34D蔚雨芯變靚唔同晒 撻著大馬千億富二代
現年27歲擁有34D「魔鬼胸」的蔚雨芯（Rainky），曾被爆撻著大馬千億富二代，隨即以千萬置業，出埠又被爆坐頭等機位兼周身名牌，富貴變上等人，近年更大搞美容產品生意，在荃灣開設二千呎美容公司，由藝員仔搖身一變成為老闆娘，飛上枝頭的她，自言為自家美容產品做「白老鼠」，近期個樣再進化，雙眼皮加深、鼻樑升高、輪廓更精緻，愈變愈靚！好彩「魔鬼胸」標記仲keep住，唔係真係認佢唔到！
撰文、圖片：東方新地
蔚雨芯生活升呢做老闆娘
擁有34D「魔鬼胸」的蔚雨芯，17歲便入行做歌手，轉眼入行已經九年，雖然唱歌、拍劇都未有代表作，不過，識揀男友又是另一種本事，人生同樣可以愈變愈精彩。
18年被指撻著大馬超級富二代的Rainky，男友姓鄭年約三十歲，家族資產盛傳高達千億，鄭父更獲封「丹斯里」銜頭！不過，拍拖三年的她，每次被問戀情都大耍太極，未有公開談過富貴男友，但富泰生活就現晒形。年後蔚雨芯表示已分手兼單身，專注博殺工作。
生活升呢胞弟Benz接送樣貌再進化
前年蔚雨芯一掟百萬投資美容產品生意，去年更在荃灣開設二千呎的美容公司，生意愈做愈大，生活升呢十級跳，除了由公屋進駐千萬豪宅，名牌包包換個不停，就連個樣都再進化，她曾在個人社交網狂po近照，除咗愛晒34D魔鬼身材，樣貌一樣好吸睛，雙眼皮大眼睛、加上高鼻樑、緊緻下巴，五官輪廓同以前分別極大。
轉型從商愈戰愈勇，演藝事業已變成副業，蔚雨芯只間中拍劇或上節目過吓癮，早前，她由胞弟駕駛車價近50萬的Benz座駕接載入電視城，與工作人員傾合作事宜，身穿針織連身短裙身材玲瓏浮凸，雖然只是斜孭住一個LV小手袋，簡單晒行頭，老闆娘身份今時唔同往日，有本錢將工作當成興趣，點睇都已經大不同！
