os_feat_1150_wing2

鄭秀文許志安甜蜜再現 Sammi大愛原諒 好老公安仔回歸

「安心事件」女主角黃心穎日前高調返港搏翻身,另一邊廂男主角許志安自嘲是個壞了的人要時間去修補,事隔多個月,Sammi似乎已經完全放低兼原諒安仔,早前更被記者見到二人sweet行超市。安仔找到Sammi這個好老婆,真是幾生修道。

撰文、圖片:東方新地

鄭秀文選擇原諒 許志安經修復成好老公回歸

經過多月來的潛水思過,安仔以靜制動成功修補夫妻關係,與老婆Sammi感情昇華,早前與友歐遊共享快樂時光,Sammi返港後更見豁然開朗,知情者說:「Sammi同安仔好快就冇事啦!依家不知幾開心,互相了解多咗,早前Sammi父母輪流病,安仔陪住Sammi去照顧兩老,幫手分擔,患難見真情,後來到Sammi個胃有事入院,安仔真係好擔心,佢哋經過咁多風風雨雨,安仔亦知道幸福唔係必然,今次對佢嘅教訓好大,以後唔會再錯啦!」

今年4月的「安心事件」,揭發黃心穎與安仔有染。
今年4月的「安心事件」,揭發黃心穎與安仔有染。
Sammi被指是事件中首號受害人,傷害至深,不過她選擇以大愛原諒安仔, 給他改過的機會。
安仔亦在記者會中爆喊坦承認錯,直言自己是個壞了的人,願意接受懲罰,無限期停工思過,直到自己修補好為止,以行動去補救。

Sammi安仔甜蜜再現 夫妻二人甜爆行超市

有Sammi大愛原諒,好老公安仔亦回歸,日前見他陪住Sammi到位於陽明山莊的超市,夫唱婦隨一齊溫馨掃零食,估唔到對自己的身形與健康同樣嚴厲與緊張的Sammi,會在超市狂掃大量薯片、餅乾與朱古力等高熱量不健康的零食,當見到本刊記者,Sammi與安仔同樣展現開心幸福笑容,能夠雨過天青齊上齊落,真係要好好珍惜。

日前Sammi與安仔孖住現身陽明山莊的超級市場,二人狂掃大量零食
仲棄用超市購物車,各自攬住一大堆零食,非常搞笑。
Sammi與安仔排除萬難繼續甜蜜,在超市內買嘢有商有量,最後由安仔負責埋單。
這晚Sammi 與安仔難得恩愛現身,雖然前後腳步出超市,但從二人燦爛的笑容足見夫妻關係更勝從前。