feat_1189_14

獨家專訪!鄭秀文主動聯絡阿Sa從此結緣 《聖荷西謀殺案》激發二人演技大爆發

萬眾期待的電影《聖荷西謀殺案》,終於在9月25日上畫,女主角Sammi鄭秀文與阿Sa蔡卓妍同是有閱歷的好戲之人,導演是最懂女人心的潘源良,Sammi與阿Sa都接受了角色帶來的新挑戰,兩個女主角的交錯情節扣人心弦,演技大爆發,幕幕高潮激動人心。

撰文、圖片:東方新地

鄭秀文指飾《聖荷西謀殺案》角色是一種幸福

經歷過高山低谷的Sammi,對住愈來愈成熟的阿Sa,由事業、愛情到家庭,她們都無所不談,曾經飽受負面情緒影響的Sammi,以過來人身份教阿Sa如何逆境自強,痛過跌過才能使人成長,最重要是以正面心態去面對。廿幾年來演活過無數電影角色,這次遇上潘源良的《聖荷西謀殺案》,Sammi話:「人哋未睇到你嘅可能性之前,必須要等,到終於有個人肯畀個機會我,咁我有一種……嘩!幸福來了嘅感覺。」仍未等到幸福的阿Sa,形容得更貼切:「角色劇本同演員真係一套灰姑娘嘅戲,真係啱嘅時候啱嘅機緣際遇,就會搵到屬於你對玻璃鞋,呢對鞋我仲等緊。豁達大愛的Sammi話齋,等就會有希望。

電影 《聖荷西謀殺案》 裡的阿Ling一角被Sammi喻為從影以來最難演的角色,阿Sa也說這次面對的完全不是平時熟悉的Sammi,她們異口同聲說最喜歡的一場戲是結局,阿Sa話:「最簡單set up,就係影住兩個人大頭,但係最考功夫、拍完最壓抑……唔可以講太多,會穿橋!」
電影 《聖荷西謀殺案》 裡的阿Ling一角被Sammi喻為從影以來最難演的角色,阿Sa也說這次面對的完全不是平時熟悉的Sammi,她們異口同聲說最喜歡的一場戲是結局,阿Sa話:「最簡單set up,就係影住兩個人大頭,但係最考功夫、拍完最壓抑……唔可以講太多,會穿橋!」

從舞台劇改編成電影,《聖荷西謀殺案》於三年前開拍,去年完成拍攝和製作工作,不過因疫情關係上映日期一改再改,今年初女主角Sammi鄭秀文被提名金像獎最佳女主角,可惜最後輸給《少年的你》的周冬雨,外界都戥呼聲甚高的Sammi唔抵,倒是早已在其他電影頒獎禮攞過影后的Sammi看得開:「獎唔重要㗎!呢個演出嘅機會重要啲,打開呢一種角色嘅路重要啲。」

《聖荷西謀殺案》在去年底已舉行優先場,Sammi與阿Sa的演出被行內人盛讚,更令兩位女角入圍各大電影頒獎禮提名,結果映期卻因為疫情一延再延,上畫日子如今落實在9月25日,阿Sa都話從未如此恨入戲院。
《聖荷西謀殺案》在去年底已舉行優先場,Sammi與阿Sa的演出被行內人盛讚,更令兩位女角入圍各大電影頒獎禮提名,結果映期卻因為疫情一延再延,上畫日子如今落實在9月25日,阿Sa都話從未如此恨入戲院。
Sammi與阿Sa十七年前合作拍電影互不相識,在片場幾乎零互動,這次再合作早已成為好友,最近二人忙於奔波為電影宣傳,在訪問現場見到面也是雞啄唔斷。
Sammi與阿Sa十七年前合作拍電影互不相識,在片場幾乎零互動,這次再合作早已成為好友,最近二人忙於奔波為電影宣傳,在訪問現場見到面也是雞啄唔斷。

為演活《聖荷西謀殺案》阿Ling 經常情緒爆發

入行三十二年,Sammi成為樂壇天后再踩隻腳入影圈,拍過的大導演、最佳男主角都無數,但Sammi還是覺得自己差一個角色差一個機會,直到遇上《聖荷西謀殺案》,她說:「首先我要多謝朱嘉懿,《花椒之味》嘅監製係佢,《聖荷西謀殺案》嘅監製都係佢。阿Ling呢個角色,係佢屬意一定要係我做,到我睇咗個劇本,得喇,唔使講!我一定要拍。呢啲機會可遇不可求,唔係講個角色有幾特別,對某啲演員嚟講可能經常會遇到,但咁多年真係未試過落喺我身上。做咗咁多年戲,我都等緊個願意畀機會我嘅人,終於等到。」

在《聖荷西謀殺案》中演阿Ling的Sammi,角色多層次而且很多情緒大爆發的場面,對她來說是前所未有的一種體驗,「以前拍杜sir(杜琪峯),大部分時候冇完整劇本,冇咩功課可以做。呢套劇本一到手,每一場我演嘅戲,我喺屋企已經預演咗好多次,雖然呢套戲係我拍咁耐戲以嚟最難嘅一部戲,但因為準備充足,每日去到片場我信心滿滿肯定自己可以駕馭到。阿Ling呢個角色好立體、好多唔同人性面,好多情緒爆發嗰吓你估唔到,咁至好睇,咁至係人性!佢看似好衰,但亦值得憐憫,我同阿Sa都最鍾意最後嗰場戲,兩個人面對面淨係講嘢,拍呢套戲成日都爆喊,我每日返到酒店都好攰、覺得個人好虛耗,真係用盡真力真氣嗰隻嚟㗎!」

歌影天后Sammi早年曾受抑鬱症折騰,現在她懂得凡事看開,不再執著。
歌影天后Sammi早年曾受抑鬱症折騰,現在她懂得凡事看開,不再執著。

有感生命中有人同行的重要

電影裡的阿Ling,看似幸福和平靜的生活在幾天之內瓦解崩離,最難過的是,最後剩下自己一個去承受和面對。想起來去年初Sammi的另一半安仔也是一夜之間讓二人的世界天翻地覆,大家都說許志安是幸運的一個,因為再糟糕的日子,身邊都有Sammi陪著一起走。

去年4月因為另一半許志安出軌,Sammi承受極大的壓力,憑住宗教信仰及懷住大愛寬宏的胸襟,Sammi與安仔都能克服障礙,繼續彼此扶持。
去年4月因為另一半許志安出軌,Sammi承受極大的壓力,憑住宗教信仰及懷住大愛寬宏的胸襟,Sammi與安仔都能克服障礙,繼續彼此扶持。
安仔經過長時間的沉澱,早前已出山現身ViuTV的音樂節目,重現笑容。
安仔經過長時間的沉澱,早前已出山現身ViuTV的音樂節目,重現笑容。
去年四月經歷「安心偷食」一劫,Sammi的處理方式有情有義又成熟得體,她說無論順境逆境都會同行的,這才叫做婚姻。
去年四月經歷「安心偷食」一劫,Sammi的處理方式有情有義又成熟得體,她說無論順境逆境都會同行的,這才叫做婚姻。

這些日子Sammi表現得極度大愛,受盡讚賞,對於愛,她說有些事不能太執著:「呢個就係婚姻。所謂同行,唔係淨係順境時先至叫同行,係你跌倒嗰陣時個同行者仲喺度,係咪叫佢嘅福氣我唔敢講,大家珍惜啦!呢場疫情令我更珍惜,好似好老土咁,但係真嘅,好多嘢好脆弱。其實做人唔使諗咁長遠,好多時好多嘢,你想事態向某個方向發展,但係最終A會變成B,命運使然……有啲嘢有得選擇,有時其實我哋又冇得選擇,我真係咁諗㗎,過唔過到聽日都未知。我覺得最差嘅時候都要識笑囉,畀啲歡笑畀啲鼓勵自己,我個底就係咁,我就係呢種人,環境可以好差,遇到嘅事可以好負面,但人生係一個過程,不停調適自己,學緊balance學緊點安慰鼓勵自己,學識如何原諒,成世就係咁,咁為之不停學習。與其乸住口面,不如唔好太執著,有八九十分就夠喇,對自己可以有要求,對其他人唔好太執著。」

阿Sa蔡卓妍角色顛覆以往印象

電影裡的另一女主角Yanny由阿Sa蔡卓妍飾演,她是Sammi年幼時在香港的朋友,同樣是闖了禍投奔到彼岸散散心。在短短幾天時間內,眼看著好朋友慢慢變臉,好景象慢慢變質惡化,她的演出和Sammi一樣,顛覆了這些年間觀眾自以為已經熟悉了的阿Sa。阿Sa說:「相對Sammi,我嘅角色輕鬆好多。呢個劇本、Sammi呢種角色,我都等咗好耐,等於歌手遇到一首好歌一樣,好難去強求。我曾經都有諗太多嘅時候,你知我以前狂拍戲,冇時間諗嘅階段都試過,有幾年停咗落嚟,推咗好多戲,因為我想演好啲,但人哋又唔係全部好嘢都畀你。我覺得我得,製片導演覺得我未得,因為事實上我有一啲根深蒂固嘅形象,於是乎停咗一段時間,又發覺個engine熄咁耐,架車都會壞㗎!有陣時有啲嘢唔可以強求時,我就會檢討自己,邊檢討自己邊儲多啲,呢幾年再搵埋個acting coach幫我手。愈複雜嘅角色愈係咁,有個人幫我換個角度睇,原來擴闊思想空間,可以差好遠。」

上月過了48歲生日的Sammi說最近盡可能陪伴已經高齡又周身病的愛犬Lucky,她做好心理準備之餘,最重要的還是珍惜眼前人、少點執著。
上月過了48歲生日的Sammi說最近盡可能陪伴已經高齡又周身病的愛犬Lucky,她做好心理準備之餘,最重要的還是珍惜眼前人、少點執著。
肥過又瘦過的Sammi,每次開演唱會都操得甚弗,她表示目前心態已大不同,不再盲目追求瘦身,勤做運動純為保持肌肉狀況。
肥過又瘦過的Sammi,每次開演唱會都操得甚弗,她表示目前心態已大不同,不再盲目追求瘦身,勤做運動純為保持肌肉狀況。

阿Sa最忙試過三套戲、五日瞓三個鐘

大家睇住Twins出道,睇住阿Sa由小女孩長大成初熟女,時間一瞬即逝已經二十年,阿Sa說第一個十年走紅得太快,過得像一場夢;第二個十年才開始識得調節,再下一個十年,要真正為自己而活。回想過去的奮鬥點滴,阿Sa笑言:「黐線!咁就二十年,咁就就嚟四字頭!頭十年真係夢一場,忙到根本冇時間消化。我想話我完全冇諗過紅同唔紅,更大感受就係要不停做。最攰嘅時候踩緊三套戲、五日瞓三個鐘,真係試過企住喺度都瞓得著,基本上瞓住化妝整頭、瞓住等化妝姐姐除晒衫換埋戲服、場務隊個劇本話我知:『你一陣間就係講呢句對白喇!』吓?鄭伊健?唔係謝霆鋒咩?原來已經去咗第二套戲第二個片場!同埋經常發生呢一樣嘢,之前套戲OVER咗,第二套戲監製嚟搶人,嗰幾年,第一,我唔知自己邊度嚟嘅力氣同精神;第二,我覺得冇良心得嚟好傷感。呢幾年工作有時遇到啲人,我以為初次見面,點知人哋話頭幾年其實合作過好幾次,我覺得自己好冇良心囉!亦好傷心真係有啲記憶係冇咗。我覺得自己簡直唔係人,所以呢十年我好努力記住合作過嘅人嘅樣同名,邊個幫過你,一定要記住佢。」

對於演戲與唱歌,阿 Sa說唱歌像興趣,演戲才是熱愛的終身事業:「所以我仲學習緊,仲儲緊,希望有一日製片同導演會見到我已經ready!」
對於演戲與唱歌,阿 Sa說唱歌像興趣,演戲才是熱愛的終身事業:「所以我仲學習緊,仲儲緊,希望有一日製片同導演會見到我已經ready!」
阿 Sa說曾經事業遇上樽頸私底下生活也不如意,是Sammi主動找上門開解傾談,如今二人真的成了無所不談的好友。
阿 Sa說曾經事業遇上樽頸私底下生活也不如意,是Sammi主動找上門開解傾談,如今二人真的成了無所不談的好友。

經過十年終懂得調節

這個十年,除了學會對演戲有要求、學會做個更好的人,阿Sa還學會了要對自己更好:「成長就係搵個我自己過得舒適嘅方式啫,一路改變自己,一路調節心態,學習點樣去過自己嘅日子。以前覺得工作就係全部,以為工作等於我嘅人生,當然有工開要感恩,但依家係會睇啲嘢冇咁緊張,我覺得下一秒會發生乜嘢都冇人知,最緊要過好今日。呢排喺屋企摷嘢,睇番啲舊相,搵番十幾廿個小學同學同老師。好有趣嘅一件事,係見到隔咗咁多年每個人企喺唔同工作崗位,大家互相開解,互相幫忙,有啲做物流嘅幫手搵口罩啦,有啲人號召我哋又一齊去做義工啦!我覺得好好,呢啲就係我想要嘅生活。至於結婚……依家咁樣幾開心,就維持現狀先啦!」

抗疫的日子,阿Sa說意識到工作不是人生的全部,享受多陪媽媽多陪貓狗,還找回了失聯十幾廿年的舊朋友,終於可以過貼地普通人生活。
抗疫的日子,阿Sa說意識到工作不是人生的全部,享受多陪媽媽多陪貓狗,還找回了失聯十幾廿年的舊朋友,終於可以過貼地普通人生活。
入行廿年的阿Sa逆齡生長keep住童顏,少女味依然重,她與Sammi一樣愛心爆棚,本來已養了一家大細的玩具貴婦狗,近年受百億太子爺男友石恆聰影響開始養貓,現在的新寵是愛貓「嚦咕」。
入行廿年的阿Sa逆齡生長keep住童顏,少女味依然重,她與Sammi一樣愛心爆棚,本來已養了一家大細的玩具貴婦狗,近年受百億太子爺男友石恆聰影響開始養貓,現在的新寵是愛貓「嚦咕」。

獨家專訪!鄭秀文主動聯絡阿Sa從此結緣 《聖荷西謀殺案》激發二人演技大爆發

齊齊向下一個十年出發

Sammi和阿Sa並非首次合作,03年,即是阿Sa的第一個十年,二人已合作過電影《戀上你的床》,不過當時Sammi已是天后,阿Sa仍是新人。Sa:「嗰陣時我咁細,啱啱入行,去到現場見到Sammi都唔敢出聲。」Sammi:「其實你唔係自己所講咁怕醜㗎!你喺現場都好活潑吓㗎!」呢十年,二人雖再無電影合作,但Sammi知道阿Sa遇上人生低潮,竟然主動出手搵到阿Sa電話,再化身輔導員進行開解,她們愈走愈近變成閨密。至於下一個十年,Sammi話:「我覺得我事業心冇阿姐(汪明荃)咁強,諗到仲要企喺舞台就覺得攰……既然開銷同儲蓄已經足夠,我唔想再spend多十幾廿年搵到盡,我希望到嗰陣已經過緊另一種生活。」阿Sa則有另一種看法:「我諗我會繼續演,最好就好似羅蘭姐一樣演到八十歲。你諗吓!到我同阿嬌八九十歲仲一齊行出嚟,成個金銀婆婆咁囉,好得意!同埋我都好好奇,到時啲導演會搵我做咩角色呢?」48歲的Sammi與37歲的阿Sa有著不同的人生目標,無論停步定繼續搏殺,都以幸福為終點站。

英皇集團主席楊受成博士兩年前率領《聖荷西謀殺案》主創團隊亮相「第21屆上海國際電影節」,Sammi和阿Sa性感現身,成為全場焦點!
英皇集團主席楊受成博士兩年前率領《聖荷西謀殺案》主創團隊亮相「第21屆上海國際電影節」,Sammi和阿Sa性感現身,成為全場焦點!
近年甚少上綜藝節目的Sammi,早前與阿Sa一齊為《 Do姐有問題》做嘉賓玩遊戲,傻更更的Sammi加埋率性的阿Sa,笑料百出。
近年甚少上綜藝節目的Sammi,早前與阿Sa一齊為《 Do姐有問題》做嘉賓玩遊戲,傻更更的Sammi加埋率性的阿Sa,笑料百出。

獨家專訪!鄭秀文主動聯絡阿Sa從此結緣 《聖荷西謀殺案》激發二人演技大爆發

03年,Sammi與阿Sa曾在電影《戀上你的床》中合作過,阿Sa自稱怕醜新人一個,而 Sammi當年是影壇新晉天后,二人同樣青澀。
03年,Sammi與阿Sa曾在電影《戀上你的床》中合作過,阿Sa自稱怕醜新人一個,而 Sammi當年是影壇新晉天后,二人同樣青澀。
Sammi自言性格主動,樂於以過來人身份分享並給予鼓勵,當年知道阿Sa陷入人生低潮即聯絡她,更自爆曾在家與Twins促膝長談傾心事,姊妹情由此而生。早前另一閨密周勵淇產子,二人更相約去探B。
Sammi自言性格主動,樂於以過來人身份分享並給予鼓勵,當年知道阿Sa陷入人生低潮即聯絡她,更自爆曾在家與Twins促膝長談傾心事,姊妹情由此而生。早前另一閨密周勵淇產子,二人更相約去探B。

《聖荷西謀殺案》激發二人演技大爆發

阿Sa飾演的Yanny與阿Ling(Sammi飾 演)是久別重逢的閨密,阿Sa因一段失敗戀情,逃到加拿大聖荷西寄居於Sammi及其夫(佟大為飾)的家中,兩女一男共處一屋,從喜相逢到揭穿底牌,甚至動殺機,Sammi跟阿Sa上演閨密反目戲碼。
阿Sa飾 演 的Yanny與 阿Ling(Sammi飾 演)是久別重逢的閨密,阿Sa因一段失敗戀情,逃到加拿大聖荷西寄居於Sammi及其夫(佟大為飾)的家中,兩女一男共處一屋,從喜相逢到揭穿底牌,甚至動殺機,Sammi跟阿Sa上演閨密反目戲碼。
Sammi自言在戲中有不少突破性演出,她為拍床戲而增肥約10磅:「希望形體上冇咁肌肉同骨感,有別於舞台上嘅自己。」她表示現在喜歡身體有點肉,覺得很有美感。
Sammi自言在戲中有不少突破性演出,她為拍床戲而增肥約10磅:「希望形體上冇咁肌肉同骨感,有別於舞台上嘅自己。」她表示現在喜歡身體有點肉,覺得很有美感。
電影海報及預告都出現一句「三個人都有殺死對方的理由」,點明三大主角的複雜關係,其中一幕 Sammi與阿Sa的精采對手戲引人入勝,Sammi向戲中丈夫佟大為怒哮:「我咁多年做所有嘅嘢都係為你好,點解你唔明呀?」阿Sa則突破嬌俏形象,指向腦袋激動說:「你有病呀呢度,冇人想同一個控制狂一齊!」
電影海報及預告都出現一句「三個人都有殺死對方的理由」,點明三大主角的複雜關係,其中一幕 Sammi與阿Sa的精采對手戲引人入勝,Sammi向戲中丈夫佟大為怒哮:「我咁多年做所有嘅嘢都係為你好,點解你唔明呀?」阿Sa則突破嬌俏形象,指向腦袋激動說:「你有病呀呢度,冇人想同一個控制狂一齊!」
Sammi形容戲中的阿 Ling複雜多層次,猶如魔鬼天使混合體,亦正亦邪,亦善亦惡,對愛情太執迷不悟、放不低,以及極端的愛恨,最終下場是自找的。Sammi表示自己的人生閱歷有助她拿捏角色。
Sammi形容戲中的阿 Ling複雜多層次,猶如魔鬼天使混合體,亦正亦邪,亦善亦惡,對愛情太執迷不悟、放不低,以及極端的愛恨,最終下場是自找的。Sammi表示自己的人生閱歷有助她拿捏角色。
由潘源良導演、翁子光改編劇本加上Sammi、阿Sa和佟大為的電影班底夠新鮮,化學作用出其不意的好,被譽為Sammi從影以來最突破的演出。
由潘源良導演、翁子光改編劇本加上Sammi、阿Sa和佟大為的電影班底夠新鮮,化學作用出其不意的好,被譽為Sammi從影以來最突破的演出。
因為闖禍而投靠老朋友Sammi,故事從愛情小品進化到情殺懸疑,阿Sa直言自己的角色是最簡單的一個。
因為闖禍而投靠老朋友Sammi,故事從愛情小品進化到情殺懸疑,阿Sa直言自己的角色是最簡單的一個。