38歲薛凱琪懶約陌生人信緣份要嚟就嚟 感激黃偉文填詞新歌取名有意思
薛凱琪（Fiona）日前接受節目《 StarTalk 》訪問，大談推出新歌〈南昌街王子〉的感受，被問何時會遇到她的「南昌街王子」時，她說：「我係好難同懶去認識陌生人，不過我信緣份係要嚟就嚟！」
撰文、圖片：東方新地
薛凱琪事隔多年再出新歌
薛凱琪提到返回娘家再推出新歌感受，她憶述：「之前可以話係半刻意暫停咗音樂事業，因為覺得一心不能二用，過去想專心建立自己嘅服裝品牌，而且離開上間公司之後，自己想學識營運去照顧自己，咁就可以幫到我未來嘅工作。」
新歌取名〈南昌街王子〉貪其夠親民
薛凱琪特別感謝新歌〈南昌街王子〉填詞人黃偉文（Wyman），她表示：「 佢真係好有心，有一日佢打電話嚟，話填好晒啲歌詞，爭條街名，咁我哋就開會傾，話香港有幾百條街，首先要啱音，即係話佢有唱晒嗰幾百條街嘅街名，有提議過第三街、琴行街，不過最後我哋都係決定用南昌街，因為夠親民！」薛凱琪笑指自她推出新歌〈南昌街王子〉後，發現有好多人都曾經在那條街上讀書和居住，她笑言：「 我讀書嗰時都成日去嗰度買布同絲帶。」
