feat_1201_6

張寶兒親自設計婚紗、舒淇短袖款夠特別 重捨溫馨時刻藝人婚照晒冷

藝人明星為拍戲,唔少早已著過婚紗婚鞋披起嫁衣好多次,不過論到最美麗最感動一刻,又點及得真真正正自己大喜之日呢!平時已經顏值高氣場勁,睇吓呢班圈中新娘子,喺人生中最特別嘅一日,係唔係一樣最靚最動人?

撰文、圖片:東方新地

蕭正楠 黃翠如

18年偷偷哋旅行結婚,19年蕭正楠、黃翠如呢一對突然發布婚禮照片,原來已經喺峇里島補辦婚禮。陽光海灘藍天加鮮花,襯晒呢對簡約又真性情的兩口子。

張寶兒親自設計婚紗、舒淇短袖款夠特別 重捨溫馨時刻藝人婚照晒冷 張寶兒親自設計婚紗、舒淇短袖款夠特別 重捨溫馨時刻藝人婚照晒冷

袁偉豪 張寶兒

去年求婚、年初置埋6,000萬新居,本來話等疫情過後再安排婚禮,袁偉豪同張寶兒呢對最後都係等唔切,終於上月喺新居會所舉行簡單而溫馨嘅小型婚禮。新娘子張寶兒一身透視婚紗係自己設計,貴氣得嚟盡顯好身材。

張寶兒親自設計婚紗、舒淇短袖款夠特別 重捨溫馨時刻藝人婚照晒冷

楊茜堯 羅子溢

16年楊怡(現名楊茜堯)同羅仲謙(現名羅子溢)先在英國註冊結婚影埋婚紗照,再回港舉辦婚禮大宴親朋好友。喺英國古堡影婚紗照仲出埋白馬車,十足浪漫童話。

張寶兒親自設計婚紗、舒淇短袖款夠特別 重捨溫馨時刻藝人婚照晒冷

鍾嘉欣

當年正值事業巔峰,鍾嘉欣突然傳出喜訊,返加拿大嫁畀相識僅十個月、年齡相差十三歲嘅脊醫 Jeremy。天性乖巧,純過蒸餾水,鍾嘉欣嘅婚紗照都係純樸得嚟夠晒傳統。

張寶兒親自設計婚紗、舒淇短袖款夠特別 重捨溫馨時刻藝人婚照晒冷 張寶兒親自設計婚紗、舒淇短袖款夠特別 重捨溫馨時刻藝人婚照晒冷

苟芸慧

曾經因病體重暴增至160磅,好彩婚前搵到暴肥根源, 「肥苟」苟芸慧登時變番做靚 苟。18年同另一半陸漢洋去咗韓國影婚紗照,換足四套婚紗婚鞋,靚到好似公主一樣!

張寶兒親自設計婚紗、舒淇短袖款夠特別 重捨溫馨時刻藝人婚照晒冷

胡杏兒

15年同李乘德Philip共偕連理,大日子當然唔少得胡說八道會齊腳做姊妹陪嫁。其實今時今日,身為兩母之子嘅杏兒,依然 keep住最佳狀態,不過做新娘子當日,更加係神采飛揚,透視婚紗凸顯身材fit到漏!

張寶兒親自設計婚紗、舒淇短袖款夠特別 重捨溫馨時刻藝人婚照晒冷

鄭嘉穎 陳凱琳

結婚兩年、兩年抱兩,計番數18年8月行禮、翌年2月大仔Rafael出世,陳凱琳原來陀住三個月肚嫁鄭嘉穎,難怪已經係近年最靚港姐,陳凱琳嘅婚紗look再升埋cup,全場驚艷!

張寶兒親自設計婚紗、舒淇短袖款夠特別 重捨溫馨時刻藝人婚照晒冷 張寶兒親自設計婚紗、舒淇短袖款夠特別 重捨溫馨時刻藝人婚照晒冷

舒淇 馮德倫

舒淇同馮德倫結婚四年,呢一 pair當年非常低調,緋聞傳足多年,16年喺毫無預警之下突然公開婚照宣布結婚,雖然婚紗襯波鞋、頭上和手腕只有紅繩做裝飾,不過兩人面上的燦爛笑容已經勝過一切。

張寶兒親自設計婚紗、舒淇短袖款夠特別 重捨溫馨時刻藝人婚照晒冷 張寶兒親自設計婚紗、舒淇短袖款夠特別 重捨溫馨時刻藝人婚照晒冷

陳豪 陳茵媺

眨吓眼,陳豪、陳茵媺長子Aiden剛剛慶祝完七歲生日,回想七年前(2013年6月)陳豪、陳茵媺喺巴黎完婚,一輯婚照簡單又溫馨,一對璧人襯到絕。

張寶兒親自設計婚紗、舒淇短袖款夠特別 重捨溫馨時刻藝人婚照晒冷 張寶兒親自設計婚紗、舒淇短袖款夠特別 重捨溫馨時刻藝人婚照晒冷

岑麗香

岑麗香同老公強強,當年係經朋友介紹而結識,未見面先通電話,傾傾下傾出愛火花,拍拖一年就決定結婚。二人回到出生地加拿大結婚,仲好有心思到當地名勝影婚照,香香一襲修身JennyPackham星星透視婚紗,著出仙氣。

張寶兒親自設計婚紗、舒淇短袖款夠特別 重捨溫馨時刻藝人婚照晒冷 張寶兒親自設計婚紗、舒淇短袖款夠特別 重捨溫馨時刻藝人婚照晒冷

孫慧雪

雪雪16年同老公Edwin結婚,婚禮當日仲坐住馬車出場。原來拍拖多年,雪雪曾主動求婚,可惜Edwin認為未係時候,二人因此分手,之後Edwin才發覺生活中不能沒有雪雪,決定重新追求,終在迪士尼準備驚喜並成功求婚。

張寶兒親自設計婚紗、舒淇短袖款夠特別 重捨溫馨時刻藝人婚照晒冷

讀者留言