「E神」陳靜益街坊、樂宜水著look慰勞大家！女星晒泳衣抓緊夏日尾巴

劉佩玥

何雁詩婚前派對竟然冇劉佩玥份？好姊妹決裂新聞盛傳中，Moon就一於懶理，一睇個笑容同埋咁 sharp醒嘅泳衣顏色就知心情依然靚靚。

樂宜

失驚無神試完婚紗，嚇到粉絲以為樂宜要嫁人，澄清完「講笑咋！真嘅話同你講！」後，即刻連出幾日海，晒多浸水著look慰勞吓大家先。

張韋怡

繼續賺錢買花戴嘅闊太生活，其實無論氣溫高定低，張韋怡都係照常遊吓船河、晒吓名牌包包歎世界。

吳嘉儀

入行五年終於捱到角色有人叫得出名，花名叫阿七嘅吳嘉儀，其實除咗係演藝高材生攞過兩次獎學金外，其33C身材一樣見得吓人。

蔡嘉欣

一時被指過分追捧名牌手袋太虛榮，一時又被爆加入 《姊妹淘》犯眾憎，新聞再多 都無損網紅出身嘅蔡嘉欣抓住夏天尾巴呃多轉like。

蔡潔

離開太陽娛樂轉投王晶同邵氏旗下後，蔡潔一直電影、電視劇拍不停，終於趕得切喺換季前落到水、晒到水著。

周秀娜

由性感𡃁模蛻變成演員，衫愈著愈多嘅娜姐家陣連出海套水著，都要玩長袖甚至乎包到上心口，呢啲叫今非昔比。

陳靜

31歲 Dada當年有「 E神」之稱，近年已收起性感，最近仲剪埋長髮行型格路線，呢個水著 look算係大贈送益街坊！

傅嘉莉

今個夏天連拍兩劇 《刑偵日記》同 《我家無難事》 ，終於 有假放，趁住新劇 《凶宅清潔師》未埋班，傅嘉莉嗱嗱聲 放自己一個staycation叉吓電先。

劉溫馨

辛苦足60日，用蔬果汁斷食法短短喺30日減咗15磅肉，身材達到最fit狀態嘅劉溫馨就算刮風也好天陰也好，都要晒一晒水著啦！

陳詩欣

加入 《學是學非》後極速入屋，做完輯 《3日2夜》更被網民當正女神，其實青春無敵笑得又夠甜，入秋前最後一套水著嚟講，陳詩欣呢套都算太保守囉！

曾淑雅

個個都玩staycation，其實個個心嗰句都係 「幾時有得飛」 ，Jumbo曾淑雅呢個燦 爛笑容話你知，既來之，則安之，享受當下至係王道。

陳康琪

香港樂壇一日難撈過一日，做女子組合Bingo不成，陳康琪反而靠演出ViuTV節目成功上位，其實泳衣look更襯佢野性又open嘅個人形象。