os_feat_1150_chilam

袁詠儀脈搏紋心冧張智霖 與Chilam甜蜜相愛18載有秘訣

日前靚靚袁詠儀同張智霖放假留港,二人世界周圍放閃,先被捕獲在大坑搵食, 靚靚仲幫食雪糕食到成嘴係的Chilam 抹嘴,另一日再被捕獲在銅鑼灣撐枱腳歎茶,右手脈搏位置紋上心形圖案的靚靚,與Chilam心心相印,婚姻保鮮有術。

撰文、圖片:東方新地

袁詠儀張智霖愈老愈放閃 48歲生日素顏玩直播

靚靚與Chilam的恩愛發自內心,做戲都做唔到,而現實生活中 的二人雖然已是老夫老妻,但愈老愈放閃,早前Chilam 48歲生 日,竟與靚靚躺在床上罕有直播,素顏靚靚為老公唱生日歌,身穿T 恤躺在床上的Chilam說今年生日願望想養一隻貓,但遭靚靚反對,兩人在直播打情罵俏爭辯不休。到靚靚生日,Chilam又一早訂 了老婆鍾意的H字頭包包品牌造型蛋糕,氹得靚靚好歡喜。

▼  Chilam夫婦識飲識食,早前歎日本菜放 相上社交網,靚靚手上已見心心紋身。
Chilam夫婦識飲識食,早前歎日本菜放相上社交網,靚靚手上已見心心紋身。
一家三口在Chilam生日當天玩直播,素顏靚靚為老公唱生日歌,sweet到爆!

袁詠儀脈搏紋心冧老公 張智霖唔紋身但「紋心」

本刊記者更看到靚靚在右手腕脈搏上 紋了的心形圖案, 有指這紋身是用來冧Chilam,據知情者透露:「靚靚身上嘅紋身唔多,前腰上面有個紋咗好多年,嗰個喺台灣紋,佢見到藍心湄紋咗個好靚,所以佢就叫心湄帶佢去紋,不過佢冇逼Chilam去紋一樣嘅圖案做紀念,因為佢認為紋身係好個人嘅,佢陀魔童時個紋身畀個大肚撐開咗,第一次出關見人露腩仲畀人笑係『腩中龍』。近年佢同 Chilam愈來愈sweet,去年突然走去紋咗個細心喺右手手腕脈搏位置,係紀念佢同 Chilam嘅愛情。」

早年靚靚已在腰間紋了一條龍,她認為紋身是很個 人的,所以從來沒有逼Chilam紋愛的紋身。
這日Chilam親自駕駛愛驅載住老婆靚靚到大坑醫肚,二人身家過億但愛貼地平民茶記,仲食得好開心。
成餐飯都戴住黑超的Chilam,與素顏靚靚食飽飽離開茶餐廳,下一站都係周圍行搵食。

近年靚靚忙於北上搵銀,難得最近稍為得閒,而Chilam亦只有 賀歲劇《非凡三俠》在身,夫婦二人趁空檔留港,日前到大坑搵食, 靚靚食飽飽悠閒歎番杯咖啡,而Chilam就大細路上身食雪糕,各取 所需。現場所見,靚靚與Chilam雖然冇拖手冇親密的身體接觸,但 一切盡在不言中,二人甚有默契邊行邊食,期間靚靚突然撒嬌要老 公餵食雪糕,見Chilam食到一嘴都係,便出手幫他抹嘴,這些甜到 漏的場面在真人騷都睇唔到。

成餐飯都戴住黑超的Chilam,與素顏靚靚食飽飽離開茶餐廳,下一站都係周圍行搵食。
靚靚行行吓突然向老公擘大口,原來撒嬌要Chilam餵食。
家有兩個仔,一個係大仔 Chilam,另一個係細仔魔童,靚靚照顧兩仔無微不至, 見Chilam個嘴有雪糕,徒手幫佢抹。
Chilam愈食愈污糟,索性自己舐乾淨。
拿著咖啡的靚靚右手手腕脈搏上紋了心形圖案。
有男粉絲攔途要求合照,Chilam同素顏嘅靚靚有求必應仲親手自拍。

靚靚以紋身來示愛,Chilam相對就比較含蓄,現實中沒有紋 身的他曾在訪問中表示,他早已有愛的 「紋心」,因他把一切紋在心中,向靚靚 隔空示愛:「我自己本身冇紋身,亦冇諗過去紋身,亦諗唔到要紋乜嘢,不過我當係喺心裡面紋,係紋心。」你氹吓我又氹吓 你,就是靚靚與Chilam夫妻相處之道。

難得在港悠閒過日辰,靚靚陪Chilam到銅鑼灣歎西茶,不時傾到托腮的靚靚,盡騷手上紋身。
歎完茶離開,靚靚拎住的手機上亮著的 Wallpaper 也是囝囝魔童,去到邊都掛住個仔。
走在銅鑼灣鬧市,Chilam 一馬當先靚靚緊隨,Cool 魔chok爆出巡,雖已 48 歲依 然擋不住男神風釆。
這日Chilam揸另一架寶馬愛驅出街,有相熟泊車仔幫手,他亦好識做畀一百蚊貼士。