

恨生龍鳳胎 家姐做陪月

去年謙謙為冧楊怡,包場為她慶祝39歲生日,據知楊怡的生日願望是早日為羅家開枝散葉,而謙謙更開到口話想生一對龍鳳胎,生一個都等三年,要打孖上真係有啲難度。

35歲羅仲謙終於做老竇!40歲楊怡IG報喜大曬超聲波相!

楊怡自知會是個緊張媽咪,好彩家姐楊卓娜有經驗,故一早預約家姐做陪月,到時就唔會雞手鴨腳。

35歲羅仲謙終於做老竇!40歲楊怡IG報喜大曬超聲波相!