2020bb-5

胡杏兒、余香凝聖誕宣佈懷孕!2020疫情下「星B」排住隊出世!

2015年結婚嘅胡杏兒 Myolie Wu聖誕日一早就宣佈好消息,已經係兩子之母嘅佢,喺社交平台宣佈再次懷孕,仲已經見肚添喇!回顧2020肺炎疫情持續,社會氣氛緊張,由年頭抗疫到年尾,大家嘅心情都唔會好得去邊,然而娛樂圈仍傳來唔少喜訊,接二連三有藝人宣布懷孕,大批星B排住隊趕出世,疫世生B絕對係一個大挑戰!

撰文、圖片:東方新地

胡杏兒 聖誕宣佈懷第3胎

杏兒在社交媒體上表示:「我來自一個有兩個姐姐的家庭,從小就體會到三姊妹的好處,一直覺得如果能有3個孩子會是一件特別美好特別幸福的事。2020年的聖誕節告訴大家,願望成真了」

胡杏兒聖誕宣佈再度懷孕
胡杏兒聖誕宣佈再度懷孕,仲話之前喺內地工作,拍攝綜藝節目時,冇公開同劇組透露懷孕一事,「係唔想有任何特權」。

余香凝 公佈懷孕喜訊

一直有傳「雙喜臨門」,早前宣佈嫁保險男朋友嘅余香凝,同樣選擇喺聖誕節正式公告好消息,佢同新婚個半月嘅老公,透過社交平台出Po宣佈喜訊:「All I want for Christmas is YOU 💕
Merry Christmas 🎄謝謝上天賜給我們最好的禮物」

余香凝 公佈懷孕喜訊
「一個小生命喺我肚入面,好感恩!我同老公都好開心。」

盤點今年新手父母!2020疫情下「星B」排住隊出世!

古巨基51歲愛妻美國生仔

古巨基與太太Lorraine於2014年結婚,今年3月榮升新手父母,轉眼間囝囝Kuson已經半歲大,眼仔碌碌又愛笑,可愛到暈!

疫世星B排住隊出世!最正星二代你最睇好邊個?

疫情下基仔一家已有五個多月未有出門,就連結婚六周年亦留家慶祝,實行黐實 囝囝。
疫情下基仔一家已有五個多月未有出門,就連結婚六周年亦留家慶祝,實行黐實 囝囝。

疫世星B排住隊出世!最正星二代你最睇好邊個?

周勵淇9月一索得男

周勵淇於2018年底宣布與內地演員傅浤鳴結婚一年多,去年9月傳出有喜,直至今年1月宣布陀B,並於5月18日剖腹誕下6磅重囝囝,一索得男。好姊妹蔡卓妍及鄭秀文上門探B。

疫世星B排住隊出世!最正星二代你最睇好邊個?

楊思琦老公成謎2月再做阿媽獨自湊B

楊思琦2011年誕下囡囡楊卓穎後,一直以單親媽媽身份同囡囡相依為命。去年宣布再懷第二胎,聲稱跟圈外拍拖半年嘅男友喺外地註冊結婚,今年2月12日誕下兒子「豬豬」,仔跟母姓楊,父親仍然是個謎。

疫世星B排住隊出世!最正星二代你最睇好邊個?

梁靖琪姊弟戀修成正果

經歷婚姻失敗,去年6月與年輕8歲嘅圈外男友施雋賢結婚,梁靖琪於同年12月27日誕下兒子施睿文,由二人世界變成三人行。

疫世星B排住隊出世!最正星二代你最睇好邊個?

黃祥興1月湊成幸福五人家庭

黃祥興同圈外老婆結婚7年育有一仔一女,今年1月再添一子,組成幸福五人家庭!

疫世星B排住隊出世!最正星二代你最睇好邊個?

許亦妮寵愛「馮寶寶」

前港姐許芷熒(前名許亦妮)去年10月與商人男友結婚,其後宣布懷孕,囡囡於今年2月2日出世,女兒乳名叫「馮寶寶」、英文名叫KayliJane。

疫世星B排住隊出世!最正星二代你最睇好邊個?

楊秀惠離巢TVB 4月做靚媽

去年跟圈外男友葉世揚註冊成婚,早前正式離巢TVB嘅楊秀惠,於4月宣布榮升人母,展開人生另一階段。

疫世星B排住隊出世!最正星二代你最睇好邊個?

疫世星B排住隊出世!最正星二代你最睇好邊個?

楊怡羅仲謙成功造人4月產女兼改名

楊怡同羅仲謙結婚4年終於成功造人,今年4月尾誕下囡囡羅昀凝,一家三口非常幸福。生B後嘅楊怡一直待在家中湊女,搵奶粉錢嘅重任就交畀老公謙謙搞掂。

疫世星B排住隊出世!最正星二代你最睇好邊個?

鄭嘉穎 陳凱琳兩年抱兩

鄭嘉穎與陳凱琳兩年抱兩,今年5月宣布再做爸媽,而第二胎冧莊又係仔,大仔鄭承悅(Rafael)將會多個細佬。

疫世星B排住隊出世!最正星二代你最睇好邊個?

譚凱琪低調完婚即有喜

38歲譚凱琪今年三月與拍拖八年嘅富貴男友莊日宇低調完婚,上月尾宣布有喜,現已全面停工,留家專心安胎。

疫世星B排住隊出世!最正星二代你最睇好邊個?

陳山聰親手為囝囝剪臍帶

陳山聰太太何麗萍剛於今個月生咗 B仔 Jaco,陳山聰陪太太入埋產房,仲親手為囝囝剪臍帶㖭!

疫世星B排住隊出世!最正星二代你最睇好邊個?

雨僑羅力威唔請陪月自己湊

雨僑同羅力威結婚2年,今年情人節宣布懷孕喜訊,自稱「P牌媽媽」嘅雨僑8月誕下女兒,兩公婆決定唔請陪月唔請姐姐,一於親力親為自己湊,勇氣可嘉!

疫世星B排住隊出世!最正星二代你最睇好邊個?

吳若希話唔知轉頭又陀B

吳若希上月宣布懷有第二胎,3歲囡囡Giselle將榮升家姐,澳門闊少老公何兆鴻興奮大爆今胎陀仔湊成個好字。

疫世星B排住隊出世!最正星二代你最睇好邊個?

應采兒陳小春再添一男

應采兒與陳小春2010年結婚,2013年誕下兒子Jasper,今年52歲嘅陳小春再做老竇,應采兒於5月尾再添一男,雖然恨女恨到發燒,但應采兒亦開心迎接細仔,惟有之後再努力過啦!

疫世星B排住隊出世!最正星二代你最睇好邊個? 疫世星B排住隊出世!最正星二代你最睇好邊個?

王祖藍李亞男12月整多個,B女係「大鼻妹」

王祖藍與李亞男已育有一歲半囡囡王天韻,疫情期間兩公婆成功追多個,12月中一家三口將變四口。

疫世星B排住隊出世!最正星二代你最睇好邊個?

宋熙年陳智燊迎四口之家

相愛11年,2016年結婚,宋熙年與陳智燊婚後兩年迎來兒子 Damon,今年3月再度傳出喜訊,將由三口子變成四口之家。

疫世星B排住隊出世!最正星二代你最睇好邊個?

倪晨曦婚禮延期11月照生B

早前已入紙排期結婚,但因疫情婚禮延期的網絡女神倪晨曦,選在父親節宣布懷孕喜訊。「因為我覺得男女都冇所謂,都係上天嘅禮物,所以我等到佢出世嗰刻先知。」11月初為人母的倪晨曦坦言有意再生。

疫世星B排住隊出世!最正星二代你最睇好邊個?