a_1149A_aunt_P6_7

關智斌陳家樂拍綜藝 構思「甜味」節目名未開拍先不和

有謂三個女人一個墟,咁三個男人又點呢?最近Kenny關智斌聯同陳家樂、楊天宇(Angus)為全新網上綜藝節目《三夫當關》擔任主持,節目中三人會大談男人經又互相爆料,每集仲會請來不同嘉賓,大爆娛圈秘聞!

撰文、圖片:東方新地

未開拍已有火花關智斌遲到被叫「Kenny哥」

節目未開拍前 ,三位猛男淨係開會互窒已相當有火花!早前三人齊集開會,你一言我一語互窒對方,令會議室嘈到拆天。當日遲到嘅Kenny步入會議室,家樂大叫「Kenny哥」,及後被工作人員踢爆佢投訴Kenny遲到,Kenny立即道歉:「對唔住啊家樂哥,家樂哥唔好咁燥啦。」 Angus則食花生坐埋一邊偷笑。

關智斌聯同陳家樂、楊天宇三位型男,為全新網上綜藝節目《三夫當 關》擔任主持,大談男人經。
關智斌聯同陳家樂、楊天宇三位型男,為全新網上綜藝節目《三夫當關》擔任主持,大談男人經。
節目驚喜之一,就係可以欣賞《三夫當關》嘅主題曲亦即係Kenny嘅新歌〈頭頂有角〉。
對於《男極圈》呢個節目名,家樂直言知道箇中意思,喺 Kenny 同 Angus 追問下,家樂心虛回應:「南極圈咪即係地球南邊嘅一個位囉。」
作為後輩嘅Angus ,見到兩位師兄舌劍唇槍,即醒目地坐埋一邊食花生。

關智斌被爆最愛show肌楊天宇要求家樂露點

之後開始討論節目名稱,大家提議如《宇斌同樂》、《3J》、《好雙宇的少男》及《秋風起斌爺肥》等全部帶有「甜」味嘅名稱令三人一頭霧水。被問到佢哋當中邊個最常剝衫?家樂同Angus不約而同地指向Kenny。家樂指因為自己有毛嘅關係所以從未曾露點,而Angus隨即要求節目其中一集要露點,十分搞笑。之後各人開始自訂拍攝要求,包括:家樂表明唔接受露點拍攝、Kenny指因自己比家樂同Angus細粒,所以唔接受企喺度拍攝等等⋯⋯呢三個男人口水多過茶,唔做主持真係嘥料!

家樂同Angus不約而同地認為Kenny最常剝衫騷肌。
操得一副好身材嘅Angus同Kenny不時大方晒六嚿腹肌,未知今次節目中又會唔會拉埋家樂仔落水呢?