os_feat_1151_sammi

鄭秀文與蔡卓妍鬥戲成金像影后大熱 自爆為演活角色增肥10磅

一致推舉為來年金像獎大熱,Sammi鄭秀文同阿Sa鬥戲鬥出火花,Sammi 演繹為愛情忘我付出嘅阿玲,百分百全情投入角色,情緒發揮得淋漓盡致,贏得影評人豪言:「鄭秀文影后冇得輸!」Sammi對此衷心感恩:「好幸運遇到呢個角色!」

撰文、圖片:東方新地

鄭秀文感激遇上好對手 遠赴加拿大取景享受抽離現實

遇上一個好角色,係所有專業演員夢寐所求,當Sammi接到《聖荷西 謀殺案》嘅劇本時,已有觸電嘅感覺:「阿玲被塑造得好立體,內心深處有 唔同層次,我希望自己嘅演繹,可以令觀眾睇到呢個人物嘅複雜性,亦正亦邪、亦善亦惡。」遠赴加拿大取景,Sammi笑言非常享受呢份抽離感,又遇上阿Sa同佟大為兩位好對手,Sammi話拍得好開心:「我第一次同大為合作,亦好多年冇同阿Sa合作,所以好有新鮮感,拍得好開心。」

Sammi
在《聖荷西謀殺案》中的演出獲 影評人大讚,有深度兼超水準發揮,足令 她成為來年金像影后大熱。
Sammi在《聖荷西謀殺案》中的演出獲影評人大讚,有深度兼超水準發揮,足令她成為來年金像影后大熱。
Sammi大讚阿 Sa 係好對手:「佢嘅投入對我嘅演出有好大幫助。」
Sammi最難忘有場戲,展示三個人感情大爆發:「無論身體或者語言互相廝磨,好到位!」

著重細節演活角色 自爆為電影增肥10磅

為投入角色,除認真熟讀劇本外,Sammi自爆秘密炮製一個小細節:「我刻意比平時增重8至10磅,唔係想自己變成大肥婆,而係希望憑呢個體形上嘅小小調節,令觀眾冇咁容易察覺呢個就係大銀幕見慣見熟嘅嗰個 Sammi,同時阿玲嘅走路方式、說話語氣,我都有相應調整,以更加切合呢個角色。」落足心機,難怪被影評人大讚為來年金像影后大熱啦!

被捧為金像影后大熱,Sammi話會以平常心面對:「雖然我會抱有少少期望,但我都會以平常心接受結果。」
對於角色阿玲嘅心理狀態分析,Sammi 話雖然佢個人好複雜,但又好清晰知道自己想要乜嘢:「呢個女人所做嘅一切都係出於愛,佢對男主角嘅愛係好真實,但佔有慾極強。」
導演潘源良盛讚Sammi非常認真與勤力,厚厚劇本寫滿密密麻麻嘅重點。