feat_1160_8

45歲鄧健泓同石詠莉齊齊拍微電影 片場大聲喝搞喊老婆

石詠莉(Sukie)本月初同唱片公司解約後,以獨立歌手身份繼續出歌,獲老公鄧健泓(Patrick)大力支持,近日兩公婆仲拍住上拍攝微電 影,一個導一個演齊齊參賽。

撰文、圖片:東方新地

鄧健泓、石詠莉兩公婆仲拍住上拍攝微電 影

由Patrick擔任導演嘅微電影《DREAMS COME TRUE 》,將參與第七屆微電影「創+作」比賽,Patrick特別搵嚟Sukie演出以夫妻檔上陣,對太太充滿信心:「每次同老婆合作都好得心應手,因為我太了解佢。」

鄧健泓同石詠莉兩公婆仲拍住上拍微電影,一個導一個演齊齊參賽。
鄧健泓同石詠莉兩公婆仲拍住上拍微電影,一個導一個演齊齊參賽。
Patrick特別搵嚟李日朗做男主 角:「今次好多謝李日朗幫手,老婆成日話要搵個靚仔做主角,相信呢次佢好滿意。」
Patrick特別搵嚟李日朗做男主 角:「今次好多謝李日朗幫手,老婆成日話要搵個靚仔做主角,相信呢次佢好滿意。」

緊張大師片場大聲喝老婆搞喊人

不過 Patrick呢個緊張大師,喺拍攝期間竟然整喊老婆:「有場戲喺洗衣舖 拍,嗰日我好大聲同Sukie講『唔好掂枱上啲嘢』,佢就覺得我好惡,當場就喊,停咗機6分鐘等佢,當然之後我要道歉啦。」 睇怕返到屋企要跪玻璃啦!

緊張大師Patrick親自落場引導兩位主角入戲,每拍一個鏡頭都會重睇 playback ,非常嚴謹。
緊張大師Patrick親自落場引導兩位主角入戲,每拍一個鏡頭都會重睇 playback ,非常嚴謹。
片中Sukie一人分飾兩角,飾演一對孖生姊妹, 最搞笑係有朋友睇過微電影後,以為Sukie真係有個孖生妹妹,仲讚阿妹靚過家姐㖭!
片中Sukie一人分飾兩角,飾演一對孖生姊妹, 最搞笑係有朋友睇過微電影後,以為Sukie真係有個孖生妹妹,仲讚阿妹靚過家姐㖭!