feat_1203_10

Ball后薛芷倫赤柱1.12億獨立屋宴客 衝上雲霄大選冠軍麥大力現身大屋

娛聞

都係嗰句,貧窮限制想像力。用咗成年時間抗疫,用咗成年時間留家工作上堂,當人人慨嘆2020年在無聲無息之間虛度消逝之際,Ball 后薛芷倫出 po 表示:「 2020年,對我來說一點也沒有虛度,因為為自己打造了一間夢想號屋!搬進的新屋,獎勵自己,生日快樂,自己賺回來的特別享受。」近日薛芷倫於豪宅宴客,《衝上雲霄大選》冠軍麥大力竟為賓客之一,原因為何?

撰文、圖片:東方新地、薛芷倫 Instagram

薛芷倫元宵節設宴 馬浚偉麥大力受邀

今年元宵節,薛芷倫邀請馬浚偉、麥大力等人到家中聚會,邀請名廚上門炮製日本菜,當中麥大力的出現令網民大感驚喜。麥大力是去年無綫舉辦的《衝上雲霄大選》冠軍,以為「大纜都扯唔埋」,但薛芷倫上載到社交平台的照片中,二人頭貼頭,相信二人關係匪淺。

麥大力、馬浚偉、盛品儒夫婦均有到場。(圖片來源:薛芷倫 Instagram)
麥大力、馬浚偉、盛品儒夫婦均有到場。(圖片來源:薛芷倫 Instagram)
當晚由名廚炮製Omakase。(圖片來源:薛芷倫 Instagram)
當晚由名廚炮製Omakase。(圖片來源:薛芷倫 Instagram)
當晚大合照,麥大力與薛芷倫看來相當老友。(圖片來源:薛芷倫 Instagram)
當晚大合照,麥大力與薛芷倫看來相當老友。(圖片來源:薛芷倫 Instagram)
Ball后薛芷倫赤柱1.12億獨立屋宴客 衝上雲霄大選冠軍麥大力現身大屋
二人拍照非常親密,貼身又貼頭。(圖片來源:薛芷倫 Instagram)

Ball 后薛芷倫親手打造夢想皇宮

與其話夢想號屋,不如話夢想號皇宮至啱。原來年前薛芷倫去赤柱富豪海灣探朋友,對那𥚃一見鍾情,並即時扑槌以1.12億購入3,384呎獨立屋自住。由揀料到裝修,再由物色傢俬到布置概念,全部親力親為跟到足,抗疫冇得去 ball,乾脆全副心機放喺新屋,忙足兩年近日終於入伙,仲急不及待影相晒吓呢間獨居大宅㖭!

大廳全幅牆畫上壁畫,襯埋宮庭式布藝長椅,再加埋特色地磚,襯番女主人生活一樣多姿多采又豪氣。
大廳全幅牆畫上壁畫,襯埋宮庭式布藝長椅,再加埋特色地磚,襯番女主人生活一樣多姿多采又豪氣。
啱啱喺新屋過咗57歲生日,薛芷倫依然充滿少女心,睡房有張粉紅色大床仲著埋粉紅色睡袍襯番。
啱啱喺新屋過咗57歲生日,薛芷倫依然充滿少女心,睡房有張粉紅色大床仲著埋粉紅色睡袍襯番。
獨居嘅薛芷倫身邊有愛犬做伴,背後可見大型多層鞋櫃,相信只係 Ball 后珍藏嘅一小部分。
獨居嘅薛芷倫身邊有愛犬做伴,背後可見大型多層鞋櫃,相信只係 Ball 后珍藏嘅一小部分。
除咗粉紅色床頭板,睡房主要都係用番白色做主調,明亮潔淨,再掛幅藝伎油畫,型格十足。
除咗粉紅色床頭板,睡房主要都係用番白色做主調,明亮潔淨,再掛幅藝伎油畫,型格十足。
鍾意聚會無 ball 不歡,三千幾呎地方一個人點用好?乾脆打造私人豪華K房,咁就抗疫留家一樣有得唱歌開 P。
鍾意聚會無 ball 不歡,三千幾呎地方一個人點用好?乾脆打造私人豪華K房,咁就抗疫留家一樣有得唱歌開 P。
雖然同朋友同一屋苑,薛芷倫都係揀間地理位置更高更靚嘅獨立屋,望出去可以歎盡靚夜景居高臨下。
雖然同朋友同一屋苑,薛芷倫都係揀間地理位置更高更靚嘅獨立屋,望出去可以歎盡靚夜景居高臨下。
大廳有舒適又時尚布藝梳花,背後仲有落地玻璃,採光度極高又有靚景睇。
大廳有舒適又時尚布藝梳花,背後仲有落地玻璃,採光度極高又有靚景睇。
新屋入伙,即吹雞請鄭紹康等老友入屋飯敍,飯廳又大又有氣派,Ball后仲特別揀咗張鮮紅中國風枱布趁番新年氣氛。
新屋入伙,即吹雞請鄭紹康等老友入屋飯敍,飯廳又大又有氣派,Ball后仲特別揀咗張鮮紅中國風枱布趁番新年氣氛。
獨居一樣可以扮得靚一靚兼食好啲氹自己開心,背後嘅180度弧形落地玻璃飯聽設計,係屋苑嘅標誌。
獨居一樣可以扮得靚一靚兼食好啲氹自己開心,背後嘅180度弧形落地玻璃飯聽設計,係屋苑嘅標誌。
淨係廚房都大過人哋蝸居成間屋,搬咗新屋超高興致
淨係廚房都大過人哋蝸居成間屋,搬咗新屋超高興致
一向少入廚嘅Fanny仲喺新廚房即席示範教整素湯。
一向少入廚嘅Fanny仲喺新廚房即席示範教整素湯。
薛芷倫早前拍片嘆香檳。
此外,薛芷倫日前在設計師好友的家拍片嘆香檳。
動作風騷。
動作風騷,魅力依然。
獲網友R先生留言。
獲網友R先生留言。

讀者留言