鄧卓殷舊照曝光 再被質疑整容 網民：側臉似鄺潔楹
舊照曝光 被網民質疑整容邵子風抽水
有人就喺討論區貼咗多張Amber中學時期的舊照，相中的她同依家似乎有啲唔同樣，皮膚唔止較黝黑，連五官都發生一點變化，以前Amber對眼睛係單眼皮，個鼻就係豬膽鼻，依家就有對雙眼皮嘅電眼，個鼻唔止變得小巧而且鼻樑高咗㖭！有網民話佢女大18變，但也有網民懷疑佢有「後天加工」之嫌。
睇吓啲Amber嘅中學時期舊相，唔知大家覺得有冇唔同呢？
承認箍牙
Amber曾出席公開活動講到舊照被翻炒，個樣唔同晒，當時佢回應：「睇番舊相好驚訝，但我只箍過牙，相中我冇修眉冇化妝。」
鄧卓殷去年被爆暗撻郭子豪
出身富裕家庭的30歲TVB藝人郭子豪(Arnold)被爆背住拍拖三年圈外正印女友Karen，偷食26歲香港小姐亞軍鄧卓殷！據指，Arnold於去年初時因與Amber拍攝綜藝節目《娛樂大家》而暗撻成功！消息傳足一年，終於獲當事人認愛。
話說，19年4月有網友曾發現Arnold趁Karen身在美國工作時，與一名個子矮小的女仔出埠遊玩，而20年時Arnold仍被影到拖住正印Karen出街，故被質疑一腳踏兩船，亦令人不禁聯想起「安心偷食」一事。
Ex係初戀男友
至於Amber，19年4月自爆與拍拖6年的異地戀男友分手，當時表示需要時間慢慢平復及揚言不要異地戀！不料，事隔不久Amber即已迅速忘記情傷，更被傳媒影到與疑似新歡郭子豪睇樓築愛巢！
急澄清與舊愛已分手
二人暗撻一事爆出後，Arnold隨即於IG解釋：「因為牽涉圈外人，又不是什（甚）麼喜訊，一直沒有宣布自己的Status。我和她已經分手有一段時間。多謝傳媒朋友關心，但希望畀少少空間，最近已經發生咗好多事。感激感激。」
其後，Arnold再接受傳媒訪問，雖然他沒有透露分手原因，但強調分手與鄧卓殷完全無關係！至於被問到現與鄧卓殷關係時，他則表示了解中，同時否認與Amber同居，指自己想搬近TVB而睇樓，上次是對方剛巧有時間才陪伴睇樓。
鄧卓殷是應屆雙料港姐
現年26歲的鄧卓殷(Amber)是2018年港姐亞軍，同時攞埋最上鏡小姐，成雙料港姐。Amber畢業於港大建築系，原是一名見習建築師。在學期間，她曾在由亞洲權威雜誌Perspective舉辦嘅年度設計頒獎盛事A&D TROPHY AWARD獲獎，同時學咗十幾年中國舞，真係才貌雙全。
決賽當晚，從小習舞的Amber表演強項中國舞，難怪獲田蕊妮、朱千雪及蔡思貝等星級評判激讚。
Amber笑容甜美，比賽當晚表現自然又有自信，獲亞軍也相當合理！
問答環節轉數快 全場爆笑
亞軍鄧卓殷獲讚泳裝環節騷急才，引得全場歡笑及拍掌。農夫就話Do姐成日叫佢哋做「垃圾」，如果Amber要幫農夫改過個新名，會改做咩呢？
Amber臨場就想到為農夫改新名「播種的機」，意思係可以更有效率咁將Hip Pop嘅種子傳播出去啊！農夫同Do姐當然有搞笑寸吓佢，但Amber全程都保持笑容，相當淡定得體！
問答妙趣橫生，搞到台下評判都笑到收唔到聲！
賽後鄧卓殷就謙認賽前做足功課，有找過農夫的背景資料。
鄧卓殷參選之路黑馬跑出
鄧卓殷身形「的骰」，身高只有5呎3吋，三圍31.5、22、33，但勝在樣子甜美可愛，Amber喺首輪面試時身穿黑色長裙，較其他參加者低調，不過出眾樣貌當然唔會被忽視！
去到次輪面試，Amber換上一襲橙色露肩短裙，加一對長長耳環，配埋本身招牌甜美笑容，即時Sharp醒唔少！
雖然Amber身材比其他佳麗瘦小，但睇腹肌都睇得出都有操過嚟！
港大建築系畢業
Amber畢業於香港大學建築學系，志向係成為一位有影響力的人，透過參與社會服務同埋利用自身嘅專業知識去連繫唔同人。真係又靚又叻又心地好！
動靜皆宜
睇Amber斯斯文文的外表，原來動靜皆宜，讀大學時亦有參加開跳舞表演！平時Amber嘅嗜好係跳舞、唱歌、觀賞電影及電視劇、畫畫、設計同健身！
