feat_1198_20

許志安修復年半預計明年一月復出 冇膽面對群眾幸有鄭秀文窩心支持

轟動一時的「安心偷食」事件,轉眼發生已經一年半,兩位偷食主角亦各有「下場」,被無綫雪藏一年多的黃心穎,近日遭無綫解約放棄,而出事後立即公開認錯,自言是個「壞咗嘅人」的許志安,幸得大愛老婆鄭秀文不離不棄原諒及支持,停工閉關思過積極修復自己,近日終於有新動向,除了正式入錄音室錄歌,更接內地酒吧騷積極工作,已定明年一月正式復出重新出發!

撰文、圖片:東方新地

許志安冇膽面對群眾幸有Sammi支持

「安心偷食」發生已經一年半,幾乎賠上婚姻與事業的許志安,閉關思過十四個月,今年六月首度復出為ViuTV音樂節目《 Chill Club 》演出,休息多時歌藝未有生疏,加上獲老婆鄭秀文力撐,總算成功踏出復出第一步。事實上,自知「犯下彌天大錯」的安仔,重新出發面對群眾也跨越了很大的心理關口,幸好得身邊一班好友鼓勵及老婆鄭秀文的支持,才令他重拾自信。據知情者透露:「咁多年辛苦建立嘅形象同地位,一夜間就冇晒,對安仔嚟講係好大打擊,以前佢對自己好有自信,但『偷食』事件之後,佢根本冇膽面對群眾,除咗見一班老友之外,就算連圈中人佢都唔知點面對,好彩喺呢段時間,佢有Sammi嘅無限大愛,Sammi真係畀咗好多支持安仔,好似之前復出上台,安仔都有問Sammi意見,Sammi就鼓勵佢最重要係發自內心、真誠出發,將呢年多以嚟嘅領悟表達出嚟,無論如何都要面對同承擔,觀眾自然會感受到!」

走過婚姻危機,許志安和鄭秀文感情更堅固,在疫情肆虐前安仔陪老婆 Sammi到醫院探望住院的父親,近一年父母輪著患病的 Sammi顯得憂心忡忡,安仔不時在身旁細心安慰。
走過婚姻危機,許志安和鄭秀文感情更堅固,在疫情肆虐前安仔陪老婆 Sammi到醫院探望住院的父親,近一年父母輪著患病的 Sammi顯得憂心忡忡,安仔不時在身旁細心安慰。
安仔和老婆一同乘七人車到達醫院,兩公婆匆匆乘𨋢上病房。
安仔和老婆一同乘七人車到達醫院,兩公婆匆匆乘𨋢上病房。

許志安修復年半預計明年一月復出  冇膽面對群眾幸有鄭秀文窩心支持

雖然打扮隨意,不過Sammi和安仔衣著卻襯到絕,Sammi手上攞住的手袋,更和安仔電話殼顏色是同一個色系。
雖然打扮隨意,不過Sammi和安仔衣著卻襯到絕,Sammi手上攞住的手袋,更和安仔電話殼顏色是同一個色系。
探完病,Sammi和安仔一同離開醫院企在街角等車,攞住手機的安仔相信是與司機聯絡。
探完病,Sammi和安仔一同離開醫院企在街角等車,攞住手機的安仔相信是與司機聯絡。
七人車到達後,安仔先護著老婆Sammi上車,相當細心。
七人車到達後,安仔先護著老婆Sammi上車,相當細心。
努力修復壞咗嘅自己的安仔,除了得大愛老婆鄭秀文不離不棄,安仔亦已獲岳父岳母原諒,日前打扮跟之前一模一樣的安仔便陪同Sammi返娘家探父母。
努力修復壞咗嘅自己的安仔,除了得大愛老婆鄭秀文不離不棄,安仔亦已獲岳父岳母原諒,日前打扮跟之前一模一樣的安仔便陪同Sammi返娘家探父母。

接內地酒吧騷積極工作 錄新歌準備復出

已經ready復出的許志安,近日亦正式入錄音室錄歌,預計會錄三至四首新歌,計劃明年一月派台正式復出。據知情者透露:「雖然上年九月嘅演唱會取消咗,不過喺Paco(黃柏高)同公司同事鼓勵之下,安仔都有低調接內地酒吧show演出,好似上年12月都有返內地唱酒吧騷,一嚟唔想自己游手好閒,亦keep住練歌演出唔想歌藝生疏,一步步嚟等機會再上番大舞台,但因為疫情關係,唱咗兩場已經冇再做,直至近期內地疫情緩和,近日先計劃再返內地演出,亦正式入錄音室錄新歌,2021年會係佢一個新開始!」相信許志安人生最大成就,並唔係攞到多少個「最受歡迎男歌手」獎,而係搵到個對他不離不棄的好老婆鄭秀文!令他可以從谷底企番起身!

今年六月許志安在好友鼓勵下為ViuTV節目《 Chill Club》首度復出公開演唱,雖然只係唱幾首歌,事前已令安仔非常緊張,幸得老婆Sammi鼓勵「覺得 ready就去!」,令安仔放膽再上台。
今年六月許志安在好友鼓勵下為ViuTV節目《 Chill Club》首度復出公開演唱,雖然只係唱幾首歌,事前已令安仔非常緊張,幸得老婆Sammi鼓勵「覺得 ready就去!」,令安仔放膽再上台。
「安心事件」發生後,自言是個「壞咗嘅人」的許志安,閉關思過年半以來,其實一直未有放棄唱歌,更努力裝備自己為復出鋪路,跟音樂人伍仲衡學彈琴大半年,近日更開始灌錄新歌,計劃明年正式復出。
「安心事件」發生後,自言是個「壞咗嘅人」的許志安,閉關思過年半以來,其實一直未有放棄唱歌,更努力裝備自己為復出鋪路,跟音樂人伍仲衡學彈琴大半年,近日更開始灌錄新歌,計劃明年正式復出。
早前許志安在IG po出練結他時的短片,清晰可見他左手無名指戴著婚戒,相信這個一生一世的定情信物,就如同對他大愛不離不棄的好老婆鄭秀文一樣,被安仔更珍而重之。
早前許志安在IG po出練結他時的短片,清晰可見他左手無名指戴著婚戒,相信這個一生一世的定情信物,就如同對他大愛不離不棄的好老婆鄭秀文一樣,被安仔更珍而重之。
過去大半年,安仔除了積極備戰待復出,更陪伴愛犬 Lucky走最後段路。
過去大半年,安仔除了積極備戰待復出,更陪伴愛犬 Lucky走最後段路。
近一年多以來,Sammi因為父母輪著患病及愛犬 Lucky離世,令她有更多的體會,同安仔感情亦更堅固,珍惜夫妻關係互相扶持。
近一年多以來,Sammi因為父母輪著患病及愛犬 Lucky離世,令她有更多的體會,同安仔感情亦更堅固,珍惜夫妻關係互相扶持。
出名孝順的 Sammi,早前更因母親生蛇不適非常心痛,一有時間便幫媽咪做按摩紓緩!
出名孝順的 Sammi,早前更因母親生蛇不適非常心痛,一有時間便幫媽咪做按摩紓緩!
偷食人夫許志安令形象、事業插水的黃心穎,雖然潛逃美國大半年後返港密謀復出,但形象力挽無從,近日更獲無綫解約,翻身無望。
偷食人夫許志安令形象、事業插水的黃心穎,雖然潛逃美國大半年後返港密謀復出,但形象力挽無從,近日更獲無綫解約,翻身無望。